Lucas 8:13 - Biblia Yanowamö

¹³ ’Bei masi blaobä jamö mobä bläläa lä culaliyono weinaja, ai bä mö feduwänö tä a̦ ca̦i ji̦liaö cuaaöje —a cuma—. Tä a̦ ji̦liaöje däjä, bufi doblalanö tä a̦ däaöje. Ö̦jö ma cui, mobä nasöcö daloblou fa mlacunö, mosibä dedejebloimi. Ö̦jö mosibä lä culenaja bä lä cui, tä a̦ bejedi jaba ma bufilei wejei ma cui, bä yabäcamou däjä, bä waiquidou.

Lucas 8:13 Iomraidhean Croise

Marcos 6:20

Bada tä Elode lä cuinö, Juan a nö quili tama yalo, a nowamaö fe malä yadiono wei. Juan a bejedimou daö waiquioma. Yai Bada e lä cuono wei, a ca̦i dama. Juan a wa̦ ji̦lii däjä, a bufi shino ma wedinajamono wei ma cui, a wa̦ ji̦lii bufi doblao fe yadioma.

Lucas 8:12

Bei yo jamö mobä bläläö lä cuaaö weinaja, ai bänö Yai Bada etä a̦ ji̦liaö cuaaöje. Tä a̦ ji̦liaöje ja, fecula bada a fa waloiquiyonö, bei bä bufi jamö tä a̦ lä didile etä a̦ doaö nocamou, tä a̦ bejedi bufii mlaobeje. Bä jucäamou mlaobä.

Lucas 8:14

’Tä mösöcöböobä jamö mobä bläläa lä culaliyono weinaja, ai bä ma cuinö tä a̦ ji̦liaö cuwä mö feduweje —a cuma—. Tä a̦ ma ji̦liablaö wejei ma cui, täbä showadi lä yabäcäblou wei tä ja, bä yabäcäablalou majöblao dicoo. Madofi bä ca̦i tabou bufi doblaoje. Cama bä cuaaö bufi lä doblao wei tä ja, bä ca̦i yabäcäo. Ö̦jö däjä, Yai Bada nija bä bufi badadalou fa mlacunö, tä lä dodijidai etä mili wawäblou ma cule, etä liyäjäbloimi.

Juan 15:2

Ai ya totobä boco lä cui jamö, uba bä laloimi. Ö̦jö totobä boco nia bloque joyamou. Ai ya totobä boco lä cui jamö, uba bä ma faö wei ma cui, totobä fa aublalönö totobä nia boco ola joyaö, uba bä bluca yai fabä.

Juan 15:6

Camiyä nija bä yanöcöwä cuo lä mlai, totobä boco fa manöblalönö, totobä boco fäö lä culenaja bä nia taamamou. ¿Ö̦jö tawä? Ö̦jö däjä, totobä boco fa dolalöjenö, cowa wacö jamö totobä shäyäblaaöje, totobä ö̦shöbä.

Juan 5:35

Cowa wacö shi̦i lä culenaja a li Juan cuoma. Ö̦jö wama tä shi̦i nofi jaba doaö ma ojodaono wei ma cui, wamacö nö dedejeblonomi dicowä.

1 Corintios 13:2

Jesucristo ebä lä yododaö wei jamö ya etä a̦ wäyäbä, Yai Bada tä Bufinö yale nö ma wa̦lojoablalamaö wei ma cui, ya bufi jaducäa ma jödödöi ma cui, ya bufi dao fe ma balojoi ma cui, Yai Bada ya nofi mölabolanö jefu ya tä balöcö majöblamaö ma daö wei ma cui, ya bufi nofiomi ja, ya no ojode co̦amamobä tä cuami waiquiwä.

1 Corintios 15:2

Ö̦jö wama tä a̦ nofi cadidibolanö wamacö fucäamou, wamacö mölaö buomi ja.

Gálatas 3:1

Shädayai, Calasiateli wamacö. ¿Wedi jamö täbä a̦ ja wamacö mölaö fa majöblaonö, bei wamacö bufi jaducäwämi majöwä? Fii balitama tefi jamö Jesucristo a shämou lä läono wei, wawädowä ya wa̦fa mada wäyäblei. Wama tä a̦ ji̦lia walalalema.

Gálatas 3:4

Jesucristo wama a bejedi bufibou nofi jushuaö yalo, judio bänö wamacö nö jaba bleaamaö balöomaje. Wamacö nö ma bleaamaöje däjä, quilii mlai ja wama a bufibou fe yadioma. Inaja wamacö cuaaö ma waiquiono wei ma cui, ¿fei däjä wamacö bufi nia li shomiblou majöo? Inaja wamacö cuaaö majöobä wamacömi.

Efesios 3:17

Cristo wama a nofi mölabou ja, cafä wamacö bufi jamö a cudiobä ya wa̦ ca̦i faö. Wamacö bufi yai nofiobä ya wa̦ ca̦i faö, fii fibä nasöcö fa dalonö, tefibä ublao lofotoo lä culenaja, wamacö bufi yai lofotoo cuobä. Yafi bä colo lofotoo däjä, bä yafi wäcäö dao lä mlainaja wamacö yai cuo mö feduobä.

