Números 11:1 - Biblia Yanowamö

¹ Bä jocäö lä cuaafälöno wei jamö, bä doblou lä mlai tä bluca cuoma yalo, Isaeli ebä bufi bluca diclojoablaloma. Bä jölama. Bä a̦ lä fano wei, Jeobaanö bä a̦ ji̦lilema. Bä a̦ ji̦liaö däjä, a fa jushudalunö, cama bä lä cule jamö cowa wacö bada yäa showadamaquema. Wacö fa yämacönö, bä bälöjöwä lä siboblai, bä mö watäblamaö showadalayoma.

Números 11:1 Iomraidhean Croise

2 Samuel 11:27

A nomöa lä bou wejei etä fa waiconö, Davidnö a suwä nacamaö bufima. Cama lija a ca̦i fa fuimajenö, a däa cadidilema. Davidnö ijilu a lä taqueno wei a tablalema. Ö̦jö ma cui, David a lä cuaano wei tä ja, Jeobaa a bufi doblaonomi.

Éxodo 16:7

’Jeobaa wama a wa̦fa da tablei, wamacö a̦ ji̦lilema. Ö̦jö cudeenö, fena ja Jeobaa wama tä shi̦i nia dablaö fenao. Camiyä yafäcö nija wamacö a̦ ma fano wei ma cui, cama nija wamacö yai jushuoma. Camiyä yafäcö nija wamacö jölabä tä malä mlai. Jeobaa cama yafä a wa̦no yai wäyäö mada cublei —bä nowa taböma.

Éxodo 16:9

Ö̦jö däjä, Aaloni nija abinaja Moisesi a cuma. —Bei. Cafänö Isaeli wa ebä nia yömölaö. “Jeobaa nija bä da ajedeiquiyo”, wa bä nowa ta. “Wama a wa̦fa da tablei wamacö a̦ malä ji̦lileno wei”, wa bä nowa tabä —Aaloni nija Moisesi bei a cuma.

Números 10:33

Ö̦jö däjä, Jeobaa ecö jamö culanö, bä jocäa fa showadaalunö, bä juu showao däjä, 3 tä mö jalu cublaliyoma. Jeobaa a wa̦no oni didiobä defi ca ca̦i balölayomaje, bä nia lä yanöcöo wei tä dayäö balöodayobeje.

Números 11:18

’Isaeli wa ebä nowa ca̦i bluca tabä —a cuma—. Iba dodijidawä bä cuobä, bä nia taamamou, fena ja bä nö daobä. Yalo bä waö wejeicätä. Bä nofi ojode tablamobä bä a̦ lä nacläano wei, camiyä Jeobaa yanö ya bä a̦ malä ji̦lileno wei. “Yalo bä ja ¿wedinö yamalecö nia dobäö? Ejido jamö yamacö yai dodijidawä cuoma”, bä cuma. ¿Ö̦jö tawä? ’Ja̦o —a cuma—. Yalo bä ja ya bä nia dobäö, ö̦jö lä. Bä nia iyaö.

Números 12:2

Abinaja cäcöbö cuma. —Jeobaa a wa̦no wäyämobä, ¿Moisesi a wa̦ shino wayomaö ayao daanö? ¿Camiyä yafäcö a̦ ca̦i ji̦limou mö feduobä, yafäcömi daanö? —cäcöbö cuma. Inaja cäcöbö lä cuno wei, Jeobaanö cäcöbö a̦ ji̦lilema.

Números 14:2

Ö̦jö däjä, Isaeli ebä a̦ bufi bluca jushujuwä ca̦i fama, Moisesi, Aaloni cäcöbö nija. Abinaja bä bluca cuma. —Ejido jamö yamacö nomaö showadao fa cunoja, tä nö doblaobö wei. Ei tä ulifi lä blocole jamö ma cui, bämacö nomablou showadao fa cunoja, tä nö doblaobö wei.

