Lucas 7:10 - Biblia Yanowamö

¹⁰ Ö̦jö däjä, bada anö bä lä shömöleno wei bä co̦a showalayoma. Bä fa co̦bonö, bada a nosie juamobä e lä jaliliono wei a lä cui, a demi dalalejelomaje.

Lucas 7:10 Iomraidhean Croise

Mateo 15:28

Ö̦jö däjä, abinaja Jesús e cuma. —Ja̦o. ¡Bejedi lä wale nofi yai mölabou! Ö̦jö cudeenö, bäfä bayeliblaö weicätä, wa lä cufenaja showawä —e cuma. Ö̦jö däjä, lobe bä tää e jaloa showadalayoma.

Mateo 8:13

Ö̦jö däjä, sodado bä ca̦i lä cuono wei a lä cui nija, abinaja Jesús a cuu nomöjöoma. —A da co̦lufälö. Wale nofi mölaboma yalo, wa wa̦ juamobä a lä cui, a jaloa waiquilayoma —a cuma. Ö̦jö lä däjä showadawä a jalolayoma.

Marcos 9:23

Abinaja Jesús e cuma. —¿Wedi tabä “Wamalecö bayeliblaö dao ja”, bei wale nowa li taö dicoa cule? Yai Bada a bejedi bufibouje ja, tä bluca tamou malä dao wei —e cuma.

Lucas 7:11

Tä nö fa dedejedalunö, Naini tä a̦fa shabono lä cuono wei jamö a Jesús juu majöoma. Cama ebä lä nocamabono wei bä ma cui, ai bä bluca lä co̦caono wei bä ma cui, cama nija bä bluca yaua showalayofälöma.

Lucas 7:9

Ö̦jö bä a̦ ja, sodado 100 bä ca̦i lä cuono wei a nija, ¡bejedi lä Jesús a bufi doblaloma! A mö fa yabadalunö, bä bluca lä nocaono wei bä nija abinaja a cuma. —Cafä bämacö nowa taö lä cule —a cuma—. Quiji Lomateli a lä cuinö wale nofi mölabou lä culenaja, Isaeli wama ecö nija, moli ma cui ya dablaö bädaami —a cuma.