Lucas 9:7 - Biblia Yanowamö

⁷ Jesús a lä cuaano wei, bada tä Elode ma cuinö tä a̦ ji̦lilema. Ai bä a̦ ja, a bufi ca̦i wedinajamoma. Fe ojomalewä Juan a ma shämono wei ma cui, ö̦jö a fa bufijenö, a wa̦ demi täo co̦omaje.

Lucas 9:7 Iomraidhean Croise

Mateo 11:2

A fe lä lale jamö Juan a yömöladayomaje, Cristo a lä cuaano wei tä ja. Ö̦jö däjä, Jesús nija Juan a wa̦no wäyädayobeje, cama ebä lä nocamabono wei ai ebä shömölema.

Marcos 8:28

Abinaja ebä cuma. —Fe ojomalewä Juan bei wa jo̦wa fa talei. Ai bä mö feduwä lä cuinö, Yai Bada a wa̦no wäyälewä Elia a cuo lä balöono wei, ö̦jö wa jo̦wa bufidaö talajei. Ai bä a̦ showawä ja, Yai Bada a wa̦no wäyälewä ai a demi jocädou fa co̦lonö, ö̦jö bei wa jo̦wa co̦dawä fa talei—bä cuma.

Lucas 13:31

Ö̦jö däjä, faliseo ai bä bada fa waloicunö, Jesús a yömölamaje. —A da doculufälö. Bada tä Elode a lä cuinö wa shämaö bufi doblaa waiquia —a nowa tamaje.

Lucas 21:25

Abinaja Jesús a cuma. —Motoca a ma cui, belibo a ma cui, shidicali bä ma cui, bä nia shomiaö nö quiliadayou, yanowamö täbä moyawäobä. Bita jamö ma cui, täbä bälöblawä lä yaiblai bä bufi nö nia bluca bleaaö cuaaö. Modu u a̦ nö nia bada quiliaö ja, u bada fa bolilonö bä bufi nia wedinajamou.

Lucas 23:7

A wa̦fa Calileateli fa ji̦lilänö, ö̦jö bä nija a bada lä läono wei nija, Jesús a shömöa fe dolea majölema, Elode a bada nija. Jelusale jamö Elode cama a fama ca̦i cuo ajedeoma.

Lucas 3:1

Lomateli Dibelio a bada läo showao däjä, lasha 15 a faa fa waiquimalönö, cama ebä lämabou mö lä feduono wei, abinaja ebä a̦fa cublamoma. Judea jamö, Bo̦sio Bilado a lämaboma. Calilea jamö, Elode a lämabou mö feduoma. Idulea jamö, Elode a li mashi lämabou mö feduo showaoma, Daconide jamö ca̦i. Ö̦jö Felipe a wa̦fa cuoma. Abilinia jamö, Lisania a lämabou mö feduoma.

Lucas 9:19

Abinaja ebä cuma. —Fe ojomalewä Juan bei wa jo̦wa fa talei. Ai bä mö feduwä lä cuinö, Yai Bada a wa̦no wäyälewä Elia a cuo lä balöono wei, ö̦jö wa jo̦wa bufidaö talajei. Ai bä a̦ showawä ja, Yai Bada a wa̦no wäyälewä ai a demi jocädou fa co̦lonö, ö̦jö bei wa jo̦wa co̦dawä fa talei —bä cuma.