Lucas 8:1 - Biblia Yanowamö

¹ Tä no dedeaö mlao däjä, ai täbä bälöblawä mö lä fedui jamö, shabono bada bä jamö ma cui, wajaquemi bä wai shabono jamö ma cui, Yai Bada etä a̦ wäyäö cuaama. Dodijidawä tä a̦ ja, bä yömölaö cuaama, Yai Bada tänö cama ebä nia ca̦i lä cuo wei tä a̦ ja. Cama 12 ebä nocao showaoma,

Lucas 8:1 Iomraidhean Croise

Mateo 11:1

Cama 12 ebä lä nocamabono wei bä yömölaa fa jödödöblalönö, Jesúsnö bä ca̦i aa co̦layofälöma. Täbä bälöa lä ajedeblai täbä shabonobö jamö bä ca̦i juu cuaama, ö̦jamö lä tä a̦ ca̦i wäyäö cuaafälöbä.

Mateo 13:19

Bei yo jamö ai mobä bläläö lä cuaaö weinaja, ai bänö Yai Bada etä a̦ ji̦liaö cuaaöje. Tä a̦ ji̦liaö ma cujei, bä bufi jaducubloimi dicowä ja, tä yai lä wa̦lidii tä waloa fa showadaicunö, bei bä bufi jamö tä a̦ lä didio wei etä a̦ däa nocalei.

Mateo 4:23

Calilea jamö Jesús a juu cuaalanö, judio bä yododabä yafi bä jamö, täbä yömölaö cuaama. Yai Badanö cama ebä ca̦i nia lä cuo wei tä a̦ dodijidawä wäyäö cuaafälöma. Bluca tä wayu shomitawänö täbä lä jaliliono wei, täbä bluca jalomaö cuaama. Täbä lä wa̦lidiono wei bä ca̦i.

Mateo 9:35

Ö̦jö däjä, ai täbä bälöblawä mö lä fedui jamö, shabono bada bä jamö ma cui, wajaquemi bä wai shabono jamö ma cui, ö̦jamö lä Jesús a juu fa cuaanö, täbä yömölaö cuaama. Judio bä yododabä yafi bä jamö, Yai Bada tänö cama ebä nia ca̦i lä cuo wei tä a̦ wäyäö cuaama. Shomitawä bluca tä wayunö täbä lä jaliliano wei bä lä cui, bä bluca jalomaö cuaaö showaoma. Täbä lä wa̦lidiono wei bä ca̦i.

Marcos 1:39

Ö̦jö däjä, Calilea jamö Jesús a juu cuaalanö, judio bä yododabä yafi bä jamö, bä yömölaö cuaama. Fecula bä ca̦i yashuu cuaama.

Lucas 1:80

¿Ö̦jö tawä? Ö̦jö ijilu Juan a lä cui, a yawälayoma. A bufi lojodoblaliyoma. Isaeli ebä nija a wa̦ wawäblou showaa mlai, ulifi bloque jamö a cuo balöoma.

Lucas 20:1

Ai däjä, Yai Bada etä yafi jamö Jesúsnö bä damaö co̦oma. Tä a̦ lä dodijidai tä a̦ wäyäö däjä, bada bänö a nabä icuquemaje. Nofi bäyäalewä blowäjäwä bä ma cuinö, Moisesi tä a̦ ja täbä lä damaö wejei bä ma cuinö, judio ai bä bada ma cuinö, Jesús a nabä fa icuicunö,

Lucas 4:18

Bä lä jo̦li wei bä nija, tä a̦ lä dodijidai ya tä a̦ wäyäbä, Yai Bada tänö wale yailema. Ö̦jö cudeenö, Bada tä Bufinö wale ca̦i cua lä cule. Ya bä nia lä bayeliblaö wei ya wa̦fa wäamobä, wale shömölema. Bä shi lä wa̦limabou wejei ya bä nia jujeblamaö. Bä lä jubäbö wei ya bä mamocu nia dodijidablaö co̦o. Bä nö lä bleaamaö wejei ya bä nia bayeliblaö.

Lucas 9:6

Bä aa fa showalöfälönö, bluca täbä shabonobö jamö, Yai Bada tänö cama ebä ca̦i lä cuo wei tä a̦ wäyäö cuaamaje. Jalili bä ca̦i jalomaö cuaaö showaomaje.

Hechos 10:38

Ö̦jö Nasaleteli Jesús a lä cui, Yai Bada tänö a bayelibou ja, bei Bufinö a jödödöboma. A nö ca̦i wa̦lojomaboma. ¿Ö̦jö tawä? Täbä shino bayeliblaö cuaama. Fecula bada tänö bä nö lä bleaamano wei, bä bluca ca̦i jalomaö cuaama. Yai Bada tänö a ca̦i malä cuono wei.

Hechos 13:32

’Yama tä a̦ dodijidawä wäabä, cafä wamacö nija yamacö waloo lä cule —a cuma—. Bämacö nö badabö nija, Yai Bada tänö tä a̦fa wäyäö lä balöono wei tä a̦ lä cui,

Romanos 10:15

Bä yömölabeje bä shimamoimi ja, bä nia ca̦i yömölamou bädaomi. Abenaja tä a̦ oni cuu. Dodijidawä tä a̦ ca̦i lä waloo wejei bä lä cui, bä yai dablamou dodijidawä fe balojowä. Einaja tä a̦ oni cuu.