Lucas 7:19 - Biblia Yanowamö

¹⁹ A fa yömölajenö, Juan a wa̦no wäyämobä, cama bolacabö ecöbö fa nacalänö, Bada tä nijamö cäcöbö shömölema. Jesús a wa̦liböö ja, abinaja cäcöbö nia cuma. “A nia jo̦wa lä juno wei, ¿ö̦jö cafä wa waiquiwä tawä?”, bä nia cuma. “Ma, cafä mlai, ¿ai a nia yai lä juu wei yama a nö dabou showaobä daanö?”, cäcöbö nia cuma. ¿Ö̦jö tawä?

Lucas 7:19 Iomraidhean Croise

Génesis 22:18

Abinaja ca̦i. Camiyä wale a̦ juama yalo, bluca bä bälöjöwä lä yaiblai bä ma cui, ijilufä ebä nodiwä nija, ö̦jö bä nia bayeliblamou mö feduo”, a cuma.

Génesis 3:15

’Suwä sho showadi wafäcö nofi wa̦liayobä, bäfäcö tablamaö lä cule. Obi ma cui, suwä bei ijilubö e nodiwä sho, afä a nia lä nodiblou wei a sho, cäcöbö nofi nia wa̦liayou nodiablalou showao. Ya̦cumö suwä a lä cui, bei ijilubö nodiwä e nö nia shino wa̦lojaö ayao. Wa fe nia shäaö. Cafänö bei wa e mamicö shiona nia difequiaö —cäcö nowa tama.

Génesis 49:10

U̦asi, Judawä. Cafä wa lä cui, showadi wa nö nia yai wa̦lojaö. Showadi wa bada nia läo. Afä bä nia lä nodiblou wei bä ma cui, bä nia ca̦i bada läo nomöjöo. Bä bluca bälöblawä lä yaiblai bä lä cuinö, showadi wa dobäbeje, bä nia waloo. Showadi wa nosie nia juaöje.

Isaías 11:1

Fii bada tefi lofote lä culenaja, Isai bä ijilubö David ebä bada cublou ma nodiono wei ma cui, tefi nia duyämou. Tefi nia ma duyämou wei ma cui, fii nanoca nia cabudu faö co̦o. Isai nodiwä a nia bada bädou, bei nasöcö cäcö ja, tefi cabudu faö lä cuaaö weinaja showawä.

Isaías 7:14

Inaja wa cuu dicoo ja, cafänö wa tä wawämaö bufii ma mlai, cama Bada tänö tä nia wawämaö fe yadio. Wama a nia lofote dablaö fe yadio. ¿Ö̦jö tawä? Moco a jubamou dao lä mlai, a nia shibönabölayou. Bä ijilubö e nia tablaö. *Emawele e a̦fa nia jilaö.

Miqueas 5:2

Belena Eflada jamö wamacö lä bälöle wamacö blucami. Judawä ai ebä mö feduwä lä cublai bä shi̦lo teteblawä ayawä. Ö̦jö ma cui, Isaeli ebä lija a bada läobä, cafä Belenateli wamacö lija, iba ya nia wawäblamaö, yedu ja a cuo lä showadaono wei.

Marcos 6:7

Ö̦jö däjä, cama 12 ebä lä nocamabono wei bä lä cui, Jesúsnö bä nacaa fa ajedealalönö, bä shömaö bolacadou showadaoma. Fecula bä yashubeje bä tablamalema.

Lucas 10:1

Ö̦jö tä cublou fa waiquilonö, Bada tä nia lä juno wei jamö a wa̦no taö balöodayobeje, 70 ai bä yaia nomöjömaquema. Bluca bä lä bälöblai bä nijamö, cama a nia waloadalou lä cuaaö wei jamö, bolacabö bä cudawä bä shömöa balöabodayoma.

