Lucas 9:3 - Biblia Yanowamö

³ Abinaja bä nowa tama. —Wamacö lä jublole däjä, shinoco wamacö nia juu. Fii wama defibä nia bofälöimi. Wama täbä didibofälöbä, wama täbä nia däboimi. Wamacö iyafälöbä, nii wama bä nia yefiboimi. Wama täbä lulafälöbä, wama bä nia blada boimi. Camishi wama bä nia bolacafälöimi.

Lucas 9:3 Iomraidhean Croise

Marcos 6:7

Ö̦jö däjä, cama 12 ebä lä nocamabono wei bä lä cui, Jesúsnö bä nacaa fa ajedealalönö, bä shömaö bolacadou showadaoma. Fecula bä yashubeje bä tablamalema.

Lucas 12:22

Cama ebä lä nocamabono wei bä nija abinaja Jesús a ca̦i cuma. —Ö̦jö cudeenö bämacö nowa taö lä cule. Eja dodijidawä wamacö nia lä bälöo wei tä ja, bä bufi jo̦lijo dijä. ¿Ö̦jö tawä? Nii bä ma cui jamö, camishi bä ma cui jamö, bä bufi cuaablalo dijä.

Lucas 12:28

Caje caje bä cudio ma mlai ma cui, bä ö̦shömaö ma nocamou wejei ma cui, bei bä jole fa fanö, bä mömou dodijidaobä Yai Bada tänö bä bayeliblaö. Ö̦jö bä ma bayeliblaö wei ma cui, ¿camishi bä ja cafä bei wamacö nia shino bayeliblamou ayaomi daanö? Yai Bada wama a nofi bejedi mölaboimi showawä.

Lucas 22:35

Cama ebä nija abinaja Jesús a ca̦i cuma. —Bämacö jaba lä shömano wei däjä, blada wama bä besibonomi. Wama täbä didibofälöbä tä ma cui, wama täbä däanomi. Wamacö mamicö didio nomöjöobä täcö ma cui, wama täbä bolacabonomi. Wamacö shinoco lä juno wei däjä, ¿wamacö nö bleaama tawä? —a cuma. —Ma, bleaanomi —bä cuma.

Lucas 3:11

Juan abinaja a cuma. —Ja̦o. Ola jamö cäcö lä bolacabolenö, cäcö tabou lä mlai nija cäcö mashi jöböabä, ö̦jö lä. Nii bä lä tabole a ma cuinö, inaja showawä —a cuma.

Lucas 5:29

Ö̦jö däjä, Jesús sho bä iyabä, Lewinö cama e yafi jamö nii bluca bä tama. Lomateli bada bä befi bä blada lä doaö wejei bä bluca ma cui, ai bä ma cui, bä iyaö ca̦i lä loono wei jamö, ö̦jö bä bluca loo mö feduoma.

Lucas 9:4

Wamacö shifilimou mlai, wamacö nia lä cuo wei a yafi ja, bä da yanöcöicu. Wamacö juu co̦fälöö ja, ö̦jamö lä culanö wamacö nia jocäö co̦o.

2 Timoteo 2:4

Sodado bä wayu itou däjä, shomi tä jamö bä nia yabäcamou lä mlainaja, cafä wa ma cui wa nia cuaaö. ¿Ö̦jö tawä? Bä ca̦i lä fuu wei a bada lä cui, ö̦jö a bufi yai doblamabou bufi doblaoje yalo, shomi tä jamö bä yabäcamoimi. Inaja showawä, cafä wa ca̦i lä fuole wa bufi ca̦i doblamabou cuo mö feduobä.