Lucas 9:41 - Biblia Yanowamö

⁴¹ Abinaja Jesús e cuma. —¡Uo! Äyämö ya nö dedeaö ma waiquile, Yai Bada wama tä nofi nö mölabobimi waiquiwä. Bejedi lä, wamacö dobloimi. Wama tä nofi mölabou shaliliobä bämacö nö dabou ja, ya modaaö waiquiwä. Bei. Bä ijilubö e da bälabayoje —e cuma.

Lucas 9:41 Iomraidhean Croise

2 Reyes 5:8

Ö̦jö ma cui, Eliseonö tä a̦ ji̦lilema, Yai Bada e lä cuinö. Isaeli ebä lijamö a bada lä läo wei a bufi nö lä bleaano wei tä a̦ ca̦i ji̦lilema. Ö̦jö däjä, bada a lija a wa̦no wäyämobä e shimölema. Abenaja e cuyoluma. —Eliseo ya wa̦no wäyäö lä cule. Abenaja a cuu. Wa wajäblalobä tämi, wa lä didio wei wa si cacablabä. Naamana a lä cui, Eliseo lijamö a da shimölö. Isaeli bäma ecö lijamö Jeobaa a wa̦no wäyälewä a yai lä cule, tä dablabä —e cuma.

Éxodo 10:3

Ö̦jö cudeenö bada a nija Moisesi, Aaloni sho cäcöbö lucäa fa co̦lufälönö, abinaja a nowa taböma. —Jeobaa a lä cui, ebleo yamacö nija a lä bufiblamou wei a lä cui, ö̦jö yafä a wa̦no taö co̦a lä cule. Wa möfe boobä wa ma cui, ¿wedi tä tabä wa fe li blacäjou showawä? ¡A lojode da dalalö! Cama ebä shömaö da co̦o, a nofi co̦camoabeje.

Éxodo 16:28

Ö̦jö däjä, abinaja Moisesi nija Jeobaa a cuma. —Uo. Ya tä tamaö lä bufii wei tä ja, wamacö dobloimi. ¿Wamale a̦ ji̦liaö mlai, wamale a̦ waii shi wa̦lii waiquiwä daanö?

Números 14:11

Moisesi nija abinaja Jeobaa a cuma. —Uo. ¿Fei bänö wale nofi wa̦libou shi wa̦lii waiquiweje daanö? Wale nö lojode ö̦jöböabeje, cama bä nija ya nö bluca ma quiliano wei ma cui, ¿wale a̦ bejedi bufiimi shi wa̦lii waiquiweje tawä?

Números 14:27

—Fei bä lä cule ¿camiyä nija bä a̦ bufi nia jushuwä ca̦i faö shi wa̦lii waiquiwä daanö? Bä bluca dobloimi waiquiwä. Isaeli ebä a̦ bufi jushujuo ca̦i lä faö wei, ya bä a̦ ji̦liaö waiquia.

Mateo 11:28

’Wamacö bufi nö modawä lä bleaale wamacö lä cui, wamacö bufi nö wa̦lidiwä ca̦i lä beblalou wei wamacö lä cui, camiyä nijamö ¡bä da juima! Camiyä nija wamacö fa waloboyonö, bämacö bufi nia yanöcömabou.

Mateo 12:39

Ö̦jö ma cui, abinaja Jesús e cuma. —Wamacö fei däjä lä bälöblai, wamacö bluca dobloimi fe balojowä. Yai Bada wama a wa̦ juaimi dodijiwä. Yai Bada ya e nö ö̦jöböamobä, tä nö lä quilijii wama tä wawämaö bufi ma doblao wei ma cui, bämacö a̦ nia juaimi. Wama tä nia lä möö wei, Yai Bada a wa̦no wäyälewä Jonasi a lä taamano weinaja, inaja tä cuwä, wama tä nia shino möö.

