Números 12:2 - Biblia Yanowamö

² Abinaja cäcöbö cuma. —Jeobaa a wa̦no wäyämobä, ¿Moisesi a wa̦ shino wayomaö ayao daanö? ¿Camiyä yafäcö a̦ ca̦i ji̦limou mö feduobä, yafäcömi daanö? —cäcöbö cuma. Inaja cäcöbö lä cuno wei, Jeobaanö cäcöbö a̦ ji̦lilema.

Números 12:2 Iomraidhean Croise

Génesis 29:33

A shibönaböa fa co̦lunö, Leaminö ai a ijilu tablaö co̦layoma. Ö̦jö a ijilu fa tablalönö, Jeobaa nija a bayeliblamoa co̦layoma yalo, Simeoni a wa̦fa jilaquema. Abinaja a cudaliyoma. —Wale nofi lä wa̦libole Jeobaanö tä a̦ fa ji̦lilänö, ijilu a ja, wale bayeliblaö co̦layoma —a cuma.

2 Samuel 11:27

A nomöa lä bou wejei etä fa waiconö, Davidnö a suwä nacamaö bufima. Cama lija a ca̦i fa fuimajenö, a däa cadidilema. Davidnö ijilu a lä taqueno wei a tablalema. Ö̦jö ma cui, David a lä cuaano wei tä ja, Jeobaa a bufi doblaonomi.

Éxodo 4:14

Ö̦jö däjä, Jeobaa a jushudou fe balojolayoma, Moisesi nija. A nowa taö ja, abinaja a cuma. —Uo. A̦iyofä Aaloni a lä cui, Lewi nodiwä e mö feduwä lä cui, a malä cule. Ö̦jö aca lä jayu wei ya daö. Wa mö baamabä, a juu mö fedua waiquia lä cuimi, ¿ö̦jö tawä? Wa fa dalalönö, a bufi nia doblalou.

Éxodo 4:30

Moisesi nija Jeobaa a wa̦no bluca lä ji̦lileno wei, Aaloninö a wa̦no fe dolemaö showadaoma. Täbä mamo showao däjä, tä nö lä quilijii tä bluca ca̦i wawämaö showadaoma.

Éxodo 5:1

Ö̦jö tä cublou waiquilayono wei ja, bada a lä cui nija, Moisesi, Aaloni sho cäcöbö fa icuicunö, abinaja a nowa taböma. —Jeobaa yafä a wa̦no wäyäö lä cule, Isaeli yama ecö nija a lä bufiblamou wei a lä cui. Ulifi bloque jamö cama nija bä iyaö ca̦i co̦camobä, ebä shömöa da co̦lu —a nowa taböma.

Éxodo 7:10

Ö̦jö cudeenö, bada a nija, Moisesi, Aaloni sho cäcöbö icua fa co̦icunö, Jeobaanö cäcöbö nowa taö ja, a lä cuno weinaja cäcöbö cuaaö showaoma. Bada a ma cui, cama ebä lä yädämabono wei bä ma cui, ö̦jö bä lä cule jamö Aaloninö fii efi fa shäyäblacönö, olu cäcö cublaliyoma.

Números 11:1

Bä jocäö lä cuaafälöno wei jamö, bä doblou lä mlai tä bluca cuoma yalo, Isaeli ebä bufi bluca diclojoablaloma. Bä jölama. Bä a̦ lä fano wei, Jeobaanö bä a̦ ji̦lilema. Bä a̦ ji̦liaö däjä, a fa jushudalunö, cama bä lä cule jamö cowa wacö bada yäa showadamaquema. Wacö fa yämacönö, bä bälöjöwä lä siboblai, bä mö watäblamaö showadalayoma.

Números 11:29

Ö̦jö ma cui, abinaja Moisesi e cuma. —“Cafänö yami wa wa̦no shino wäyäbä”, ¿bei wale nofi tabou dicoa cule? A bufi jalujo dijä. Jeobaa bluca ebä nija a Bufi yanöcöblou fa cunoja, tä nö doblaobö wei. Bluca bänö a wa̦no wäyäö fa cunoje ja, tä nö ca̦i doblaobö wei —a cuma.

Números 12:3

¿Ö̦jö tawä? Cama Moisesi a jömamono lä mlai a cuoma. Ai bä jömöo lä mlai bä bluca ma bälöblamono wei ma cui, Moisesi a shino yai jömamonomi dodijiwä.

Números 16:3

Ö̦jö bä fa toujublalunö, Moisesi, Aaloni cäcöbö nabä icuquemaje. Abinaja cäcöbö nowa tamaje. —Wafäcö showadi lä cuaaö wei, inaja lä waiquiwä. Tä da mladamabölö. Cafä wafäcö nofi showadi yaimamodii. Jeobaa nija Isaeli bäma ecö lä cui, bluca bämacö yaia. A yaia lä mlale, moli ma cui a cuami. Jeobaanö bluca bämalecö ca̦i cua. ¿Ö̦jö tawä? Jeobaa yama ecö nija, ¿wedi tabä cafä wafäcö nofi li shino yaimamou bufi doblao, ö̦jö lä? —bä cuma.

Romanos 12:10

Cama täbä bluca nofimayou lä culenaja, bä nofimayou da cuo. Dodijidawä täbä nofi ca̦i wawädowä da taboje. Inaja lä wamacö yai showadi taamayobä.

Romanos 12:3

Yai Bada tänö wale nofi fa ojodabonö, Jesucristo ya wa̦no wäyäö cuaabä wale shimölema. Ö̦jö cudeenö bämacö nowa bluca taö lä cule. ¿Ö̦jö tawä? Cafä wamacö nofi lä tamobole tä ja, bä da bejedimou. Wama tä nö taö doblobimi ja, bä jolemou buo dijä. Yai Bada tänö wamacö taamaö bufi lä doblao wei, ö̦jö wama tä nofi mölabolanö wamacö shi̦lo cuaabä.

Filipenses 2:14

Wama tä bluca lä taö wei tä ja, dodijidawä bä da cuo. Wamacö bufi jushujuablalou mlai, wamacö a̦ lafujou mlai, wamacö dodijabä.

Filipenses 2:3

Abenaja ya cuu. Jödödöwä wama tä taö lä bädao wei tä ma cui ja, cafä wamacö bädawä mlai, ai wama täbä nofi ca̦i jaducäbobä. Cafä wamacö nofi dodijaö doobä mlai. Wamacö bufi jaducälanö, “¡Jai yä! ¡Cama bä nofi li dodijaö yai!”, ai wama bä nofi ca̦i tabou mö feduobä.

1 Pedro 5:5

Fiya wamacö lä cuinö, bada wama bä a̦ ca̦i nia juaö. ¿Ö̦jö tawä? Bluca wamacö ma cui, wamacö a̦ dodijidawä juayobä wamacö. Cafä wamacö jömöo mlai, ai wama bä a̦ shino ji̦liabä. Abinaja tä a̦ malä cuu wei. Cama bä lä jömöo wei bä lä cui nija, Yai Bada a bufi lämou. Ö̦jö ma cui, bä jömöo lä mlai bä lä cui bä nofi yai ojodabou. ¿Ö̦jö tawä? Einaja tä a̦ cuu.