Lucas 9:51 - Biblia Yanowamö

⁵¹ Fedu jamö Jesús a nia lä co̦amou wei etä ajedou waiquioma yalo, a bufi cadidilanö Jelusale jamö a aa shalililayoma.

Lucas 9:51 Iomraidhean Croise

2 Reyes 2:11

Cäcöbä a̦ wayou ca̦i fufälöö däjä, yedu cowa wacä lä cui jai läläamodima cäcö cuwä, jai cabayo bä cuwä wacä bä bädou showalayoma. Cäcöbä fubä jamö wacä bädou fa möamolonö, cäcöbä shedequeblaliyoma. Ö̦jö däjä, wadoli a badanö Elia a däa mö nonobefälöma.

Marcos 16:19

Ö̦jö däjä, Bada tä Jesúsnö bä yömölaa jödödöa fa balölönö, fedu jamö a co̦molayoma. Yai Bada boco jayu mashi jamö, a döcäaledayoma.

Lucas 12:50

Ö̦jö ma cui, camiyä wale nö nia bleaamaö balöoje. Bä fe ojoblamou ja, mau ubänö bä jödödöblou lä culenaja, nini nini bänö ya nia jödödöblou cuo. Ö̦jö ya tä nö dabou showalanö ya bufi nö bleaaö.

Lucas 13:22

Jelusale jamö Jesús a jufälöbä jamö, bluca täbä shabonobö jamö a jayuadalou fa cuaimadunö, täbä yömölaö cuaafälöma.

Lucas 17:11

Jelusale jamö Jesús a juu däjä, Samalia, Calilea tä ulifi möamo jamö, a jayuquefälöma.

Lucas 18:31

Jesúsnö cama 12 ebä ca̦i fa bayäqueicunö abinaja a cuma. —Bei. Jelusale jamö bämacö juu lä cuimadi. Ö̦jamö lä bämacö waloo däjä, Yai Bada a wa̦no wäyälewä bänö wale a̦fa wäyäö lä balöono wejei, tä a̦ nia bejedi cublou. Camiyä ya lä yanowamöblaleyoluno wei yale nia jo̦wa lä taamano wejei, ö̦jö tä nia bluca wawäblou.

Lucas 19:11

Jesús a wa̦ ji̦lifälöbeje jamö, Jelusale jamö bä ajedou waiquia yalo, shominaja tä a̦ li wäyäö yacläoma. “Fei däjä, Jelusale jamö Yai Bada tänö cama ebä nia ca̦i cuo dodijio”, bä bufi ca̦i jole cuma cudeenö.

Lucas 19:28

Ö̦jö tä a̦ wäyäö fa waiconö, Jelusale jamö bä lulua taa co̦lefälöma.

Lucas 24:51

Bä bayelimaö showale a ösöfälöma. Fedu jamö a co̦molayoma.

Lucas 9:57

Bä jufälöbä jamö, Jesús nija abinaja ai a cuma. —Wa juu lä bädao wei jamö ma cui, ö̦jamö ya nia nocao —a cuma.

Juan 13:1

Yai Bada a waiteli lä jayuano wei tä nofi nia co̦camoaö jaödao co̦omaje. Bä Fö̦ö e nijamö a nia co̦o lä jaödaono wei, Jesúsnö tä daö waiquioma. Ei tä bita tabi nia feiaö co̦oma. Cama ebä bita jamö lä cule, bä showadi lä nofimadino wei, bä nofimaö mladonomi. A waicobä jamö ma cui bä nofimaö fe yadio showaoma.

Juan 16:28

Fayä nijamö ya culanö, bita jamö ya waloqueyoluma. Fei däjä ei bita ya tabi fa feicönö, Fayä nijamö ya nia co̦jamöö —a cuma.

Juan 16:5

Abinaja Jesús a cuma. —Ö̦jö ma cui, wale lä shömöleno wei a lä cui nijamö, fei däjä ya nia co̦o ma cui, ya nia yai lä juu wei jamö wama tä wa̦liimi.