Lucas 11:1

Ai däjä, Yai Bada nija Jesús a nö bayeli nacaoma. A wa̦ faö waicou däjä, cama ai a lä nocamabono wei e a̦ fama. —Bada tä. Yai Bada nija yamacö a̦ fabä, tä a̦ yai da wäba. Fe ojomalewä Juan a lä cuinö, cama ebä lä nocamabono wei bä nija, tä a̦ wäa lä taqueno weinaja showawä —a cuma.

Lucas 11:39

Ö̦jö däjä, abinaja Bada tä cuma. —Cafä faliseo wamacö lä cui. Ji̦shima bä ma cui, ca̦ö fesibä ma cui, fesibä sibosi aumaö lä culajeinaja wamacö sibosi ma taamamou wei ma cui, bei wamacö u̦eshi shami fe balojowä. Madofi bä ja wamacö bufi shino yaimodii. Wamacö shino nabämou.

Lucas 12:42

Bada tä Jesús abinaja a cuma. —Camiyä wamale nosie lä juaö wei wamacö lä cui, ¿wedi jamö wa lä cui wa shino yai dodijaö daanö? Abinaja tä cuwä. Shomi jamö a bada nia lä juno wei a bada cuoma. A lä dodijaö wei a läo juobä a nosiemafälöma. Abinaja a nowa talefälöma. “Dodijidawä iba bä ca̦i cua da jeicu. Bä iyabä tä cuo däjä, dodijidawä wa bä iyamabä”, a nowa talefälöma.

Lucas 13:15

Ö̦jö däjä, Bada tä Jesús abinaja e cuu mö feduoma. —¡Jole jole wamacö lä dodijidai! Wama bä wasöö ma cui, cafä inaja wamacö cuaaö mö feduwä malä showai. Täbä yanöcöobä tä mö jalu ma cui ja, ji̦imafä wama bä malä bayeliblaö wei. Baca bä ma cui, bulo bä ma cui, wama bä fa cushanö, wama bä amishi co̦amabä, wama bä malä lulubou wei.

Lucas 17:5

Jesúsnö bä shömabä bä lä nocamabono wei bä lä cui, abinaja Bada tä nija bä cuma. —Yai Bada yama a nofi yai mölabou shaliliobä, yamalecö bufi da bayeliblalö —bä cuma.

Lucas 17:6

Ö̦jö däjä, abinaja Bada tänö bä nowa tama. —Yai Bada wama a nofi lä mölabole, wamacö bufi nö wiisibö wa̦lojolanö wama a nofi bejedi mölajadaö bädao fa cunoja, wamacö nö doblobö wei. Nana shimono wai wiisibö ma cui, shifibä malä badaö wei. Ö̦jö däjä, quiji fii defi ma cui, Yai Bada wama a nofi yai mölabolanö wama fi nowa taö fa cunoja, fi nö majöblobö wei. “¡Cafä fii wa defi lä cui, defi da ucablamolu! ¡Modu u jamö, defi dömoa da nomöjöbalufälö!”, wamacö cuu fa cunoja, wamacö a̦ nö julebö wei —a cuma.

Lucas 18:6

Ö̦jö däjä abinaja Bada tä Jesús a cuma. —Ö̦jö bada a doblou lä mlaono wei a lä cuno wei tä ja, bä bufi da jaducuicu.

Lucas 19:8

Ö̦jö däjä, Bada a nija Saqueo a fa ubladalunö, abinaja a cuma. —Bada tä. Ya bä bluca lä tabole, bä nö jo̦lili lä bleaaö wei bä nija ai ya bä mashi nia shelelaö cuaaö. ¿Ö̦jö tawä? Ai ya ebä blada däa lä ja̦toleno wei ya bä nia co̦amaö. Ya bä co̦amaö ja, ya bä lä däleno wei ya tä co̦amaö bädao mlai, ai ya bä nia yädädamaö cuaaö majöo. Moli ya lä däleno wei a ja, 4 ya bä nia co̦amaö. Inaja showawä ya bä nia yädädamaö cuaaö—a cuma.

