Lucas 9:11 - Biblia Yanowamö

¹¹ Ö̦jö ma cui, bä lä co̦camono wei bänö, ö̦jamö bä a̦fa juu fa ji̦liläjenö, a nosi däbofälömaje. Jesús nijamö bä waloa fa jeicunö, bä dodijidawä walomaquema. Ö̦jö däjä, Yai Bada tänö cama ebä ca̦i lä cuo wei tä a̦ ja, bä bluca yömölama. Bä lä jaliliono wei bä ca̦i jalomama.

Lucas 9:11 Iomraidhean Croise

Mateo 12:15

Jesús a nofi lä washuaö wejei tä daö fa waiquionö, shomi jamö a aa majölayofälöma. Cama nija bluca bä nocao fa showaofälönö, bä bluca jalomama.

Mateo 14:14

Jesús a washölöblou däjä, täbä bluca lä co̦camono wei bä dalalema. Bä nofi ojodadaö fa showadalonö, bä jalili ca̦i bluca lä cuono wejei bä bluca jalomalalema.

Mateo 21:31

¿Ö̦jö tawä? —Jesús a cuma—. ¿Wedi jamö a dodijiwä lä cuinö, bä fö̦ö e nosie yai shino julema? —a cuma. —Bä ijilubö jaba e shömaö lä balöblaono wei a lä cuinö —bä cuma—. A bufi mö lä yabajadaliyono wei a lä cuinö. Ö̦jö däjä, abinaja Jesúsnö bä nowa tama. —Cafä wamacö nija ei ya wa̦ lä cui, bejedi lä ya wa̦. Inaja showawä, Yai Bada tänö cafä wamacö ca̦i cuobä wamacö waiquiwä ma cui, wamacö ca̦i nia cuomi. Ö̦jö a ijilubö lä culenaja wamacö cuwä dicowä. “¡Ei!”, wamacö cuu ma buo wei ma cui, wama a nosie yai juaimi. Lomateli bada bä befi bä blada lä doaö wejei bä ma cui, bä suwä lä dodoo wei bä ma cui, ö̦jö lä bä ca̦i nia shino cuo ayao. Bä doblou ma mlai lä ma cui, bä bufi lä läblou wei tänö a wa̦ shino yai juaö ayaaje.

Mateo 21:43

Ö̦jö cudeenö, bämacö nowa taö lä cule. Yai Bada tänö wamacö ca̦i cuobä, Isaeli wama ecö ma cule ma cui, wamacö nia ca̦i cuomi dicoo. Shomi täbä ca̦i nia cuo majöo, a wa̦ nia yai lä juaö wejei bä lä cui.

Lucas 1:53

Bä lä ofäö wei, dodijidawä tä ja bä ma dodijamaö däjä ma cui, bä nö lä madofibö wei bä lä cui, ö̦jö bä bloque shömaö co̦o.

Lucas 5:31

Jesús a wa̦ juo ja, abinaja bä nowa taö ja̦looma. —Bä jalobä, bä lä demi wei bä icuo malä mlai. Bä lä jalili wei bä nia shino yai icuo. ¿Ö̦jö tawä?

Lucas 8:1

Tä no dedeaö mlao däjä, ai täbä bälöblawä mö lä fedui jamö, shabono bada bä jamö ma cui, wajaquemi bä wai shabono jamö ma cui, Yai Bada etä a̦ wäyäö cuaama. Dodijidawä tä a̦ ja, bä yömölaö cuaama, Yai Bada tänö cama ebä nia ca̦i lä cuo wei tä a̦ ja. Cama 12 ebä nocao showaoma,

Lucas 8:10

abinaja Jesús a cuma. —Yai Bada tänö cama ebä ca̦i lä cuo wei tä a̦ lä cui ja, cafä wamacö bufi jaducumabou. Tä a̦ ji̦limamou walalao showadao ma mlai ma cui, dodijidawä wama tä a̦ bluca ji̦liaö fe yadiobä, wamacö bufi damaö. Ö̦jö ma cui, ai bä mö feduwä lä cui bä nija, shominaja ya tä a̦ li showadi wäyäö yacläo, bä bufi jaducublou mlaobä. Bä mamo ma showao wei ma cui, bä bufi möblou mlaobä. Bä yömöca ma dao wei ma cui, wale a̦ ji̦liaö walalao mlaobeje —Jesús a cuma.