Números 14:22

Bä nö badabö nija ya tä a̦fa ulifi ma wäqueno wei ma cui, ei bä doblou lä mlai bänö tä nia ulifi möimi waiquiweje. ’Ejido jamö ma cui, ei tä ulifi lä blocole jamö ma cui, cama bä nija wawädowä ya shi̦i dablamou wawädooma —a cuma—. Ya nö lojode ö̦jöböamobä, bluca ya nö quiliama. Ö̦jö tä bluca ma dablaö wejei ma cui, wale bejedimou shino wabadii dicooje. 10 wale wabaö cua waiquiaje. Wale a̦ ca̦i ji̦liblaimije. Ö̦jö cudeenö, ei bänö, wale nofi lä wa̦libou wejei bä lä cuinö, ya tä a̦fa ulifi lä wäqueno wei tä nia ulifi dablaimije.

Números 14:27

—Fei bä lä cule ¿camiyä nija bä a̦ bufi nia jushuwä ca̦i faö shi wa̦lii waiquiwä daanö? Bä bluca dobloimi waiquiwä. Isaeli ebä a̦ bufi jushujuo ca̦i lä faö wei, ya bä a̦ ji̦liaö waiquia.

Números 14:28

Ö̦jö bä nija wafäle wa̦no wäyäö da co̦o. “Jeobaa yafä a̦no wäyäö lä cule”, wafä bä nowa ta. Ei ya wa̦ lä cui, ya bejedimou. Ya jolemoimi. Ya bä cuu lä ji̦lileno weinaja, inaja showawä ya bä nia taamaö.

Números 16:11

Cafänö wa bä ca̦i bluca lä cule wamacö lä cuinö, Aaloni mlai, Jeobaa wama a nabä yai toujou lä cule. Wamacö bluca nia cuaaö shelelou mö lä feduo wei, Aaloninö tä nabä li shömöanomi. Cama nija wamacö a̦ bufi jushujuwä ca̦i fabä ami —Moisesi a cuma.

Números 16:35

Jeobaa nija täbä wa̦queshi ni cle̦deli lä u̦cucamou wei täbä befi ca̦i lä dodobono wejei bä nö ca̦i blea showadaamalalema. ¿Ö̦jö tawä? Jeobaa a lä cule jamö wacö bada fa famalönö, ö̦jö 250 bä mö bluca watäblamaö showadalayoma.

Números 17:5

Ya lä yaibole a lä cui, cama e defi nia cabudu falayou. Inaja ya e defi fa taamanö, Isaeli ya ebä a̦ lä ji̦libole, ya bä a̦ nia waidamaö, cafä wafäcö nija bä bufi a̦ jushujuwä ca̦i lä fadii wei —a cuma.

Números 21:5

Yai Bada a wa̦fa tamaje. Moisesi a ma cui, a wa̦fa ca̦i tamaje. —¿Wedi tä tabä ei tä ulifi lä blocole jamö yamacö nomabä, Ejido jamö yamalecö co̦lei cublelei? Eja nii bä cuami. Mau u ca̦i cuami. Fei yama täbä showadi lä waö wei, ya̦cumö yama täbä wa̦li waö mojiaö dodijia lä cule —bä cuma.

1 Corintios 10:10

Bämacö ca̦i nacömou mlai. Inaja ai bä cuaaö fa dicoonö, Waicalewä a lä cuinö täbä bluca waicaö showadaoma.

Hebreos 12:29

A nö quili tamobä a malä cui, cowa wacä lä ömöo wei wacä nö quili tamou lä culenaja showawä, täbä mö bluca lä watäblaö wei wacä lä cui.

Santiago 5:4

¿Ö̦jö tawä? Cafä wamacö ficalibö ca jamö wama bä lä shömöleno wei bä lä cui, bä ma ojodamono wei ma cui wama bä nowa co̦amanomi dicowä. Wama bä mölaa dicomalema. Bei. Cama bä nowa co̦amamobä bä blada lä cule, wama bä blada jibäano lä mlai, bä a̦ blada ji̦lio lä cule. Wama bä blada nofi jo̦wa tabou fa showaonö bä co̦möö, wamacö jolemou dablamobä. Wama bä lä ojodamomano wei bä ma cui, i̦cali bä nacömou. Bada tä shino lojode cua lä ayaladinö bä a̦ ji̦liaö culadi.

Judas 1:16

Inaja bä lä cuaaö wei bä lä cui, bä bufi shino jushuablalou talei. Bä bufi diclojowä. Cama bä cuaaö bufi lä doblao weinaja bä shino cuaadii. Bä nofi cama shino doablamou. Jole jole täbä nofimaö buoje, bä shi ö̦jödamabeje.