Lucas 7:22 - Biblia Yanowamö

²² Ö̦jö cudeenö, abinaja Jesúsnö cäcöbö nowa tama. —Wafä tä lä dalalufe, wafä tä a̦ lä ji̦liläfe, Juan nija tä a̦fa bluca da wäyäbödu. Bä lä jubäbö wei bä lä cui, bä mamocu dodjidablou co̦o. Bä juu dao lä mlai bä lä cui, bä jublou. Täbä sicö lä jodemaö wei tä wayunö bä nö lä bleaaö wei bä lä cui, bä dodijidablou co̦o. Bä yömöca lä comi wei bä lä cui, bä yömöca walalablou co̦o. Bä lä nomaö wei bä lä cui, bä demi jocädou co̦o. Bä lä jo̦li wei bä lä cui, dodijidawä tä a̦ ja, bä yömölamou.

Lucas 7:22 Iomraidhean Croise

Mateo 11:5

Bä lä jubäbö wei bä lä cui, bä mamocu dodijidablou co̦o. Bä juu dao lä mlai bä lä cui, bä jublou. Täbä sicö lä jodemaö wei tä wayunö bä nö lä bleaaö wei bä lä cui, bä dodijidablou co̦o. Bä yömöca lä comi wei bä lä cui, bä yömöca walalablou co̦o. Bä lä nomaö wei bä lä cui, bä demi jocädou co̦o. Bä lä jo̦li wei bä lä cui, dodijidawä tä a̦ ja bä yömölamou.

Mateo 21:14

Yai Bada etä yafi jamö Jesús a cuo showao däjä, bä lä jubäböono wei bä ma cui, bä juno lä mlai bä ma cui, cama nija ö̦jö bä ca̦i bluca fa icuicujenö, bä jalomalalema.

Lucas 4:18

Bä lä jo̦li wei bä nija, tä a̦ lä dodijidai ya tä a̦ wäyäbä, Yai Bada tänö wale yailema. Ö̦jö cudeenö, Bada tä Bufinö wale ca̦i cua lä cule. Ya bä nia lä bayeliblaö wei ya wa̦fa wäamobä, wale shömölema. Bä shi lä wa̦limabou wejei ya bä nia jujeblamaö. Bä lä jubäbö wei ya bä mamocu nia dodijidablaö co̦o. Bä nö lä bleaamaö wejei ya bä nia bayeliblaö.

Lucas 7:21

Ö̦jamö cäcöbö cuo showao däjä, jalili bluca bä jalomalema. Bluca tä wayu shomitawä mö feduwänö bä nö lä bleaano wei bä ma cui, bä lä feculaböono wei bä ma cui, bä bluca jalomalalema. Bä lä jubäböono wei bä ma cui, bä mamocu bluca dodijidablaö co̦layoma.

Lucas 7:23

¿Ö̦jö tawä? Camiyä wale nofi mölabou fe lä yadio wei a lä cui, ö̦jö a bufi nia yai doblalou —cäcöbö nowa tama.

Juan 1:46

Abinaja Nataniel e cuma. —Nasaleteli bä nijamö, ¿tä nö bayeli cublou yai tawä? —e cuma. Felipe abinaja e cuma. —Ja̦o. Jabo, ö̦jö lä. Wa möblabä.

Hechos 26:18

Wa bä bufi möblamabä bäfä nia shömaö, bä mö jamoliblobä. Tä mö lä didi wei jamö bä ma cule ma cui, tä shi̦i lä wacacai jamö bä mö shino yaiblou nomöjöobä. Fecula bada tänö bä ma lojodobou däjä, ö̦jö tä fa dacöjenö, camiyä Yai Bada nija bä mö cublou nomöjöobä. Bä doblou lä mlai tä bluca ma cule, tä nowa mladobä. Camiyä wale nofi lä mölabou wejei tänö, iba bä lä yaile bä nija bä yädäblobä”, camiyä nija Bada tä cuma. ¿Ö̦jö tawä? —Pablo a cuma.

Hechos 8:7

Bä bluca malä jalolaliyono wei. ¿Ö̦jö tawä? Bä lä feculaböono wei bä jalomama. Fecula ebä fa si̦lalamooblonö, bä docuoblofälöma. Ai bä mö feduwä lä cui, bä lä ya̦toliböono wei bä ma cui, bä juno lä mlai bä ma cui, ö̦jö bä bluca ca̦i jalomaö mö feduo showaoma.

Santiago 2:5

Bämacö lä nofimaö wei wamacö. Wamale a̦ da ji̦lilä. Yanowamö täbä jo̦li lä bälöblai, Yai Bada tänö ö̦jö bä yaia cadidilema, tä nowa yai lä bluca wei tä tabobeje. Cama a nofi nia mölabou lä cadidio wejei, ö̦jö tä nowa shino yai bluca. Cama nija bä nia lä cuo wei tä ca̦i. ¿Ö̦jö tawä? A lä nofimaö wejei bä lä cui, ö̦jö bä nia ca̦i bälöo lä dodijio wei tä a̦fa malä wäqueno wei.