Números 11:7 - Biblia Yanowamö

⁷ ¿Ö̦jö tawä? Manaa bä lä cui, nii bä jamö bä jenabä wai lä ca̦bou wejei mobä lä culenaja, bä wai wajaquemi cuoma. Bä mömou fla̦lajaoma, bä mömou ca̦i auoma. Jai buu ubä coyocowä, bä wamou cuoma.

Números 11:7 Iomraidhean Croise

Génesis 2:12

Ö̦jö tä ulifi jamö bä olo dodijidawä fe balojowä. Nö cle̦deli defibä ca̦i shu̦u cublawä. Maa mabä oni lä liyäjäi mabä ca̦i, mabä nowa wai lä bluca wei.

Éxodo 16:23

Tä a̦ wäyäöje ja, abinaja Moisesi a cuu mö feduoma. —Awei. Ö̦jö waiquiwä —a cuma—. Inaja Jeobaanö wamacö taamaö malä bufino wei. Abinaja bä nowa ca̦i taö showaoma. —Fena ja, sábado däjä, wamacö ojodamou yanöcöblobä cätä. Wamacö yanöcöobä tä mö jalu lä cui, tä mö nia jalu yaio, Jeobaa wama tä nofi jaducubobä. Ai wama täbä nia lä yaaö wei täbä ma cui, ai wama täbä nia lä jaliaö wei täbä ma cui, fei däjä ö̦jö wama täbä nia jödödöwä löböblaö showadao. Fena ja ö̦jö wama bä nii waö co̦obä, wama bä ca̦i löbö tabou fe jalubä —bä nowa tama.

Éxodo 16:31

Bei. Ö̦jö täbä nii wai lä bläläno wei täbä lä cui, manaa täbä a̦fa jilabomaje, Isaeli ebä lä cuinö. Nii bä jamö bä jenabä wai lä ca̦bou wejei mobä au lä culenaja, täbä au cuoma. Jai buu ubä coyocoa, täbä wamou cuoma.

Números 11:8

Nii bä löbömaöje däjä, dabö dabö ubä fa coyocoblajenö bä wamou lä cublou weinaja, inaja manaa bä ca̦i wamou cuo mö feduoma. Sibo jamö bä fa jublaanö showadi manaa bä jocaö cuaamaje. Madofi ebä ja, ai bä washishamamaje. Fii defi ca jamö, ai bä dicaamaje. Jaboca bä jamö, ai bä jaliamaje. Ai bä fa la̦majenö bä wamaje.

Apocalipsis 2:17

’Bä yömöcacö lä walalai bä yömöca dao dodijiobä —a cuma—. Yai Bada tä Bufinö iba bä lä yododoblai bä nowa lä taö wei tä a̦ ji̦liabeje. Bä nö wa̦lojaö lä ayao wei bä lä cui, ya bä nia iyamaö, nii manaa bä lä jo̦yale bä ja. Maa au ya mabä nia ca̦i oni jöbäö. Dude a wa̦fa ca̦i lä onile, ya mabä nia jöbäö, a wa̦fa daö lä mlajei. Mabä lä däaö wejei bä lä cuinö a wa̦fa nia shino daöje.