Mateo 12:45

Ö̦jö däjä, ai bä co̦ablaö aa fa co̦lunö, 7 bä ca̦i fecula waloa co̦queyoluu. Cama a wa̦lidiwä ma waiquii ma cui, bä yai wa̦lidiwä fe lä balojoi bä ca̦i waloa majöqueyoluu. Ö̦jö nija bä fa lucälönö bä bälöaliyo. Bä lä tabou wei a lä cui, a nö jaba ma bleaano wei ma cui, ö̦jö lä däjä, a nö yai bleaaö dodijiquei. Inaja showawä wamacö fei däjä lä bälöle wamacö nia taamamou —a Jesús cuma.

Mateo 16:4

’Wamacö fei däjä lä bälöblai, wamacö bluca dobloimi fe balojowä —a cuma—. Yai Bada wama a wa̦ juaimi dodijiwä. Yai Bada ya e nö ö̦jöböamobä, tä nö lä quilijii wama tä wawämaö bufi ma doblao wei ma cui, bämacö a̦ nia juaimi. Wama tä nia lä möö wei, Jonasi a lä taamano weinaja, inaja tä cuwä wama tä nia shino dablaö —Jesús a cuma. Ö̦jö däjä, bä fa dacöfälönö, a alayoma.

Mateo 17:17

Abinaja Jesús e cuma. —¡Uo! Äyämö ya nö dedeaö ma waiquile, Yai Bada wama tä nofi nö mölabobimi waiquiwä. Bejedi lä wamacö dobloimi. Wama tä nofi mölabou shaliliobä bämacö nö dabou ja, ya modaaö waiquiwä. Bei. Bä ijilubö e da bälabayoje —e cuma.

Mateo 23:36

Cafä wamacö nija ei ya wa̦ lä cui, bejedi lä ya wa̦. Cafä wamacö fei däjä lä bälöle wamacö nija, ö̦jö tä nowa nia bluca jödödöwä cuo —a cuma.

Mateo 3:7

Faliseo bä bada ma cui, ö̦jö bä fe ca̦i nia fa ojoblamonö bä walobaleyoluma. Saduseo bä bada ca̦i. Juannö ö̦jö bä bluca fa dalalönö, bä a̦fa taö ja abinaja bä nowa tama. —¡Olu bä wayu lä culenaja wamacö lä cui! Wamacö jolemou. Wamacö fe ojoblamou lä buo wei tänö, ¿wamacö nia nowamamou daanö? Ma, Yai Bada a ishou däjä, wamacö nia nowamamoimi.

Marcos 10:14

Ö̦jö ma cui, Jesúsnö bä wasöö fa dalalönö a wa̦ läblaliyoma. Abinaja e cuma. —Wamacö a̦ läablalou dicoo mlai. Camiyä nija ijilu wama bä yai jumabä bä li. Ijilu bä a̦ juo si ijejewä lä culenaja bä lä cui, Yai Bada tänö ö̦jö bä ca̦i cuobä bä malä cui —a cuma—.

Marcos 10:49

Jesús a ublaa fa yanöcödalunö, a lä jubäböono wei a ajedeblamaö bufima. Ö̦jö cudeenö a nacaa fa showadalöjenö, abinaja a nowa tamaje. —¡Wa fa jocädalunö, a da ubladalu! Wa nacaö a lä cubiyei, ¡a bufi shi da jalijidalu! —a nowa tamaje.

Marcos 9:19

Abinaja Jesús e cuma. —¡Uo! Äyämö ya nö dedeaö ma waiquile, Yai Bada wama tä nofi nö mölabobimi waiquiwä. Wama tä nofi mölabou shaliliobä bämacö nö dabou ja, ya modaaö waiquiwä. Bei. Bä ijilubö e da bälabayoje —e cuma.

Lucas 8:25

Cama ebä nija abinaja a cuma. —¿Wedi tä tabä wamale nofi li mölaboimi dicoo? —a cuma. Bä quilima. Bä bufi shädayaimou ja, bä wa̦liyoma. —¿Ei wedi bei a li dodijiwä? Wadoli a bada ma cui, mau u bada lä shäyäjou wei u ma cui, cama a wa̦nö täbä nofi mladou si ijejewä yai —bä cuma.