Lucas 22:61

Ö̦jö däjä Bada tänö Pedro a möa ashädalema. A fa mödalönö, Bada anö a nowa lä tano wei Pedronö tä nofi jaducudalema. “Cadala fei däjä a wa̦ faö showao mlao däjä, 3 wale nofi nia jole mojodubou”, a nowa malä tano wei.

Lucas 24:34

Abinaja cäcöbö nowa taö mö baomaje. —¡Bejedi lä, Bada tä demi jocädou co̦layoma! ¡Simón Pedro nija a damolaliyoma! —cäcöbö nowa taö mö baomaje.

Lucas 7:13

¿Ö̦jö tawä? Bada tänö a suwä fa dalalönö, a nofi ojodadalema. Abinaja e cuma. —Ami. A ö̦cö dijä.

Lucas 7:20

Jesús nija cäcöbö fa waloicunö, inaja showawä cäcöbö cuyoluma. —Bä fe ojomalewä Juan a lä cui, ö̦jö yafä a wa̦no taö lä cule. A nia jo̦wa lä juno wei, ¿ö̦jö cafä wa waiquiwä tawä? Ma, cafä mlai, ¿ai a nia yai lä juu wei yama a nö dabou showaobä daanö? —cäcöbö cuma.

Juan 4:1

Fe ojomalewä Juan a lä cuinö, cama ebä lä nocamabono wei bä fe bluca ojomama. Bada tä Jesús ma cui, inaja cama a ca̦i cuaaö mö feduo showaoma. ¿Ö̦jö tawä? Jesús ebä shino yai lä blucaono wei, faliseo bä bada lä cuinö tä a̦ fa ji̦liläjenö, bä a̦ wayoma. Ö̦jö däjä, Jesúsnö bä wa̦no fa ji̦lilänö,

Juan 4:25

Abinaja suwä e cuma. —Yai Bada tänö a shömabä a lä yaileno wei a lä cui, ö̦jö a nia juu, Cristo a wa̦fa lä jilamou wei a lä cui. Ö̦jö ya bufibou. Ö̦jö a waloqueyoluno wei ja, jödödöwä tä ja, yamalecö nia yai yömölaö, ö̦jönö —e cuma.

Juan 6:23

Ö̦jö däjä, Dibelia jamö culanö bä befi ca̦i lä caläno wei, ai bä ca̦i canawä washölöblaliyomaje. ¿Ö̦jö tawä? Bada a lä cui, Yai Bada nija a bufi a̦fa doblalou wäyämou fa balöonö, bä nii lä wano wejei tä ajede jamö bä washölöquema.

Josué 2:1

Ö̦jö däjä, Sidimö jamö culanö, Nuni bä ijilubö e Josué lä cuinö, 2 cäcöbä shimöa ja̦tolema, tä ulufi bomaböbä. Abenaja cäcöbä nowa tama. —Cäcöbä da alufälö, wafä tä ulufi bomaö balöobä. Jelico wafä tä ulufi yai möö dodijobä, ö̦jö lä —cäcöbä nowa tama. Ö̦jö cudeenö, cäcöbä aa fa showadalufälönö, Jelicoteliyoma e yafi jamö cäcöbä fa co̦blalunö cäcöbä bälöblaoma. Laaba a wa̦fa suwä cuoma. A showadi lä dodoo wei a suwä cuoma.

Apocalipsis 11:3

Camiyä wale a̦fa wäyädiböbä ya cöbä nia lämabou. Ya cöbä nö nia wa̦lojomabou. Täbä nö wajäwä ö̦jöböamobä, camishi a̦loqui cäcö ö̦shö lä ya̦bou wejei cäcö ja cäcöbö didilanö, belibo 42 a lublou showaa mlai ja wale wa̦no nia taböö —a cuma.