Números 12:1 - Biblia Yanowamö

¹ Moisesinö Ediobiateliyoma a suwä dälema yalo, ö̦jö a suwä nowa ja, bä amiyobö María a ma cuinö, bä a̦iyobö Aaloni a ma cuinö, Moisesi a wa̦fa taböma.

Números 12:1 Iomraidhean Croise

Génesis 24:3

bäfä a̦ nö nia wäamaö showadao. A jolemo dijä. Jeobaa a malä cule, judu mösö ma cui jamö, bita a ma cui jamö, Yai Bada a nosiemou lä ayai a lä cui. ¿Ö̦jö tawä? Ijiluyä nija, Canaanateliyoma a suwä däama dijä. Ö̦jö bä nija ya ma co̦cao wei ma cui, ei Canaanateliyoma bä nabä suwä shöma dijä.

Génesis 24:37

’Iba bada a lä cuinö, wale a̦ nö wäamama —a cuma—. Wale nowa taö ja, abinaja a cuma. “Ijiluyä nija, Canaanateliyoma a suwä däama dijä. Ö̦jöteli bä nija ya ma co̦cao wei ma cui, ei Canaanateliyoma bä nabä suwä shöma dijä”, a cuma.

Génesis 27:46

Ö̦jö däjä, Isaacö nija abinaja Lebeca a cuma. —Esau bei suwäbö cäcöbö nija, ö̦jö idida cäcöbö suwä lä cui nija, ya bufi uomou waiquiwä. Ö̦jö cäcöbö lä culenaja a suwä cuwä, Jacobonö a däaö mö feduo dicoo ja, ya bufi nö doblobimi —a cuma.

Génesis 41:45

Bada a lä cuinö, Safabanea José a wa̦fa ca̦i jilaa nomöjöquema. José a suwäbö tamabobä, Bodifela bä tää e ca̦i jöbäquema, Asenada a wa̦fa suwä lä cuono wei. Ö̦jö a Bodifela lä cui, Ono jamö täbä nofi lä bäyäbono wei, a fecula cuoma. Inaja tä fa cublalunö, Ejido tä jödödöwä jamö, José a nö bada ö̦jöböamou blaucou cuaama.

Éxodo 2:16

Bei. Madianateli bä nofi lä bäyäbono wei a bada lä cui, bä tää 7 ebä cuoma. Ö̦jö bä suwä lä cuinö, bä fö̦ö yalo ebä amishi co̦amabeje, mau u lä bale täca jamö yalo bä ca̦i blacäimamaje. Mau u nia fa yaquejenö, bä shömoyoluma. Yalo bä amishi co̦amabeje, showadi mau ubä lä löblaamou wei tä ja, ubä nia löblaama ma cujei,

Éxodo 2:21

Ö̦jö a wa̦lo nija Moisesi a bälöo bufi fa doblaonö, a bälöquema. Ö̦jö nija a fa bälöalunö, bä tää Sefola e dämalema.

Éxodo 34:16

Ijilufä bä nija, ö̦jö wama bä tääbö ca̦i däamaö dicoo mlaobä. ¿Ö̦jö tawä? Inaja wamacö cuaaö dicoo ja, ö̦jö bä suwänö ijilufä bä nia yaclämaöje. Tä bufiblabeje, shomi tä lä lämabolajei tä nija, cama suwä bä bufi yabäcäo lä culenaja, ijilufä bä nia yabäcamaö mö feduo dicooje.

Números 14:22

Bä nö badabö nija ya tä a̦fa ulifi ma wäqueno wei ma cui, ei bä doblou lä mlai bänö tä nia ulifi möimi waiquiweje. ’Ejido jamö ma cui, ei tä ulifi lä blocole jamö ma cui, cama bä nija wawädowä ya shi̦i dablamou wawädooma —a cuma—. Ya nö lojode ö̦jöböamobä, bluca ya nö quiliama. Ö̦jö tä bluca ma dablaö wejei ma cui, wale bejedimou shino wabadii dicooje. 10 wale wabaö cua waiquiaje. Wale a̦ ca̦i ji̦liblaimije. Ö̦jö cudeenö, ei bänö, wale nofi lä wa̦libou wejei bä lä cuinö, ya tä a̦fa ulifi lä wäqueno wei tä nia ulifi dablaimije.

Mateo 10:36

Iba wamacö yalo, afä bä mashi cadidiwä ma cuinö wamacö nofi nia yai wa̦libouje.

Mateo 12:48

Ö̦jö ma cui, a lä yömölano wei a lä cui nija abinaja Jesús e cuma. —¿Wedi nija bei ya yai li nöömou, ö̦jö lä? ¿Wedi jamö bä nija bei ya yai li fääshämou? —a cuma.

Juan 15:20

’Cafä wamacö nija ya lä cuno wei, tä a̦ nofi da jaduculeje. Bada a lä cui a nofi tabou mlaoje däjä, cama ebä nofi nia tabou ayaomije. ¿Ö̦jö tawä? Camiyä wale nö bleaamaö waiquiaje ja, inaja showawä, cafä wamacö nö nia ca̦i bleaamaö mö feduoje. Camiyä wale a̦ nofi cadidibou waiquiaje ja, inaja showawä, cafä wamacö a̦ nofi nia ca̦i cadidibou cuo mö feduoje.

Juan 7:5

Bä fääshä ebä ma cuinö a wa̦ bejedi bufino malä mlajei.

Gálatas 4:16

Fei däjä, bejedi tä a̦ ja bämacö yömölaö shalilio tä nowa ja, ¿wamale nofi nia wa̦libou majöo dicoblao daanö?