Números 11:10 - Biblia Yanowamö

¹⁰ Bei. Isaeli ebä yanobö je̦fa jamö, cama bä bluca fa öcönö, Moisesinö bä a̦ ji̦lilema. Jeobaa a jushuo fe balojooma. Moisesi a bufi ca̦i uomou dodijioma.

Números 11:10 Iomraidhean Croise

Números 11:1

Bä jocäö lä cuaafälöno wei jamö, bä doblou lä mlai tä bluca cuoma yalo, Isaeli ebä bufi bluca diclojoablaloma. Bä jölama. Bä a̦ lä fano wei, Jeobaanö bä a̦ ji̦lilema. Bä a̦ ji̦liaö däjä, a fa jushudalunö, cama bä lä cule jamö cowa wacö bada yäa showadamaquema. Wacö fa yämacönö, bä bälöjöwä lä siboblai, bä mö watäblamaö showadalayoma.

Números 11:11

Abinaja Moisesi a cuma, Jeobaa nija. —Uo. Cafä bäfä a̦ juabä ya lä cui, ¿wedi tabä wale li doblamaboimi? Cafä bäfä bufi doblamabou mlaobä, ¿wedinaja wale nofi yai li tabou? ¿Wedinaja ya li fa cuaanö, fei wa bä nabä bluca lä shömöbeno wei bä nija, wale nö bleaamaö dicoa cule?

Números 11:9

¿Ö̦jö tawä? Didi däjä jemau jemau bänö tä ulifi jäläaö fe lä jaluno wei däjä, manaa bä ca̦i coyocoo fe jaluma.

Números 12:3

¿Ö̦jö tawä? Cama Moisesi a jömamono lä mlai a cuoma. Ai bä jömöo lä mlai bä bluca ma bälöblamono wei ma cui, Moisesi a shino yai jömamonomi dodijiwä.

Números 12:9

Ö̦jö cäcöbö nija Jeobaa a jushudou fa showadalonö a aa co̦layofälöma.

Números 16:27

Ö̦jö cudeenö, Colei, Dadana, Abila bä yanobö jamö bä bayäcäa fa showadaalönö, Dadana, Abila sho cäcöbö wawälayoma. Bä lä fablaaö wei jamö cäcöbö ublaquema. Cäcöbö suwäbö ma cui, cäcöbö ijilubö ma cui, oshe ebä wai ma cui, ö̦jamö bä bluca ublaa ajedemaboböma.

Números 21:5

Yai Bada a wa̦fa tamaje. Moisesi a ma cui, a wa̦fa ca̦i tamaje. —¿Wedi tä tabä ei tä ulifi lä blocole jamö yamacö nomabä, Ejido jamö yamalecö co̦lei cublelei? Eja nii bä cuami. Mau u ca̦i cuami. Fei yama täbä showadi lä waö wei, ya̦cumö yama täbä wa̦li waö mojiaö dodijia lä cule —bä cuma.

Marcos 10:14

Ö̦jö ma cui, Jesúsnö bä wasöö fa dalalönö a wa̦ läblaliyoma. Abinaja e cuma. —Wamacö a̦ läablalou dicoo mlai. Camiyä nija ijilu wama bä yai jumabä bä li. Ijilu bä a̦ juo si ijejewä lä culenaja bä lä cui, Yai Bada tänö ö̦jö bä ca̦i cuobä bä malä cui —a cuma—.

Marcos 3:5

Ö̦jö däjä, bä bufi jifuwä yalo, a bufi jushuolanö Jesúsnö täbä möö shoqueaö cuaama. Imicö lä cofeono wei a nija abinaja e cuma. —Boco da dodoiquiyo. Boco fa dododalunö, imicö cushäshäblou showadalayoma.