Números 12:5 - Biblia Yanowamö

⁵ ölajashi a bada comadiwä jamö Jeobaa a fa itoimanö, cama e yano jamö yoca lä cui jamö a fa ublaalunö, Aaloni, María sho cäcöbö nacaa ajedelema. Cäcöbö icua showadaquema.

Números 12:5 Iomraidhean Croise

Éxodo 19:9

Abinaja Jeobaa a cuu nomöjöoma. —Bei. Ölajashi a bada lä suble wei jamö ya culanö, cafä nija ya nia ajedeo. Cafä bäfä a̦ lä wayomaö wei, bluca bänö wale a̦ ji̦liabeje ya nia ajedou, cafä wa wa̦ nofi mölabobeje —a cuma. Isaeli ebä lä cuno wei, Moisesinö Jeobaa nija tä a̦ bluca wäyäma.

Éxodo 34:5

Ölajashi a jamö Jeobaa a fa itolunö, Moisesi a lä ublale jamö a ublaa yädäaliyoma. Ö̦jamö a fa ublaicunö, cama Jeobaa i̦cali a wa̦fa wäamou cadidioma.

Éxodo 40:38

Bä jocädou lä cuaafälöno wei däjä, Jeobaanö bä ca̦i cudou malä cuaafälöno wei. Jalu däjä ma cui, cama Jeobaa e yano feyaca jamö, ölajashi a bada feyacaoma. Didi däjä ma cui, ölajashi jamö cowa wacö shi̦i cudio fe fa jaludinö, Isaeli bluca ebä nija showadi tä dablamodima.

Números 11:25

Ö̦jö däjä, ölajashi a jamö Jeobaa a fa itolunö, Moisesi a wa̦ wayomama. Cama nija a Bufi lä yanöcöblaqueno wei a Bufi shedequeblamoa fa majölönö, bada 70 bä nija a Bufi yanöcöa shedequeomobodayoma. Bada bä nija a Bufi fa yanöcöomobodunö, a wa̦no wäyäö showadaomaje. Ö̦jö ma cui, moli bä inaja cuaaö fa showadaonö, bä cuaaö co̦daanomi.

Números 12:4

Ö̦jö cäcöbö a̦ ja, yedu Jeobaa a wa̦ nocalayoma. Moisesi, Aaloni, María, abinaja ö̦jö bä nowa bluca taö showadaoma. —Cafä 3 wamacö lä cui, iba yano jamö bä da juima —bä nowa tama. Ö̦jamö bä juu fa showadaonö,