Lucas 7:2 - Biblia Yanowamö

² Ö̦jamö sodado 100 bä ca̦i lä cuono wei a Lomateli bada bälöoma. A nosie juamobä e wa̦lo taboma. A nofimaö dodijioma. Ö̦jö e lä cui e fa jalililalunö, e nomaö ajedeoma.

Lucas 7:2 Iomraidhean Croise

Génesis 24:27

abinaja a cuma. —¡Cama Jeobaa a nofi shino yai doablamobä! Iba bada Ablaamö a lä cuinö, tä lä bufiblaö wei tä showawä lä cui. Showadi Ablaamö a lä nofimaö wei, a nofimaö malä showale. A wa̦ nö wäo ja, a lä cuno wei tä ja, a cadidou showaoma. Camiyä ya ma cui, yale fa bayeliblalönö, yale waloa cadidimaquema. Ablaamö ebä mashi cadidiwä yafibö jamö, Jeobaanö wale lulubou cadidioma —a cuma.

Génesis 35:8

Ö̦jamö lä bä waloo däjä, bä ö̦cölayoma. Lebeca a oshe lä nowamano wei, Debola a wa̦fa lä cuono wei, a bufi fa mlaicunö, a nomawä didiquemaje. Bedele tä ajede jamö, fii defi bada lä ublaono wei defi cotä jamö, a nomawä fa didicöjenö, Bämacö lä ö̦cölayono wei, bei defi a̦fa jilaa nomöjöquemaje.

Mateo 27:54

Jesús a nofi lä läbono wejei bä sodado lä cuinö, mashita a bada blösö blösömou fa dalalöjenö, bä quilia fe balojolaliyoma. ¿Ö̦jö tawä? Sodado 100 bä ca̦i lä cuono wei a bada ma cuinö, cama ebä ma cuinö, tä bluca lä cublaliyono wei tä dalalemaje. Ö̦jö tä ja, bä quilia fe fa balojolalunö, abinaja bä cudaliyoma. —Bejedi lä, quiji a lä cui, ¡Yai Bada tä Ijilubö e cuo dodijioma!

Lucas 23:47

Sodado 100 bä ca̦i lä cuono wei a bada lä cuinö, ö̦jö tä bluca lä cublaliyono wei tä fa dalalönö, Yai Bada a nofi doablama. Abinaja a cuma. —Bejedi lä, ei a doblou lä mlai etä cuonomi.

Lucas 7:1

Jesúsnö bä damaö fa jödödöblalunö, Cabenao jamö a co̦blaliyoma.

Lucas 7:3

Ö̦jö däjä bada a lä cuinö, Jesús a wa̦fa juu fa ji̦lilänö, judio bada bä shömölema, a nacabeje. A nosie juamobä e lä jaliliono wei e jalomayolubä.

Lucas 8:42

Cama bä tää moli e lä cui, e fa jalililalunö e nomaö ajedeoma. Lasha jai 12 a faa waiquimalema, a moco cuoma. Jailo nija Jesús a fa nocalofälönö, täbä mashicou fe fa balojoonö a bacäjamamaje.

Hechos 10:1

Sesalea jamö, Conelio a wa̦fa lä cule a bälöoma. Judio a cuonomi. Sodado 100 bä ca̦i lä cuono wei a bada cuoma. Ö̦jö 100 bä ca̦i lä cuono wei bä lä cui, Italiano ebä a̦fa sodado jilabomaje.

Hechos 10:7

A wa̦ lä wayomano wei a̦jele tä fa co̦lunö, Conelionö cama ai ebä nacajelema. Showadi a wa̦ lä juaö wejei bä nija, bolacabö ecöbö nacalema. Sodado bä ca̦i lä cuono wei bä nija, moli a ca̦i nacaa mö fedulema, Yai Bada nija a bejedimou bufi lä doblaono wei a lä cui.

Hechos 22:26

Inaja a fa cunö, sodado 100 bä ca̦i lä culenö, Pablo a wa̦ fa ji̦lilänö, bada e nija a wa̦ wäyäö showadaoma. —Wa tä nia lä taö wei tä ja, a da moyaweicu —a cuma—. Lomateli bänö a nofi lä tabou wejei, a jo̦wa.

Hechos 23:17

Ö̦jö däjä, sodado 100 bä cai̦ lä cule ai a fa nacalänö, abinaja Pablo a cuma. —Afä bada a nija, ei fecamayä a da lululäfälö, a wa̦ nö wäobä —a cuma.

Hechos 27:1

Sesa nija Pablo a wa̦ ji̦liamobä, Loma jamö yamalecö nia shömamaje, Italia tä ulifi jamö. Ö̦jamö yamalecö shömabeje bada a bufi shaliliblou däjä, sodado 100 bä ca̦i lä cuono wei a nija a wa̦ fama, Julio a bada nija. Cama 100 bä ca̦i lä cuono wei bä lä cui, bada tä Aucuto ebä a̦fa sodado jilabomaje. Pablo a ma cui, ai bä fe lao mö lä feduono wei bä ma cui, ö̦jö bada tä Julio nija bä bluca bälaquemaje, camanö bä ca̦i caläfälöbä.

Hechos 27:3

Ö̦jö tä fena ja, Sidonoteli bä lä bälöle jamö yamacö fa waloicunö, yamacö befi ca̦i cadöquema. Julio a bada lä cuinö, Pablo a nofi ojodaboma yalo a washölöo wasönomi. Cama nofi ebä fe walobä, a washölömaquema, cama bä nija a bayeliblamofälöbä.

Hechos 27:43

Ö̦jö ma cui cama 100 bä ca̦i lä cuono wei a lä cuinö, Pablo a nowamaö bufi fa doblaonö bä yanöcöblamalema. Abinaja yamalecö nowa tama. —Wamacö caläö lä daö wei wamacö queo balöobä. Wamacö fa caläfälönö wamacö washölöobä.

Colosenses 3:22

Bä nosie fuamobä wamacö lä tabou wejei wamacö lä cui lija ya wa̦ faö majöo. Bita jamö wamacö bälöo showao däjä, wamacö lä tabou wejei dodijidawä bä a̦ da fuaje. Bä mamo showao däjä shi̦lo mlai. Yanowamö täbä lija wamacö dodijidawä dablamobä ca̦i mlai. Bada tä Jesucristo lija wamacö fa quilinö, bufi cadidilanö wama bä a̦ shi̦lo yai fuabä.