Lucas 6:11 - Biblia Yanowamö

¹¹ Ö̦jö ma cui, judio bä bada jushuo dodijioma. Jesús a nia lä taamano wejei tä ja, bä a̦ wayou showadaoma.

Lucas 6:11 Iomraidhean Croise

Mateo 16:7

Jesús a wa̦ ja bä bufi wedinajamolanö, abinaja bä nowa tayoma. —Nii bäma bä ca̦i juu fa mlacunö, nii bä lä juluu wei tä a̦fa taö —bä nowa tayoma.

Mateo 21:45

Jesúsnö shominaja tä a̦ wäyäö yacläablalou ja, bada bänö a wa̦ ji̦liamaje. ¿Ö̦jö tawä? Nofi bäyäalewä bä blowäjäwä ma cui, faliseo bä ca̦i bada ma cui, Jesús a wa̦ ja bä jushudaliyoma. Cama bä a̦fa yai lä wäyämono wei, tä daö showaomaje.

Lucas 4:28

Shomi täbä bayeliblamou lä ayaono wei tä a̦ fa ji̦liläjenö, judio bä yododabä yafi jamö bä lä cuono wei bä bluca jushudou fe balojolayoma. Bä asi asimoma.

Lucas 6:10

Ö̦jö däjä, Jesúsnö täbä bluca möö shoqueaö fa cuaanö, imicö lä cofeono wei a nija abinaja e cuma. —Boco da dodoiquiyo —a cuma. Boco fa dododalunö, imicö cushäshäblou showadalayoma.

Lucas 6:12

Tä nö fa dedejedalunö, a nö bayeli nacaobä, jefu a jamö Jesús a dolequebefälöma. Yai Bada nija a wa̦ faö fe jaluma.

Juan 11:47

Ö̦jö cudeenö, nofi bäyäalewä blowäjäwä bä lä cuinö, faliseo bä mö ca̦i feduwä lä cuinö, bada bä yododoblamalemaje, bä a̦ wayobä. Abinaja bä nowa tayoma. —¿Wedinaja bämacö yai cuaabä, ö̦jö lä? Yai Bada e nö nia fa ö̦jöböamonö, quiji a lä cuinö, tä nö lä quilijii bluca tä wawämadii.

Juan 7:1

Ö̦jö tä cublou waiquilayono wei ja, Calilea jamö Jesús a juu cuaama. Judio bänö a shäö bufi doblao waiquiomaje cudeenö, Judea jamö a juu bufionomi.

Hechos 26:11

Judio bä yododabä yafi bä jamö, bluca ya bä nö bleaamaö cuaama. Jesucristo a nofi lä mölabono wejei ya tä joyamaö bufii ja, ya wa̦ fe blacäjoma. Ya jushuo fa dodijionö, shomiteli bä shabonobö jamö ma cui, ya bä nö blajawä bleaamaö cuaaö fe yadioma —Pablo a cuma.

Hechos 4:15

Ö̦jö däjä, sibo jamö cäcöbö ca̦i famaö fa bufijenö, bä lä yododoono wei jamö, bada bä a̦ bluca wayou juoma.

Hechos 4:19

Cäcöbö ma wasöno wejei ma cui, Pedro, Juan sho cäcöbö a̦ juo ja, abinaja cäcöbö cuma. —¿Wedi jamö tä lä cui tä yai dodijidawä, ö̦jö lä? Yai Bada etä a̦ yai ji̦limamou mlai ja, cafä wamacö lä cuu wei, ¿ö̦jö tä a̦ shino yai juamamobä daanö? ¿Wedinaja cafä wamacö bufi li cuu? Ma, cafä wamacö a̦ nia yai juamamoimi.

Hechos 5:33

Inaja bä cuma yalo, bä bada jushudou fe fa balojolonö, bä shäö bufi doblaomaje.

Hechos 7:54

¿Ö̦jö tawä? Esteban a wa̦ fa ji̦liläjenö, bä jushudou fe fa balojolonö, bä asi asimou showadaoma.

2 Timoteo 3:9

Ö̦jö ma cui, ö̦jö bä lija täbä nia mölaö nö dedeaimi. Bä lä jolemou wei tä lä cui, bluca täbä lija etä nia wawädoblou. Moisesi däjä ö̦jö cäcöbä jolemou lä damolaliyono weinaja showawä.