Lucas 9:40

Afä wa bä lä nocamabole bä nija ya wa̦ fe blacäjoma ma cui, a yashublaö doblonomije —a cuma.

Lucas 9:42

Bä ijilubö e blacäö däjä, feculanö a fa shäyäblacönö, a i̦cali yabolemolayoma. Ö̦jö ma cui, Jesúsnö fecula e bälöo fa wasönö, e faa co̦a showadalayofälöma. A fiya fa jalomalönö, bä fö̦ö nija a demi icua co̦maquema.

Juan 14:9

Abinaja Jesús e cuma. —Felipe. Cafä wamacö nija ya nö ma dedeale ma cui, ¿wale daimi showawä tawä? Camiyä wale lä möö wejei bä lä cuinö, Fayä a möö waiquiweje. ¿Wedinaja wa bufi li fa cunö, “Faafä a da jömöba”, bei wa li cuu cule?

Juan 20:27

Ö̦jö däjä, Tomás nija abinaja a cuma. —Eja wale imicö da jubayo. Wale imicö da möyo. Wa fa ajedeblaliyolunö, bei ya leboco jamö imicö da lucäliyo. Wa mölaö lä mlai tä da joyalö. Wale nofi yai da mölabo —a cuma.

Hechos 13:18

Ulifi bloque jamö bä ca̦i wayumö lä culayofälöno wei däjä, lasha jai 40 a lalou jaöo mlao däjä, bä doblono ma mlai ma cui, bä bayeliblaö fe yadiofälöma.

Hechos 2:40

Jesús a wa̦fa wäyäö ja, bä yömöladima. Yai Bada etä a̦ ja bä nowa talanö, abinaja a ca̦i cuablaloma. —Ei bä lä bälöblai, bä dobloimi waiquiwä. Ö̦jö bä lä cui bä nö bleaabä jamö, wamacö nö bleaaö bashio mlaobä, bä da nowamöo —a cuma.

Romanos 2:4

Yai Bada tänö dodijidawä wamacö tabou yalo, ¿bei wamacö li waiteliblou da culanö? A bufi asimou yalo, a nö dao balöo yalo, ¿bei wama a nö quili taimi? Wamacö bufi nofi jaducäwämi yai. Dodijidawä Yai Bada tänö wamacö lä tabou wei tä ja, wamacö bufi jaducäblobä tä ma cui, wamacö bufi mö ca̦i yabajadobä tä ma cui, “Inaja yamalecö taamaö bufi doblao”, wama a nofi taboimi waiquiwä.

Hebreos 3:19

¿Ö̦jö tawä? Bämacö bufi jaducäblobä tä a̦. Yai Bada tä a̦ bejedi bufinomije yalo, bä waloo doblonomi.

Hebreos 4:11

¿Ö̦jö tawä? Yai Bada tänö bämalecö bufi nia yai lä yanöcömabou wei tä ja, bämacö nö da wa̦lojoo, ö̦jö lä. Bämacö nö badabönö Yai Bada tä a̦ fuaö lä mlaono wejeinaja, ai bämacö cuaaö nodio dicoo mlaobä.

Hebreos 4:2

Cama ebä lija, Moisesinö etä a̦ dodijidawä ca̦i jaba lä waloqueno weinaja, camiyä bämacö ma cui lija, Jesucristonö tä a̦ dodijidawä ca̦i waloa malä majöqueno wei. Ö̦jö ma cui, ö̦jö bänö Moisesi etä a̦ ma ji̦liano wejei ma cui, tä a̦ nofi mölabou fa mlacujenö, bä bayeliblamonomi.

Hebreos 7:25

Ö̦jö cudeenö, Jesús a lä cuaano wei tänö, Yai Bada lija bä lä ajedou wei bä lä cui bä nia nowamaö. Bä nowamabä ö̦jö Jesús a waiquiwä. Showadi bä bayelimaö bufibä a ba̦limi cua malä waiquiladi.