Lucas 6:12 - Biblia Yanowamö

¹² Tä nö fa dedejedalunö, a nö bayeli nacaobä, jefu a jamö Jesús a dolequebefälöma. Yai Bada nija a wa̦ faö fe jaluma.

Lucas 6:12 Iomraidhean Croise

Mateo 5:1

Bluca täbä co̦camou fa dalalönö, jefu tä balöcö jamö Jesús a dolequebefälöma. Ö̦jamö lä a lä lole jamö, cama ebä lä nocamabono wei bä loo ajededou showalayoma.

Mateo 6:6

Ma, Yai Bada nija wa nö bayeli nacao bufio ja, afä yano jamö wa fa lucälönö, wa yoca fa lacönö, Faafä nija a wa̦ faö da ja̦too. Wa wa̦ faö ma ja̦too wei ma cui, Faafä a lä culadinö wa wa̦ ji̦liaö fe yadio wä, wa dobäbä.

Marcos 1:35

Tä mö didi sublao showao däjä, Jesús a jocäblou fa jalulonö, täbä bälöa lä mlale jamö a aa fe jalulayoma. Ö̦jamö Yai Bada nija a wa̦ fama.

Marcos 3:13

Ö̦jö däjä, jefu a jamö Jesús a dolequea fa balöbofälönö, cama ebä lä bufino wei bä nacalema. Bä fa nacalänö, cama nija bä waloa jebejelayoma.

Marcos 6:46

Täbä shömöa fa co̦abodunö, jefu a balöcö jamö Jesús a dolequea jäbefälöma, Yai Bada nija a wa̦ fabä.

Lucas 5:16

Ö̦jö ma cui, ulifi bloque jamö Jesús a fa jublaanö, Yai Bada nija a nö bayeli nacaodima.

Lucas 6:11

Ö̦jö ma cui, judio bä bada jushuo dodijioma. Jesús a nia lä taamano wejei tä ja, bä a̦ wayou showadaoma.

Lucas 6:17

Tä fe yalöobä ja, Jesúsinö ö̦jö bä ca̦i dimöbaliyoma. Ö̦jamö, cama nija bä lä nocaono wei bä ca̦i bluca cuoma. Jelusaleteli bä ma cui, Judea jamö bä bluca lä bälöblaono wei bä ma cui, ö̦jö bä bluca ca̦i co̦cao mö feduoma. Diloteli bä ma cui, Sidonoteli bä ma cui, ö̦jö bä ca̦i bluca cuoma, modu u casö jamö bä lä bälöono wei bä lä cui. Jesús a wa̦ nia fa ji̦liajenö, bä lä jaliliono wei bä ca̦i nia fa jalomamonö, bä bluca co̦camolayoyoluma.

Lucas 9:18

Ai däjä, Yai Bada nija Jesús a no bayeli nacao däjä, cama ebä lä nocamabono wei ebä ca̦i yami culanö, bä wa̦lima. —¿Wedinaja bei wale nofi jo̦wa yai li tabou dodijiaje? Camiyä ¿wedi bei ya jo̦wa?

Lucas 9:28

Ö̦jö tä a̦ wäyäö fa balöonö, jai 8 tä mö didi cublou fa co̦lonö, Jesúsnö cama ai ebä nacalema. Pedro, Juan, Santiago bä fa nacalänö, jefu a jamö bä ca̦i dolequebefälöma, Yai Bada nija a nö bayeli nacaojolayobä.

Lucas 9:29

A nö bayeli nacao däjä, Jesús wäyäcu mömou shomiblaliyoma. Camishi ecö ma cui, ecö shi̦i ca̦i wacalamiblaliyoma.

Juan 6:3

¿Ö̦jö tawä? Jefu a balöcö jamö, Jesúsnö bä lä nocamabono wei bä ca̦i fa dolequebofälönö, bä ca̦i lobejelayoma.

Colosenses 4:2

Yai Bada lija showadi bä da naco. Wamacö a̦ faö mojiblou mlaobä, bä ca̦i da moyaweicu. Bä bufi a̦fa ca̦i doblalou da wäyämo.

Hebreos 5:7

Eja Jesús yanowamö showawä a cuo däjä, Yai Bada lija a nö bayeli nacaoma. A nomaö mlaobä, a noshi umlabou lä dao wei a lä cui lija a ö̦cölanö a wa̦ i̦cali fama. Yai Bada tä nö quili tama yalo, a wa̦ ji̦limolayoma.