Lucas 6:6 - Biblia Yanowamö

⁶ Täbä nia lä yanöcöono wei ai tä mö jalu sábado ja, judio bä yododabä yafi jamö Jesús a lucäa fa co̦lunö, bä yömölama. Bä yömölaö däjä, imicö lä cofeono wei a cuoma. ¿Ö̦jö tawä? Jayu boco jamö imicö lä cui, imicö cofeoma.

Lucas 6:6 Iomraidhean Croise

Mateo 4:23

Calilea jamö Jesús a juu cuaalanö, judio bä yododabä yafi bä jamö, täbä yömölaö cuaama. Yai Badanö cama ebä ca̦i nia lä cuo wei tä a̦ dodijidawä wäyäö cuaafälöma. Bluca tä wayu shomitawänö täbä lä jaliliono wei, täbä bluca jalomaö cuaama. Täbä lä wa̦lidiono wei bä ca̦i.

Lucas 13:10

Judio bä yododabä ai a yafi jamö, täbä nia lä yanöcöo wei tä mö sábado jalu ja, Jesúsnö Yai Bada etä a̦ ja bä damama.

Lucas 14:3

Moisesi tä a̦ yai lä daö wejei bä lä cui, Jesúsnö bä wa̦lima, faliseo bä bada ca̦i. Abinaja a cuma. —Moisesi esibä oni jamö, ¿wedinaja tä a̦ oni cuu? Täbä yanöcöobä tä mö jalu jamö, ¿täbä jalomaö wasöö daanö? Ma, ¿täbä wasöimi tawä? —a cuma.

Lucas 4:16

Ö̦jö däjä, Nasale jamö Jesús a co̦layoma, a oshe lä cuono wei jamö. Ö̦jamö lä judio bä yododabä yafi jamö a lucälayoma, showadi a lä cuaano weinaja showawä. Täbä nia lä yanöcöono wei tä mö jalu sábado cuoma. Ö̦jamö, wawädowä tä a̦ oni nia fa doanö, a ublalayoma.

Lucas 4:31

Ö̦jö däjä, Cabenaoteli bä shabonobö jamö Jesús a cua nomöjölayofälöma, Calilea tä ulifi jamö. Täbä yanöcöobä tä mö jalu sábado lä cui ja, bä damama.

Lucas 6:1

Täbä nia lä yanöcöono wei ai tä mö jalu sábado ja, ficali ca jamö Jesúsnö cama ebä ca̦i jayuafälöö däjä, cama ebä lä nocamabono wei bänö mobä jucäa jayulalefälömaje. Mobä fa juducafälöjenö, lo̦shi mobä waö cuaafälömaje.

Lucas 6:5

Ö̦jö däjä, abinaja e cuma. —Täbä yanöcöobä tä mö jalu jamö täbä nia lä cuaaö wei tä ma cui ja, täbä nia cuaaö lä mlai tä ma cui ja, camiyä ya wa̦ fabä ei Bada ya waiquiwä, ya lä yanowamöblaleyoluno wei ya lä cui —a cuma.

Juan 5:3

Ö̦jö bä yano jamö, bä lä wa̦lidii bä bluca blaoma. Ai bä jubäböoma, ai bä mata wa̦lidioma, ai bä ya̦toliböoma.

Juan 9:16

Faliseo ai bä bada lä cui, abinaja bä cuma. —Ma. Ei a lä jalomalöfe, Yai Bada tänö a shömanomi. Täbä yanöcöobä, tä mö jalu nofi cadidibou malä mlai —bä cuma. Ö̦jö ma cui, abinaja ai bä cuu mö feduoma. —Wa̦lidiwä talewä a cuo fa cunoja, tä nö lä quilijii tä lä wawämafenaja, a nö cuaaö fe balojoobö mlai —bä cuu mö feduoma. Einaja bä bluca cuu majöadalou ja, bä bufi shedequeblaliyoma.