Números 12:3 - Biblia Yanowamö

³ ¿Ö̦jö tawä? Cama Moisesi a jömamono lä mlai a cuoma. Ai bä jömöo lä mlai bä bluca ma bälöblamono wei ma cui, Moisesi a shino yai jömamonomi dodijiwä.

Números 12:3 Iomraidhean Croise

Números 12:4

Ö̦jö cäcöbö a̦ ja, yedu Jeobaa a wa̦ nocalayoma. Moisesi, Aaloni, María, abinaja ö̦jö bä nowa bluca taö showadaoma. —Cafä 3 wamacö lä cui, iba yano jamö bä da juima —bä nowa tama. Ö̦jamö bä juu fa showadaonö,

Mateo 11:29

Bämacö nosiemaö ja wamale a̦ da julä, camiyä nija wamacö damamobä. Ya wa̦ oquewä malä cui. Ya ca̦i nofi. Camiyä nija wamacö bufi nia shino yanöcöwä ca̦i cuo.

Mateo 21:5

Sionoteli bä da yömöla. Cama e Bada juu lä cuimi. A ca̦i Bada jömamou buomi. Yalo bulo a ja a döcälanö, a befi ca̦i juu lä cuimi. Bulo bä ijilubö a ma cui ja, a ca̦i döcäa. Einaja tä a̦ cuu.

Mateo 5:5

’Bä bufi lä oquei bä lä cui, ö̦jö bä bufi yai doblalobä cäbä. Yai Bada tänö dodijidawä bä nia malä tabou wei, tä a̦ wäa lä taqueno weinaja showawä.

2 Corintios 10:1

Cristo a wa̦ oquewä faö lä cuaano weinaja, camiyä Pablo ya wa̦ oquewä faö cuaaö mö fedua lä cule. Wamale a̦ ji̦liabä, ya wa̦ fe nia blacäjou. ¿Ö̦jö tawä? Ai wamacönö abenaja wamale nofi jo̦wa tabou. “Eja culanö a wa̦ Pablo faö ma quilii wei ma cui, blajai jamö a culanö, a wa̦ shi̦lo li faö waiteliblou.”

2 Corintios 11:5

Jesucristonö miji bä jo̦wa lä shimöleno wei, ¿miji bei bä shi̦lo dodijaö ayao daanö? Camiyänö ¿bei ya wa̦no wäyäö daimi tawä? Inaja camiyä ya nofi tamoboimi.

2 Corintios 12:11

Jai ya bufi daomi ya wa̦ cuaaö lä cufe. Cafä wamacö mayo ja. Camiyä ya wa̦fa wäamamobä mlai ja, cafä wamacönö wamale a̦fa yai wäyäbä wamacö yai ma cui, wamacö a̦ fanomi dicowä. Miji bä lä cui, “¡Jesucristonö bä lä shimöleno wei, fei bä yai!”, wama bä nofi jo̦wa ma tablalaö ma cule, camiyänö inaja ya bä nofi nö tabobimi. “Ö̦jö bä shi̦lo yai dodijaö”, camiyä ya bufi cuimi. Camiyä wamale nofi tabou ma mlale ma cui, bämacö nowa taö.

1 Tesalonicenses 2:7

Cafä wamacö lija yamacö a̦ shi̦lo oquewä faö cuaama. Suwä anö, ijilu a ca̦i oshe dodijidawä lä cuo weinaja, bämacö ca̦i dodijidawä cuoma.

Santiago 3:13

¿Cafä ai wamacö bufi jaducuwä cublawä tawä? ¿Wamacö bufi ca̦i dao tawä? Wamacö bufi lä jaducui wamacö nia jömöomi. Wamacö bufi oquejelanö, wamacö nia shino cudio. Wamacö lä dodijaö wei tänö wamacö bufi nia jaducuwä damolaliyo.

1 Pedro 3:4

Ma, bei wamacö sibo mlai, bei wamacö bufi yai lä liyäjäo wei tänö, Yai Badanö wamacö a̦fa nia shino suwä liyäjäwä taö. Wamacö bufi ca̦i oquewä cuo ja, bufi yanöcöwä wamacö ca̦i cuo ja, inaja lä yai. Ö̦jö däjä Yai Bada wama a bufi nia yai doblamabou. Ö̦jö tä nowa a̦fa shino yai bluca taö.