Lucas 7:47 - Biblia Yanowamö

⁴⁷ ’Ö̦jö cudeenö cafä bäfä nowa taö lä cule —a cuma—. Tä doblou lä mlai ya etä nowa bluca mladamaö yalo, ei a suwä lä cuinö wale nofimaö fe balojowä. ¿Ö̦jö tawä? Ö̦jö ma cui, Yai Bada tänö wiisibö etä nowa mladamaö lä buo wei, wiisibö a nia nofimaö bädao —Simón nija Jesús a cuma.

Lucas 7:47 Iomraidhean Croise

Mateo 10:37

’Wale jo̦wa ma bufii wejei ma cui, bä fö̦ö ebä nija bä bufi mö blucao dicoo ja, bä nöö ebä nija bä bufi mö ca̦i blucao dicoo ja, iba bä cuobä bämi waiquiwä. Bä ijilubö ebä ma cui, bä tää ebä ma cui, inaja showawä. Ö̦jö bä nija bä bufi mö blucao dicoo ja, iba bä nia cuomi.

Lucas 7:39

¿Ö̦jö tawä? Jesús a lä nacano wei a faliseo lä cuinö, ö̦jö tä fa dalalönö, abinaja a bufi bada cudaliyoma. “Yai Bada a wa̦no wäyälewä ei a yai cuo fa cunoja, a lä jubamole a doblou lä mlai etä nö ö̦jöböabö wei. Fei suwä a doblou lä mlai, etä nofi daimi dodijiwä yai”, a bufi cudaliyoma.

Lucas 7:46

Dodijidawä wale yafimabä, dabö dabö ubänö wale fe liyäyabä wa ma cui, wale fe liyäyanomi. Ö̦jö ma cui, toubä nö lä cle̦deli wei toubänö, ei a suwänö wale mamicö fe löblalei lä cufe.

Lucas 7:48

Suwä nija abinaja a Jesús cuu nomöjöoma. —Wa doblou lä mlai ya tä nowa mladamaö waiquiwä —a cuma.

Hechos 5:31

’¿Ö̦jö tawä? A nö Bada ö̦jöböamobä, cama Yai Bada jayu boco mashi jamö, a döcämabou lä culadi. Yanowamö täbä jucäabä, ö̦jö a Bada. Wa̦lidiwä tä ja, Isaeli nodiwä ebä bufi lädamabä, a Bada tablamalema, bä doblou lä mlai tä ma cule, tä nowa mladamabä.

Romanos 5:20

Täbä doblou lä mlai bä nö yai ö̦jöböamobä, Moisesi etä a̦ jibämoquema. Ö̦jö ma cui, täbä nö wa̦lidiwä yai lä ö̦jöböamono wei däjä, Yai Bada tänö no mlai ja bä nofi shi̦lo yai ojodabou showao ayaoma,

2 Corintios 5:14

Yai Bada tänö yamalecö nofimaö fe balojowä yalo, showadi ö̦jö yama a wa̦ fuabä tä malä cule. Abenaja yamacö bufi yai cuu dodijia lä cule. Yanowamö täbä nia bluca lä nomaö wei jamö Jesucristo a nomaa läa waiquilayoma cudeenö, ö̦jö lija täbä bluca nomaa yädäa waiquilayoma.

Gálatas 5:6

Bämacö mosi sicö ma joyamou wei ma cui, bämacö mosi sicö joyamou ma mlai lä ma cui, ö̦jö lä tä nowa cuami waiquiwä. Jesucristo bäma a nofi lä mölabou wei, ö̦jö lä tä nowa shi̦lo yai cua, cama lija bämacö yädäobä. Ö̦jö bäma a nofi yai lä mölabou wei däjä, yanowamö bäma täbä yai nofiablaö.

Efesios 6:24

Bada tä Jesucristo a nofimaö shi wa̦lii lä waiquilajei bä lä cui, bä nofi shi̦lo ca̦i ojodaboböbä.

Filipenses 1:9

Yai Bada lija bämacö bayelimaö däjä, wamacö nofimayou balabä ya wa̦ faö talei. ¿Ö̦jö tawä? Wamacö nofimayou balaa fa dodijilönö, wamacö bufi yai jaducäblobä ya wa̦ faö. Wamacö bufi wedinajamou mlai ja, wamacö bufi shi̦lo yai walalaobä.

1 Timoteo 1:14

Bada tänö wale nofi ca̦i ojodadaö fe fa balojoonö, bejedi wale bayeliblalema. Jesucristo lija ya bufi fa cuicunö, bufi cadidiwä tä jibäbema, bufi nofimou tä ca̦i.

1 Juan 1:7

Ö̦jö ma cui, tä shi̦i lä wacacai jamö cama Yai Bada tä lä culenaja, ö̦jamö bämacö cudia mö fedua ja, dodijidawä bämacö nofi nia yai shino tamayou. Ö̦jö däjä Yai Bada bei Ijilubö Jesús i̦yäbönö, wa̦lidiwä bäma tä lä taö wei tä bluca ja, bämacö aublou co̦layou.

1 Juan 3:18

Ijilu bä. Bämacö a̦fa nofi wäyämamou buo mlai. Bämacö bejedimolanö, bämacö lä cuaaö wei tänö bämacö yai da nofimayo.

1 Juan 4:19

Yai Bada tänö bämalecö nofimaö balöoma yalo, cama bäma a nofimaö nomöjöa, cama ebä ma cui, ö̦jö lä bäma bä ca̦i bluca nofimaö.

1 Juan 5:3

Yai Bada bäma a nofimaö ja, tä tamaö lä bufii wei bäma tä a̦ nofi nia cadidibou. Bämacö bufi nö modawä bleaaö mlai ja, bämacö nia cadidou.