Colosenses 1:23

Bufi lofotolanö, wama a wa̦ nofi mölabou showao däjä, inaja wamacö nia yai taamaö, wamacö bufi cadidou showao däjä. ¿Ö̦jö tawä? Wama tä a̦ dodijidawä lä ji̦lileno wei tä a̦ nofi da cadidileje, ö̦jö lä. Jödödöwä täbä lä bälöblai täbä ma cui lija tä a̦ wäyämamou waiquia lä cudi. Ö̦jö ya tä a̦ wäyäö cuaaö mö feduobä, camiyä Pablo ya ma cui ya e cublaliyoma.

Colosenses 2:7

Fii fibä nasöcö fa dalonö, tefibä yai ublao lofotoo lä culenaja, tefibä yai ösöö lä culenaja, inaja showawä Cristo lija bä bufi ca̦i lofote yai da cuo. Wamacö yömölamou däjä, Cristo a wa̦fa lä wäyämono wei tä a̦ nofi shi̦lo yai lofote da mölaboje. Yai Bada tänö wamacö bayeliblaö cudeenö, ö̦jö lija bä bufi a̦fa shi̦lo doblao da wäyämo.

1 Tesalonicenses 3:5

Ö̦jö cudeenö, ya bufi nö yanöcödobimi waiquia yalo, Timoteo ya shimölema, Yai Bada ya wa̦ nia bufibou showaa fa mönö. Mölamalewä lija bämacö bufi yabäcaö nofi fa jalujubonö, ya shimölema. Yamacö nö bleaaö nofi ca̦i fa jalujumobonö, bämacö bomaö bufima.

1 Timoteo 1:19

Jesucristo lija a bufi bejedimou da dodijio. Wa bufi wacacalanö wa wasöobä. Ai täbä bufi wasöo fa mojionö, Jesucristo a nofi jaba ma mölabono wejei ma cui bä bufi yacläa fe balojolayoma.

Hebreos 10:39

Ö̦jö ma cui, camiyä bämacö lä cui, bämacö bufi mö yabablou co̦obä bämacö malä mlai. ¿Ö̦jö tawä? Bämacö mö watäblamobä bämacömi. Ma, bäma a nofi yai mölabou. Ö̦jö lija bämacö lä nowamöo wei bämacö, bämacö dodijidawä cudio fe yadiobä.

Santiago 2:26

Abinaja ya cuu. Yanowamö a bufi lä mlaqueno wei, nomawä bloque a nia cuo juo. ¿Ö̦jö tawä? Yai Bada a nofi jo̦wa ma mölabou wejei ma cui, bä dodijaimi ja, inaja showawä bä bloque cuwä.

2 Pedro 2:20

¿Ö̦jö tawä? Bada tä Jesucristo lä cuinö, ö̦jönö bämalecö shino yai bayelibou. Mijamö tä a̦ jole lä wäyäö wejei bä lä cuinö, Jesucristo etä a̦ daöje yalo, wa̦lidiwä tä ja bä docuu dao, yanowamö täbä showadi cuaaö bufi lä doblao wei tänö bä wa̦lidiblou mlaobä. Ö̦jö ma cui, tä a̦ ma daö wejei ma cui, ö̦jö tä julii mö yabaaö co̦o fa dicoojenö etä yai wayublaliyoma. ¿Ö̦jö tawä? Bä jaba doblono ma mlai ma cui, fei däjä bä shino yai dobloimi nomöjöwä.

2 Pedro 2:22

Täbä showadi lä cuu weinaja, cama bä nija etä bejedi cublaliyoma. Abinaja täbä lä cuu wei. “Ji̦ima bänö, nii bä ma joblalei wejei ma cui, bä waö mö yabao malä co̦o wejei.” Einaja täbä cuu. Abinaja ca̦i. “Coshino bä ma aublou wei ma cui, a̦ji a̦ji bä jamö yedu bä jö̦löcou mö yabablao malä co̦o wei.” Einaja täbä malä cuu wei. ¿Ö̦jö tawä? Mijamö tä a̦ jole lä wäyäö wejei bä lä cui, inaja bä cuaaö fa dicoonö bä nö bleaamamobä bä li waiquiwä.

1 Juan 2:19

Camiyä bämacö lä yododaö wei jamö, ö̦jö bä ca̦i ma coyocoblaano wei ma cui bä loo mlalaliyoma. Camiyä bämacö mashi bä yai cuo fa cunoja, bä loo nö mladobö mlai. Ma. Ö̦jö lä bä bluca shomi dablamou wawädoobä, bä coyocaö mladaliyoma.

Judas 1:12

Tä a̦ jole lä wäyäö wejei bä lä cui, wawädowä bä nofi fa jushuablalonö, Jesucristo bufilewä wamacö iyaö ca̦i co̦camou däjä tä wa̦lidiamaö läoje. Cama bä nofi shino yaimamou. Bä a̦ lä ji̦liaö wejei bä mölaa bälayou. ¿Ö̦jö tawä? Jai ölajashi bloque bä lä culenaja bä cuwä. Maa a quei mlai ja, wadolinö bä yaläö co̦ofälöö. Bä dodijaö mlai ja, jai fii bloque defibä ca̦i cuwä mö feduwä. Nii bä lalobä defibä cua ma cule bä laloimi. Jai fii fäwä defibä lä culenaja bä ca̦i cuwä, defibä nasöcö jocäblou lä waiquio wei defibä lä cui. Bäma bä a̦ nofi mölabobä bämi.