Lucas 8:18 - Biblia Yanowamö

¹⁸ ’Wamacö yömöca dao däjä, bä yömöca daa da dodijiicu, ö̦jö lä, wamacö bufi yai jaducublobä. Bä bufi jaducuwä lä waiquii, ö̦jö bei bä bufi jamö tä lä didile, Yai Bada tänö etä nia balamafälöö. Ö̦jö ma cui, bä bufi jaducudalou lä mlai bä lä cui nija, “Ya tä a̦ wiisibö daö waiquia”, bä bufi ma cuu wei ma cui, etä wai wiisibö jo̦wa daö lä bädale etä nia co̦aö, tä a̦ nofi mojodubou majöobeje —bä nowa tama.

Lucas 8:18 Iomraidhean Croise

Mateo 13:12

’¿Ö̦jö tawä? —a cuma—. Bä bufi jaducuwä lä waiquii, ö̦jö bei bä bufi jamö tä lä didile, Yai Bada tänö etä nia balamafälöö. Ö̦jö däjä, bä bufi nia yai jaducublou. Ö̦jö ma cui, bä bufi jaducudalou lä mlai bä lä cui nija, etä wai wiisibö daö lä bädale etä nia co̦aö, tä a̦ nofi mojodubou majöobeje.

Mateo 25:29

“Bä li dodijaö yalo, bä lä tabolajei bä nija ai bä nia jöböamou malä co̦o wei. Inaja bä lä cuaaö wei bänö, bä nia shino yai blucablamaö majöoje”, a cuma. “Ö̦jö ma cui, bä tabou lä mlajei bä nija, wiisibö a tabou ma bälajei ma cui a nia co̦amou, bä li dodijaimi waiquiwä cudeenö”, a cuma.

Marcos 13:14

’Ö̦jö ma cui, bä da moyaweicu —Jesús a cuma—. Tä yai lä wa̦lidii tä lä cui, tä nö cuobö lä mlai jamö tä nia ublamabou fe yadioje, Yai Bada etä yafi jamö. Täbä bluca nia yai lä wa̦lidiblamaö wei, ö̦jö bei tä. ¿Ö̦jö tawä? Ei ya wa̦ ja, wamacö bufi ca̦i jaducuwä cuobä wamacö. Yai Bada a wa̦no wäyälewä bä lä cui, inaja bä cuu malä balöono wei. Ö̦jamö lä täbä lä wa̦lidiblamaö wei wama tä ublaa dablaö däjä, Judea jamö wamacö lä bälöle, tä lä jefubö wei jamö bä docuo cuo da showadaomobodu.

Lucas 19:26

Ö̦jö däjä, bada a wa̦ fama. “Ma, cafä bämacö nowa taö lä cule. Bä li dodijaö yalo, bä lä tabolajei bä nija ai bä nia jöböamou co̦o. Ö̦jö ma cui, bä tabou lä mlajei bä nija, wiisibö a tabou ma bälajei ma cui, a nia co̦amamou, bä li dodijaimi waiquiwä cudeenö.

Lucas 9:44

—Ei ya wa̦ lä fale, wamale a̦ ji̦liaö buo mlai ja, bei wamacö bufinö tä a̦ yai däa da cadidilöje. Ya lä yanowamöblaleyoluno wei ya lä cui, yanowamö täbä nija ya nia jöböamou —a cuma.

Juan 15:2

Ai ya totobä boco lä cui jamö, uba bä laloimi. Ö̦jö totobä boco nia bloque joyamou. Ai ya totobä boco lä cui jamö, uba bä ma faö wei ma cui, totobä fa aublalönö totobä nia boco ola joyaö, uba bä bluca yai fabä.

Hechos 10:33

’Ö̦jö cudeenö cafä bäfä nacamaö showadao bufima —Conelio a cuma—. Wa juu fa ojodaonö wa malä co̦blalufe. Bei. Yamalecö da yömöla. Bäfä a̦ nia fa ji̦lianö, eja yamacö bluca co̦camou lä cule. Yai Bada tänö bämalecö ca̦i malä cule. Bada tänö tä a̦ wäyämaö lä bufile tä a̦ da wäba —a cuma.

Hechos 17:11

Ö̦jö bä judio lä cuinö tä a̦ ji̦liaö bufi doblaomaje. Ö̦jö bä bufi shino yai walalao dodijioma, Desalonicateli bä bufi lä cuono weinaja mlai. Cäcöbö a̦ nia bejedi fa möjenö, Yai Bada showadi etä a̦ oni mömaje.

Romanos 12:3

Yai Bada tänö wale nofi fa ojodabonö, Jesucristo ya wa̦no wäyäö cuaabä wale shimölema. Ö̦jö cudeenö bämacö nowa bluca taö lä cule. ¿Ö̦jö tawä? Cafä wamacö nofi lä tamobole tä ja, bä da bejedimou. Wama tä nö taö doblobimi ja, bä jolemou buo dijä. Yai Bada tänö wamacö taamaö bufi lä doblao wei, ö̦jö wama tä nofi mölabolanö wamacö shi̦lo cuaabä.

1 Corintios 14:37

Ai wamacö lä cui, “Yai Bada ya wa̦ wäyäbä ya”, wamacö bufi cuu ja, wamale a̦ nö bejedi ö̦jöböabä wamacö, ö̦jö lä. “Yai Bada ya Bufi malä tabole”, wamacö bufi cuu ja, inaja showawä. Ya tä a̦ lä onimale, Bada tänö wale fa nosiemanö ya tä a̦ onimaö malä cui.

1 Corintios 3:18

Jole jole wamacö mölaö bädao mlai. Yanowamö täbä lija a bufi a̦fa jaducäwä tamou shi jalimo dijä. “Wa bufi nofi jaducäbloimi yai”, wa nowa taö fa cunoje ja, tä nö shi̦lo doblaobö wei. Ö̦jö däjä wa bufi shi̦lo yai moyawäblou dodijiobä.

1 Corintios 8:2

“Ya bufi dao lä”, a bufi jole lä cuablalou wei a bufi jaducäbloimi showawä.

Filipenses 3:4

Camiyä yanowamö bämacö nofi mölamobobä tä cuami waiquiwä. Tä cuo fa cunoja, camiyä ya nofi nö ca̦i mölamobou mö feduobö wei. ¿Ö̦jö tawä? “Ya mölabä lä”, ai täbä jole lä cuu weinaja, camiyä ya nö yai cuu fe balojoobö wei. Abenaja tä malä cule.

Hebreos 2:1

Ö̦jö cudeenö, bäma tä a̦ lä ji̦liano wei bäma tä a̦ yai ji̦liaö da dodijio, bämacö yacläö majöo mlaobä.