Lucas 5:6 - Biblia Yanowamö

⁶ Jesús a lä cuno weinaja bä fa cuaanö, walalawä täbä jamö bä yuli bluca fa ya̦calöjenö, yuli bä judenö täbä jädödou nö quiliama. Täbä jädödou waiquia ja,

Lucas 5:6 Iomraidhean Croise

Lucas 5:7

ai a canawä jamö, cama ai ebä befi ca̦i caläö mö lä feduono wei bä nacalemaje, bä bayeliblabeje. Ö̦jö bä befi ca̦i fa waloiquiyonö, yuli bä ja, cäcöbö fe canawä lajoblaö bolacaa showalayomaje. Cäcöbö fe canawä lajoblaö fe fa balojolojenö, yuli bä judenö cäcöbö fe mini canawä ojobaliyoma.

Hechos 2:41

Ö̦jö cudeenö, Pedro a wa̦ fa ji̦liläjenö, tä a̦ dädaö lä showalayono wejei bä lä cui, bä fe bluca fa ojoblamolunö, Jesucristo ebä nija bä yädäblou showadalayoma. Bä lä yädäblaliyono wei bä lä cui, jai 3.000 bä cuoma.

Hechos 4:4

Ö̦jö ma cui, Pedro, Juan sho cäcöbö nija tä a̦ lä ji̦lileno wejei ai bä bluca mö feduwä lä cuinö tä a̦ bejedi bufiblaö fa showadalojenö, Jesucristo ebä bluca cublaliyoma. Ö̦jö däjä, Jesucristo ebä lä cui, jai 5.000 bä wa̦lo cublou majölayoma.

1 Corintios 15:58

Ö̦jö cudeenö, iba bämacö lä nofimaö wei wamacö, bä bufi da lofotoicu. Wamacö mojiblou mlai, Yai Bada lija wamacö yai ojodamou balafälöbä. Bada tä lä culadi tä lija wamacö ojodamou ja, wamacö nö nia bleaaö malä mlai.

Gálatas 6:9

Dodijidawä tä ja bämacö bufi modablao mlai. Dodijidawä bäma tä lä taö wei bämacönö, dodijidawä bäma tä nia co̦aö mö yabao co̦o malä cui.