Juan 17:11

Fei däjä, ei bita a lä cui ya nia daaö. Iba bä cuo juo däjä, cafä nijamö ya nia co̦o. ’Fabe. Cafä yami wa yaia —a cuma—. Cafä sho bäfäcö moli lä culenaja bä molio mö feduobä, bä da nowama. Cafä wa lojodenö wa bä nowamabä, camiyä nija wa lojode lä wäyämono wei tä showawä lä cuinö.

Juan 6:62

Ya lä yanowamöblaleyoluno wei ya lä cui, ya jaba lä cuono wei jamö wamale yai ösöö dablaö fa cunoja, ¿wedinaja wamacö bufi nö cuu nomöjöobö wei?

Hechos 1:2

a ösöö showao mlao däjä, a lä cuaano wei tä a̦ lä cui. ¿Ö̦jö tawä? Fedu jamö a co̦amamou showao mlao däjä, cama ebä nosiemaö balöoma, bä lä shömöleno wei bä lä cui. Yai Bada tä Bufinö a wa̦ fa cadidonö, bä nosiemama.

Hechos 1:9

Inaja bä nowa fa talönö, bä mamo showao däjä, Yai Bada tänö a ösömalefälöma. Ölajashi anö, a nö daamou mladaliyoma.

Efesios 1:20

Cristo a demi jocädamaö co̦layoma. Fedu jamö, cama jayu boco mashi jamö, a ca̦i dicämaquedayoma.

Filipenses 3:14

Jesucristo a lä culenaja ya cuobä, ya bufi macocoa dodijia lä cule. Ö̦jö lija ya yädäquema yalo, Yai Bada tänö wale nia malä co̦aö wei. Ö̦jö lä ya nofi macocobou yalo, ya demöo showao däjä ya bufi nö wa̦lojoobä.

1 Timoteo 3:16

Yai Bada tä a̦ lä wawäblaliyono wei, bäma tä a̦fa bejedi wäyäö. Bejedi fe balojowä lä tä a̦. Abenaja tä a̦ cuu. Jesucristo a yanowamöblaleyoluma. Yai Bada tä Bufinö a bejedi jimöquema. A̦jele bä lä doblaladi bä lija a damolaliyoma. Bluca täbä caficö a̦ ja, a wa̦fa wäyämou cuaama. Yanowamö täbä lä bälöblai bänö a bejedi bufibomaje. Fedu tä lä doblale jamö a co̦molayoma. Ö̦jö lä bäma tä a̦ wäyäö.

Hebreos 12:2

Jesús lija bämacö bufi mö shi̦lo yai da cudio, bämalecö lä lulubou wei a lä cui lija. Bämacö mölaö showaobä bämalecö bufi lofotomabou. Fii balitama tefi ja a nö bleaabä etä ma cuono wei ma cui, a bufi nia doblao ca̦i cuo lä majöono wei tä bufiboma yalo, a ojodao fe yadioma. Jai wa̦lidiwä talewä a nia mömou ma cuono wei ma cui, a bufi quilinomi. Inaja a cuaaö fe yadioma yalo, fei däjä Yai Bada jayu boco mashi jamö a dicäadayoa.

Hebreos 6:20

Nofi bäyäalewä a Bada cuo shi wa̦libä Jesús a fa cublalunö, ö̦jamö lä a fua waiquia balölayoma. Mequisedeco a lä cuinö täbä nofi bäyäbou cuo lä balöono weinaja, bämalecö nofi bäyäbou cuo nomöjöodayobä.

1 Pedro 3:22

A demi jocädou fa co̦lonö, fedu jamö a co̦molayofälöma. Yai Bada jayu boco mashi jamö a cua lä culadi. A̦jele täbä ma cui, täbä bada lä läladi täbä ma cui, täbä ca̦i lojode lä culadi täbä ma cui, ö̦jö lä täbä bluca nija Jesucristo a Bada läadayoa.