Números 11:12 - Biblia Yanowamö

¹² ¿Camiyänö ya bä bluca taama daanö, camiyä nija wa bä fa̦locamaö bufibä? Oshe bä yacabou lä culajeinaja ya bä tabolanö, yamacö nö badabö nija wa tä a̦fa ulifi lä wäqueno wei jamö ya bä bälabä, ¿ö̦jö ya daanö?

Números 11:12 Iomraidhean Croise

Génesis 13:15

Cafä nija ma cui, afä bä nia lä nodiblou wei bä nija ma cui, ya tä ulifi nia lä jöböaö wei, wa tä ulifi bluca dablabä, ö̦jö lä. Wama tä nofi ulifi tabou shi wa̦libä.

Génesis 24:7

Jeobaa a lä cuinö, fedu jamö tä Yai Bada lä culadinö, eja wale tamabou malä waiquile. Fayänö bä ca̦i lä bälöono wei bä nijamö, ya oshe lä cublaliyono wei jamö, wale co̦a waiquilema yalo, wale yömölaö cadidio malä waiquiono wei. A wa̦ nö wäo ja, abinaja a cuma. “Ijilufä bä nodiwä bä nija, ei ya tä ulifi jöböaö wä”, a cuma. Ö̦jö a wa̦ nö lä wäono wei a lä cuinö, cama etä a̦jele fa junö, wa lulubou cadidofälöö weicätä. Wa fa lulubofälönö, ö̦jö bä nija, ijiluyä nija suwä wa däamabä.

Génesis 50:24

Ya̦cumö, cama mashi ebä nija, José a wa̦ fama. —Ya bufi mlaaö a lä cuimadi. Ö̦jö ma cui, Yai Bada tänö wamacö fe nia waloo juoyoluu. Wamacö nia co̦aö. Tä a̦fa ulifi jaba lä wäyäno wei jamö, wamacö nia lulubou co̦ofälöö. Ablaamö nija ma cui, Isaacö nija ma cui, fayä Jacobo nija ma cui, a wa̦ nö wäo malä balöono wei —a cuma.

Éxodo 13:11

’Canaanateli bä ulifibö jamö wamacö bälöaö nomöjöobä, Jeobaanö wamacö nia lulubou, cafä wamacö nija a lä cuno weinaja showawä —a cuma—. Cafä wamacö ma cui nija, wamacö nö badabö jaba lä bälöono wei bä ma cui nija, a wa̦ nö wäo malä balöono wei. Ö̦jamö wamacö bälömaquei ja,

Éxodo 13:5

’Wamacö nö badabö nija, Jeobaanö tä a̦fa ulifi lä wäyäno wei jamö wamacö ca̦i waloqueno wei ja, ö̦jamö lä, ei wama a nö belibo dabolanö, wamacö nia iyaö ca̦i co̦camou co̦o —a cuma—. Canaanateli bä ulifibö ma cui, idida bä ulifibö ma cui, amoleo bä ulifibö ma cui, ebeo bä ulifibö ma cui, jebuseo bä ulifibö ma cui, cafä wamacö bälöo nomöjöobä, a wa̦ nö wäo balöoma. Ö̦jamö lä, tä ulifi nö niji dodijiwä. Tä nö ca̦i ofimi.

Éxodo 33:1

Moisesi nija abinaja Jeobaa a cuma. —A da alufälö. Ejido jamö wa bä lä co̦leno wei bä lä cui, bä ca̦i bluca juu da showadaofälö. Wamacö nö badabö nija ya tä a̦fa ulifi lä wäqueno wei jamö wa bä ca̦i jubä. Ablaamö a ma cui nija, Isaacö a ma cui nija, Jacobo a ma cui nija, ö̦jö bä nija ya wa̦ nö wäo ja, ya bä nowa tama. “Afä bä nodiwä nija ya tä ulifi jöböaö wä”, ya bä nowa tama.

Éxodo 6:8

Ablaamö a ma cui nija, Isaacö a ma cui nija, Jacobo a ma cui nija, ö̦jö bä nija ya tä a̦fa ulifi lä wäqueno wei jamö ya bä lulubofälöö wä. Ö̦jö tä ulifi ja bä bälöo shi wa̦liobä, ya tä ulifi nia jöbäaö showadao. Ei ya wa̦ lä cui, Jeobaa cä ya wa̦. Inaja wa bä nowa tabä —Moisesi nija a Jeobaa cuma.

Juan 10:11

’Oweja ya bä yai lä nowamaö wei, ei ya. Ö̦jö ya lä cuinö, oweja ya bä nowamabä, ya nia lä shämou wei tä ma cui ja, ya ojode.

1 Corintios 4:15

Jesucristo lija wamacö cadidobä, bluca bänö wamacö ma yömölaö wejei ma cui, ö̦jö wama bä nofi fö̦ömabä bämi. Camiyä ya wa̦ linö Jesucristo lija wamacö bufi jaba cuquema yalo, camiyä wamale nofi bluca fö̦ömabä ya malä cui.

Gálatas 4:19

U̦asimi cäbä. Ijilu bä ninibouje ja, bä nofi fo̦limamolanö bä tablaö shi jalimou lä cuaaö wejeinaja, inaja showawä Cristo wama ecö cublobä ya shi ca̦i jalimou cuoma. Fei däjä ma cui, Cristo lija wamacö bufi yai jaducäblobä, bufi yanöcöa mlai ja, shi jalimolanö bämacö yai taamaö bufi doblaa showaa lä cule.

1 Tesalonicenses 2:7

Cafä wamacö lija yamacö a̦ shi̦lo oquewä faö cuaama. Suwä anö, ijilu a ca̦i oshe dodijidawä lä cuo weinaja, bämacö ca̦i dodijidawä cuoma.