Lucas 7:12 - Biblia Yanowamö

¹² Nainiteli bä beibö yoca lä joleono wei jamö bä blacäö däjä, yafiteli bänö nomawä a ca̦i faa mö balayomaje. A lä nomalayono wei bä fö̦ö e fa nomalönö, bä nöö e yamiblaliyoma. Ai ebä ijilu ca̦i cuonomi. Ö̦jamö bä lä bälöle bä bluca fa co̦camolunö, a nomöa bolajenö a suwä ca̦i jumaje.

Lucas 7:12 Iomraidhean Croise

Génesis 22:12

—¡Ijilufä a famima dijä! ¡A taama dijä! Ijilufä wa moli lä tabole, camiyä nija wa noshi umabou fa mlacunö, bäfä bejedi malä dablale. Camiyä Yai Bada ya lä cui, wale nö quili malä taö wei —a cuma.

Génesis 22:2

—Ijilufä wa moli lä tabole, Isaacö a lä cui, wa lä nofimaö wei, wa fa nocamalänö, Molia tä ulifi jamö a ca̦i da alufälö. Tä ulifi lä jefubö wei jamö wa ca̦i fa waloicunö, ya jefu lä jömaö wei jamö wa ca̦i fa dolequebofälönö, camiyä nija a da dodobojolu. Yalo bä ö̦shö dodobou lä cuaaö wejeinaja, wa dodobou cuo mö feduobä —a nowa tama.

1 Reyes 17:12

Abenaja a suwä cuma. —Nii löbö ya taboimi. Ya jolemoimi. Jeobaa a malä cule, Isaeli wama ecö lija a lä bufiblamou wei a lä cui. Liyä ya ji̦bä wi̦isibö shi̦lo didibou, dabö dabö wiisibö ya ubä ca̦i besibou. Ö̦jö waiquiwä. Ö̦jö ya tä wai löbömabä, fii ya fibä boco jocaö cuaaö lä cule, ijiluyä sho moli yafäcö iyaö co̦obä. Ö̦jö däjä, yafäcö nia ofili bufi mlao —a suwä cuma.

1 Reyes 17:18

Abenaja Elia lija a bufi jalujolanö a suwä cuma. —Cafä Jeobaa wa e lä cuinö, ¿wedi tä nowa ja wale nö li bleaamaö, ijiluyä wa nomamabä? Ya doblou lä mlaono wei tä ja wale bufi nia fa jaducäblamanö, ¿bei wa li waloqueyoluma tawä? —a suwä cuma.

1 Reyes 17:23

Elianö ijilu a maoa fa co̦länö, a yano lä feyacaono wei jamö culanö, a ca̦i i̦toa co̦layofälöma. Yano a jamö a ca̦i fa falönö, bä nöö e lija a demi co̦a co̦maquema. Abenaja e cuma. —Bei. A da mö. Ijilufä a demi co̦wä —e cuma.

1 Reyes 17:9

—Bei. Wa fa jocädalunö, Sidono tä ulufi jamö wa fa alufälönö, Saledateli bä lijamö a bälöa da majöicu. Ö̦jamö wa iyamabä, a suwä lä yamiblaliyono wei a lija ya wa̦ faö waiquioma, ¿ö̦jö tawä? —Jeobaa e cuma.

Lucas 7:11

Tä nö fa dedejedalunö, Naini tä a̦fa shabono lä cuono wei jamö a Jesús juu majöoma. Cama ebä lä nocamabono wei bä ma cui, ai bä bluca lä co̦caono wei bä ma cui, cama nija bä bluca yaua showalayofälöma.

Lucas 7:13

¿Ö̦jö tawä? Bada tänö a suwä fa dalalönö, a nofi ojodadalema. Abinaja e cuma. —Ami. A ö̦cö dijä.

Lucas 8:42

Cama bä tää moli e lä cui, e fa jalililalunö e nomaö ajedeoma. Lasha jai 12 a faa waiquimalema, a moco cuoma. Jailo nija Jesús a fa nocalofälönö, täbä mashicou fe fa balojoonö a bacäjamamaje.

Lucas 8:52

¿Ö̦jö tawä? Bä ö̦cöö waiquioma. A nomöa bluca bomaje. Ö̦jö ma cui, abinaja Jesúsnö bä nowa tama. —Bä ö̦cö dijä. Wama a moco nomöa lä bole a nomaö cadidio malä mlai. A mia bädaa lä cule —bä nowa tama.

Juan 11:19

ö̦jamö culanö judio bluca bä juimama, bä a̦iyobö e ja, Marta, María cäcöbö a̦ nofi ojode tabeje.

Hechos 9:39

Inaja cäcöbö cuu ja, Pedro a yaua showalayofälöma. Ö̦jamö lä a ca̦i fa waloböicunö, a yano lä feyacale jamö a ca̦i duböa showabefälöma. Ö̦jamö lä Pedro a lä ublale jamö, bä suwä ö̦cöö ca̦i ajedeblaliyoma, bä lä yamiblaliyono wei bä suwä bluca lä cui. Bä didimabobä, Docanö camishi ebä lä diyälaleno wei ebä ca̦i yocoamaje. ¿Ö̦jö tawä? Bä lä feyacabono wejei bä ma cui, bä lä u̦eshibono wejei bä ma cui, bä ca̦i cuo showao däjä, bä bluca diyälalema.

Hechos 9:41

Ö̦jö däjä, Pedronö boco fa dälönö, a ublamafälöma. Yai Bada ebä nacaa fa co̦alalönö, bä suwä lä yamiblono wei bä ca̦i nacaa fa co̦alalönö, ö̦jö bä nija Doca a demi daa co̦malalema.

Santiago 1:27

Yai Bada bäma a nofi lä Fö̦ömale a lä cuinö bämalecö dodijaö dablabä, abinaja bämacö nia yai cuaaö. Ijilu wajadi bä lä cui bäma bä nofi nia tabou. Suwä bä lä feiblou wei bä ca̦i. Bä nö bleaaö cudeenö bäma bä nia bayeliblaö. ¿Ö̦jö tawä? Yanowamö täbä showadi lä cuaaö wei tä ja, bämacö nia ca̦i yädäbloimi. Inaja bämacö yai cuaaö ja, Yai Bada tänö bämalecö nia shino yai dodijaö dablaö.