Números 11:8 - Biblia Yanowamö

⁸ Nii bä löbömaöje däjä, dabö dabö ubä fa coyocoblajenö bä wamou lä cublou weinaja, inaja manaa bä ca̦i wamou cuo mö feduoma. Sibo jamö bä fa jublaanö showadi manaa bä jocaö cuaamaje. Madofi ebä ja, ai bä washishamamaje. Fii defi ca jamö, ai bä dicaamaje. Jaboca bä jamö, ai bä jaliamaje. Ai bä fa la̦majenö bä wamaje.

Números 11:8 Iomraidhean Croise

Génesis 25:29

Abinaja tä cublaliyoma. Jacobonö nii bä wacäjäwä löbömaö feyaaö däjä, Esau ulifi jamö a fa alunö, ö̦jö nija a ofili co̦blou co̦layoma.

Éxodo 16:23

Tä a̦ wäyäöje ja, abinaja Moisesi a cuu mö feduoma. —Awei. Ö̦jö waiquiwä —a cuma—. Inaja Jeobaanö wamacö taamaö malä bufino wei. Abinaja bä nowa ca̦i taö showaoma. —Fena ja, sábado däjä, wamacö ojodamou yanöcöblobä cätä. Wamacö yanöcöobä tä mö jalu lä cui, tä mö nia jalu yaio, Jeobaa wama tä nofi jaducubobä. Ai wama täbä nia lä yaaö wei täbä ma cui, ai wama täbä nia lä jaliaö wei täbä ma cui, fei däjä ö̦jö wama täbä nia jödödöwä löböblaö showadao. Fena ja ö̦jö wama bä nii waö co̦obä, wama bä ca̦i löbö tabou fe jalubä —bä nowa tama.

Éxodo 16:31

Bei. Ö̦jö täbä nii wai lä bläläno wei täbä lä cui, manaa täbä a̦fa jilabomaje, Isaeli ebä lä cuinö. Nii bä jamö bä jenabä wai lä ca̦bou wejei mobä au lä culenaja, täbä au cuoma. Jai buu ubä coyocoa, täbä wamou cuoma.

Números 11:7

¿Ö̦jö tawä? Manaa bä lä cui, nii bä jamö bä jenabä wai lä ca̦bou wejei mobä lä culenaja, bä wai wajaquemi cuoma. Bä mömou fla̦lajaoma, bä mömou ca̦i auoma. Jai buu ubä coyocowä, bä wamou cuoma.

Números 11:9

¿Ö̦jö tawä? Didi däjä jemau jemau bänö tä ulifi jäläaö fe lä jaluno wei däjä, manaa bä ca̦i coyocoo fe jaluma.

Juan 6:27

’Nii bä mladou si lä ijejei bä ja, bä cuaablalou fe balojoo dijä. Täbä ba̦limi cuobä cäcö nii ja, wamacö shino yai ojodamobä. Ö̦jö cäcö nii ja wamacö dobämobä, ei lä ya waiquiwä, camiyä ya lä yanowamöblaleyoluno wei ya lä cui. Fayä Yai Bada tänö wale nö malä ö̦jöböamale —bä nowa tama.

Juan 6:31

Camiyä bämacö bada bä lä cuono wei bä lä cui, ulifi bloque jamö Moisesinö bä ca̦i juu ja, manaa bä ja bä iyama, tä a̦ oni lä cuu weinaja showawä. Abinaja tä a̦ cuu. Fedu jamö bä nii lä bläläno wei bä ja, bä iyamama. ’Einaja tä a̦ cuu —bä cuma.