Números 11:16 - Biblia Yanowamö

¹⁶ Abinaja Jeobaa a cuma, Moisesi nija. —Isaeli bada ebä nija, iba 70 wa bä fa yododoblamalönö, eja bä ca̦i da waloiquiyo, wa bä yai nosiemou lä dale. Iba yano jamö wa bä ca̦i fa juimanö, ö̦jö bä sho wamacö nö daobä.

Números 11:16 Iomraidhean Croise

Éxodo 24:1

Moisesi nija abinaja Jeobaa a cuma. —Camiyä Jeobaa ya nija a dua da co̦bo. Aaloni a ma cui, ö̦jö bei ijilubö ecöbö Nadaba a ma cui, Abiu a ma cui, ö̦jö bä ca̦i da dolequebo. Isaeli ebä bada lä cui bä nija, 70 wa bä fa yaialalönö, ö̦jö wa bä ca̦i bluca dolecoimabä. Bayäcäwä wamacö yanöcölanö, wamale a̦fa Bada doblao tabä, wamacö möfe nia deio.

Éxodo 24:9

Ö̦jö däjä, Aaloni a ma cui, bei ijilubö ecöbö Nadaba a ma cui, Abiu a ma cui, Isaeli ebä ca̦i bada 70 ma cui, Moisesinö ö̦jö bä ca̦i bluca dolequebefälöma.

Éxodo 4:29

Ö̦jö däjä, Ejido jamö Moisesi, Aaloni sho cäcöbö aa fa showaläfälönö, Isaeli ebä bada lä cui, bä co̦camobömalema.

Números 11:24

Ö̦jö däjä, Moisesi a faa fa co̦lunö, bluca täbä nija Jeobaa a wa̦no wäyäö showadaoma. Isaeli bada ebä nija, 70 bä fa yododoblamalönö, Jeobaa e yano jamö bä ublaa fe fa̦yoblamalema.

Números 16:25

Ö̦jö däjä, Dadana, Abila cäcöbö cuobä jamö, Moisesi a aa fa showadaalunö, ö̦jö nija Isaeli ebä bada yaua showalayofälöma.

Lucas 10:1

Ö̦jö tä cublou fa waiquilonö, Bada tä nia lä juno wei jamö a wa̦no taö balöodayobeje, 70 ai bä yaia nomöjömaquema. Bluca bä lä bälöblai bä nijamö, cama a nia waloadalou lä cuaaö wei jamö, bolacabö bä cudawä bä shömöa balöabodayoma.

Lucas 10:17

Jesúsnö 70 ebä lä shömöleno wei bä lä cui, bufi doblalolanö bä waloa coquema. Abinaja Jesús nija bä cuu co̦ojoloma. —Bada tä. Cafä wa wa̦nö fecula yama bä yashublamaö däjä, ö̦jö bä ma cuinö yamalecö a̦ juaöje —bä cuma.