Lucas 6:2 - Biblia Yanowamö

² Ö̦jö ma cui, inaja bä cuaama yalo, faliseo ai bä bada lä cui, abinaja bä cuma. —Täbä yanöcöobä tä mö jalu ja, inaja wamacö cuaaö mlaobä tä a̦ ma läle ma cui, ¿wedi tabä inaja wamacö li cuaaö fe yadio? —bä cuma.

Lucas 6:2 Iomraidhean Croise

Éxodo 31:15

Wamacö ojodamou showao däjä, 6 wama tä nia didi tablamaö. Ö̦jö däjä, wamacö yanöcöobä tä mö jalu lä cublou wei däjä, wamacö ojodamou mlai ja, wamacö nia yanöcöo. “Jeobaanö ei tä mö jalu yaimabou lä cule”, wama tä nofi nia jalu tabou. Wamacö yanöcöobä tä mö jalu sábado ja, ai a ojodamou fe yadio ja, a nia nomamaöje.

Éxodo 35:2

Wamacö ojodamou showao däjä, 6 wama tä didi nia tablamaö. Ö̦jö tä fena ja, sábado däjä wamacö ojodamou mlai wamacö nia yanöcöo. Jeobaanö tä mö jalu lä yaimabole, “Ei tä mö li jalu”, wama tä nofi nia jalu tabou. Wamacö yanöcöobä tä mö jalu ja, ai a ojodamou fe yadio ja, a nia nomamaöje.

Mateo 12:2

Ö̦jö ma cui, faliseo bä bada lä cuinö, ö̦jö bä fa dalalöjenö abinaja Jesús nija bä cuma. —Quiji afä wabä lä nocamabole, bä da mö. Täbä yanöcöobä tä mö jalu ja, inaja bä cuaaö mlaobä tä a̦ ma läle ma cui, bä cuaaö fe yadio —bä cuma.

Mateo 15:2

—Judio bämacö nö badabö lä cuaano wei, bäma bä owäbou nodiablalaö showaobä tä ma cule ma cui, ¿wedi tabä afä wa bä lä nocamabole bä lä cui, inaja bei bä li cuaaimi dicowä? Bä imicö ya̦lömou mlai ja, bei bä li iyaö dicoo —ebä cuma.

Marcos 2:24

Ö̦jö däjä, faliseo bä bada lä cui, abinaja Jesús nija bä cuma. —Afä wa bä lä nocamabole, quiji bä da mö. Täbä yanöcöobä tä mö jalu ja, inaja bä cuaaö mlaobä tä a̦ ma läle ma cui, ¿wedi tabä inaja bä li cuaaö fe yadio? —bä cuma.

Lucas 5:33

Abinaja Jesús nija bä cuma. —Juan a lä cuinö bä lä nocamabole bä iyaö wasöo si ijejewä, bä iyaö yabäcou mlai ja, Yai Bada nija bä nö bayeli nacaodibä. Faliseo bä bada nija bä lä nocao wei bä ma cui, inaja showawä ö̦jö bä ca̦i cuaaö mö feduo talei. Ö̦jö ma cui, afä bä ca̦i iyaö wasöomi dicowä —bä cuma.

Juan 5:16

Täbä yanöcöobä tä mö jalu jamö Jesúsnö a jalomalema yalo, judio bada bänö a bäyäblabeje a nabä jumaje.