Lucas 7:41 - Biblia Yanowamö

⁴¹ Abinaja Jesús a cuma. —Blada showadi bä lä majöaö wei anö, bolacabö cäcöbö nija bä blada majöquema. Ai a nija 500 bä bluca majöquema, bä nowa lä blucai. Ai a mö feduwä nija 50.

Lucas 7:41 Iomraidhean Croise

Mateo 18:28

’¿Ö̦jö tawä? —Jesús a cuma—. Ö̦jö ma cui, bada a nosie juamobä ö̦jö a showawä lä cui, abinaja cama a cuaaö dicooma. Sibo jamö a faö co̦o däjä, bada a nosie juamobä ai a mö feduwä lä cui, a dalalema. Ö̦jö nija bä nowa blada taboma. Bluca mlai, 100 bä nowa wai blada tabou bädaoma. Ö̦jö ma cui, bä blada co̦amaö showao fe yadiobä, bei olami ja imicö waliblaa showadaquema. “¡Iba blada 100 bä da co̦maba!”, a nowa tadalema.

Mateo 6:12

Yamacö doblou lä mlai, tä nowa ca̦i da mladamalö, camiyä yamalecö lä yabäcaö wejei bä nija, yama tä nowa bluca mladamaö lä cuaaö weinaja showawä.

Marcos 6:37

Ö̦jö ma cui, Jesús a wa̦ läoma. —Ma, cafä wamacönö wama bä yai iyamabä. Abinaja cama bä cuu nomöjöoma. —¿Wedinaja yamacö fa cuaanö, yama bä li iyamalei? ¿Blada 200 wa bä joyaö bufi doblao tawä, yama bä iyamabä? —bä cuma.

Lucas 11:4

Yamacö doblou lä mlai, tä nowa ca̦i da mladamalö. Camiyä yamacö ma cuinö, yamalecö lä yabäcaö wejei bä nija yama tä nowa bluca malä mladamaö wei. Yamacö nö doblobö lä mlai jamö, yamalecö ca̦i da wasö.” Einaja Yai Bada nija wamacö cubä —Jesúsnö bä nowa tama.

Lucas 12:48

Ö̦jö ma cui, bada a nosie juamobä ai a mö feduwä lä cuinö, tä tamaö lä bufii wei tä daö fe balojowämi. Tä daimi cudeenö a dobloimi. A dobloimi yalo, a nö bleaamabä a ma cui, a bufi jaducuwä fe balojowämi cudeenö, a nö nia bleaamaö fe balojoomi. ¿Ö̦jö tawä? Tä nowa lä bluca wei tä ja a lä dobäö wejei a lä cui, ö̦jö a nia yai wa̦limamou. Inaja showawä, tä nowa lä bluca wei jamö a lä läamaö wejei a lä cui, ö̦jö a nowa nia shino yai taöje —a cuma.

Lucas 13:4

’Siloe jamö a yafi ösöwä lä wäcälayono wei däjä, Jelusaleteli 18 bä lä shäblaliyono wei bä lä cui, ¿wedinaja wama bä nofi ö̦jö tabou? —a cuma—. “Jelusaleteli ai bä dobloimi fe balojoo mlai, ö̦jö bä nofi yai doblou fa mlacunö, bä li inaja tablamolayoma”, ¿wama bä nofi tabou tawä?

Lucas 7:40

A wa̦ juo ja, abinaja Jesús a cuma. —Simón, cafä nija ya tä a̦ nia wäaö. —A wa̦ da fabla, tä a̦ wäyäle —e cuma.

Lucas 7:47

’Ö̦jö cudeenö cafä bäfä nowa taö lä cule —a cuma—. Tä doblou lä mlai ya etä nowa bluca mladamaö yalo, ei a suwä lä cuinö wale nofimaö fe balojowä. ¿Ö̦jö tawä? Ö̦jö ma cui, Yai Bada tänö wiisibö etä nowa mladamaö lä buo wei, wiisibö a nia nofimaö bädao —Simón nija Jesús a cuma.

Romanos 3:23

Yanowamö täbä jödödöwänö wa̦lidiwä tä taö malä cujei. Yai Bada tä doblao lä culenaja bä cuwä malä mlai.

Romanos 5:20

Täbä doblou lä mlai bä nö yai ö̦jöböamobä, Moisesi etä a̦ jibämoquema. Ö̦jö ma cui, täbä nö wa̦lidiwä yai lä ö̦jöböamono wei däjä, Yai Bada tänö no mlai ja bä nofi shi̦lo yai ojodabou showao ayaoma,