Lucas 9:10

Jesúsnö bä lä shömöleno wei bä co̦blou fa co̦lonö, bä lä cuaano wei tä a̦fa bluca wäyäö co̦ojolomaje. Ö̦jö däjä, Besaidateli bä ulifibö jamö bä yamili cuo balöobä, bä lululefälöma.

Lucas 9:12

Motoca a yajadodoaö däjä, Jesús nija cama 12 ebä fa icuicunö, abinaja a nowa tamaje. —Fei bä bluca lä co̦camole bä shömöa da co̦lu, bä bälöblawä fe lä fa̦yoblai bä nija bä cuo fe jalubä. Ö̦jö bä nija bä nii luluabeje. ¿Ö̦jö tawä? Ei tä ulifi bloque malä cui —a nowa tamaje.

Lucas 9:2

Ö̦jö däjä, Yai Bada tänö cama ebä ca̦i lä cuo wei tä a̦ wäyäö cuaabeje bä shömölema, bä lä jalili wei bä ca̦i jalomaö cuaaö showadaobeje.

Juan 4:34

Abinaja Jesúsnö bä nowa tama. —Yale lä shömöleno wei ya wa̦ juaö bufi doblao. Tä tamaö lä bufii wei ya tä jödödöblaö. Ö̦jö iba nii bä waiquiwä.

Juan 6:37

’Camiyä nija Fayänö bä yanowamö lä jöböaö wei bä bluca lä cui, camiyä nija ö̦jö bä nia juu. ¿Ö̦jö tawä? Camiyä nija bä lä juu wei bä lä cui, ya bä waii mlaicätä.

Hechos 28:31

bä bluca yömöladima. Yai Bada tänö cama ebä ca̦i lä cuo wei tä a̦ wäyäma. Bada tä Jesucristo wawädowä a wa̦fa wäyäö ja, a yabäcaö mlajei ja bä yömöladima.

Romanos 10:14

Ö̦jö ma cui a bejedi bufii lä mlajei a lija, bä nö bayeli nacaobä etä cuami. A wa̦fa ji̦libou lä mlajei bä lä cuinö a nia ca̦i bufiblaö bädaomije. Bä yömölabä a cuami ja, a wa̦fa nia ca̦i ji̦liaimije.

Romanos 10:17

¿Ö̦jö tawä? Cristo a wa̦fa wäyäöje ja, tä a̦ nia shi̦lo ji̦liaöje. Tä a̦ ji̦liaöje ja, a nofi nia shi̦lo mölabouje.

Romanos 15:3

Cristo a ma cui, cama a cuaaö bufi lä doblaono weinaja a cuaano malä mlai. Bä Fö̦ö e lija a lä cuno weinaja showawä. Abenaja tä a̦ cuu. Cafä wa nö lä waiblano wejei däjä, jai camiyä wale nö ca̦i waiblaö mö feduoma tä cuoma. Einaja tä a̦ cuu.

2 Timoteo 4:2

¿Ö̦jö tawä? Yai Bada etä a̦ da wäyä. Tä a̦ ji̦liaö bufi ma doblao wejei ma cui, tä a̦ ji̦liaö bufio ma mlajei ma cui, tä a̦ yai wäyäö fe da yadio. Bä bufi taamaö fe da yadio. Bä da wasö. Bä da cadidama. Wa bufi shi̦lo yanöcölanö, Yai Bada tä a̦ ja, bä damaö fe da yadio.

Hebreos 4:16

¿Ö̦jö tawä? Bämalecö nofi lä ojodabou wei bäma a bufibolanö bämacö da icuo, ö̦jö lä, bämacö bayeliblamobä. Bämacö nö yai lä bleaale däjä, dodijidawä bämalecö taamaö fe fa yadionö, bämalecö nia yai bayelibou.