Lucas 7:34 - Biblia Yanowamö

³⁴ ¿Ö̦jö tawä? Juan a lä cuaano weinaja ya cuaaö ma mlai ma cui, inaja showawä camiyä ya lä yanowamöblaleyoluno wei ya lä cui, wamale a̦ ca̦i ji̦liblaimi cuwä mö feduwä. Camiyä ya fa waloiquiyonö, ya ca̦i waiyo mlai ja ya iyaö showawä. Bei ya toubä ca̦i coaö. Ö̦jö ma cui, wamale a̦fa ca̦i wayoaö mö feduwä showawä. “Showadi a iyadii”, wamacö cuu. “A shi wa̦lii bufi fa doblaonö, toubä coadii”, wamacö cuu. “Lomateli bada bä befi bä blada lä doaö wejei bä ma cui, wa̦lidiwä talewä ai bä ma cui, ö̦jö bä shino nofimadii”, wamacö cuu. ¿Ö̦jö tawä?

Lucas 7:34 Iomraidhean Croise

Mateo 11:19

¿Ö̦jö tawä? Juan a lä cuaano weinaja, ya cuaaö ma mlai ma cui, inaja showawä camiyä ya lä yanowamöblaleyoluno wei ya lä cui, wamale a̦ ca̦i ji̦liblaimi cuwä mö feduwä. Camiyä ya fa waloiquiyonö, ya ca̦i waiyo mlai ja ya iyaö showawä. Bei ya toubä ca̦i coaö. Ö̦jö ma cui, wamale a̦fa ca̦i wayoaö mö feduwä showawä. “Showadi a iyadii”, wamacö cuu. “A shi wa̦lii bufi fa doblaonö, toubä coadii”, wamacö cuu. “Lomateli bada bä befi, bä blada lä doaö wejei bä ma cui, wa̦lidiwä talewä ai bä ma cui, bä shino nofimadii”, wamacö cuu. ¿Ö̦jö tawä? Inaja wamacö ma cuu däjä ma cui, Yai Bada a wa̦ moyawe. Ö̦jö a wa̦ lä cadidibou wejei bä bluca lä cuinö a bejedi dablamaöje—Jesús a cuma.

Mateo 5:46

’Cafä wamacö lä nofimaö wejei, wama bä nofimaö mö feduo yalo, ¿Yai Bada tänö wamacö nia dobädayou daanö? —a cuma—. Ma. Lomateli bada bä befi bä blada lä doaö wejei bä ma cuinö, cama bä lä nofimaö wejei, showadi bä nofimaö mö malä feduo wejei.

Mateo 9:11

Faliseo bä bada lä cuinö, Jesús nija ö̦jö bä ca̦i iyaö fa dalalöjenö bä jushuoma. Ö̦jö däjä, Jesúsnö bä lä nocamabono wei bä nija abinaja bä cuma. —Cafä wamacö nija tä a̦ lä wäyäö wei a lä cui, ¿wedi tabä inaja a li cuaaö dicoo? Lomateli bada bä befi bä blada lä doaö wejei bä ma cui, wa̦lidiwä talewä ai bä ma cui, ¿wedi tabä ö̦jö bä ca̦i li iyaö dicoo? —bä nowa tamaje.

Lucas 11:37

Jesús a wa̦ waicou däjä, faliseo a badanö a nacalema, cama nija a nö liyobä. Ö̦jö cudeenö, ö̦jamö lä a fa junö, bä iyaö ca̦i loobä jamö a cuquema.

Lucas 14:1

Täbä yanöcöobä ai sábado tä mö jalu däjä, faliseo bada a lä cuinö Jesús a nacalema, a nö liyamabä. Yafi jamö a fa waloicunö, a dobloimi jömaö bufi fa doblaojenö a mödimaje.

Lucas 15:2

Ö̦jö cudeenö faliseo bä bada ma cui, Moisesi tä a̦ ja täbä lä damaö wejei bä ma cui, bä bufi jushujolanö abinaja bä cuma. —Ei a lä cui, wa̦lidiwä talewä bä nija a nofimodii. Bä ca̦i iyaö talei —bä cuma.

Lucas 19:7

¿Ö̦jö tawä? Saqueo nija Jesús a co̦blou fa dalalöjenö, ai bä bufi bluca jushujudaliyoma. —Wa̦lidiwä talewä nijamö a nofi fama lä waloicufe —bä nowa tayoma.

Lucas 5:29

Ö̦jö däjä, Jesús sho bä iyabä, Lewinö cama e yafi jamö nii bluca bä tama. Lomateli bada bä befi bä blada lä doaö wejei bä bluca ma cui, ai bä ma cui, bä iyaö ca̦i lä loono wei jamö, ö̦jö bä bluca loo mö feduoma.

Lucas 7:33

’¿Ö̦jö tawä? —a cuma—. Cafä wamacö ma cui, inaja showawä wamacö cuaaö. Wamacö a̦ juomi fe balojowä. Fe ojomalewä Juan a lä cui, ö̦jö wama a wa̦ juano malä mlai. Ö̦jö a fa waloiquiyonö, nii a ja, a wasöoma. Nashiwä toubä ca̦i ja. A waiyoma cudeenö, “A li feculabö”, wama a nofi li taboma.

Lucas 7:35

’Inaja wamacö ma cuu däjä ma cui, Yai Bada a wa̦ moyawe. Ö̦jö a wa̦ lä cadidibou wejei bä bluca lä cuinö, a bejedi dablamaöje —a cuma.

Lucas 7:36

Cama nija a nö liyobä, faliseo ai a badanö Jesús a nacalema. Ö̦jö cudeenö, ö̦jö e yafi ja a fa falönö, bä iyaö ca̦i loobä jamö a cuquema.

Juan 12:2

Ö̦jamö Jesús a ca̦i iyabeje, bä yododama. Martanö nii bä bablaaö cuaama. Bä iyabä bä lä loono wei jamö, Lasalo a ca̦i cuoma.

Juan 2:2

Jesús a ma cui, cama ebä lä nocamabono wei bä ma cui, ö̦jö bä bluca nacalemaje, cäcöbö nofi co̦camoabeje.