Lucas 5:3 - Biblia Yanowamö

³ Simón canawä e ja, Jesús a fa i̦jilaicunö, a jiluludamaö bufima, yawäläwä a culanö bä yömölabä. Ö̦jö däjä, canawä a jamö a döcälanö bä damama.

Lucas 5:3 Iomraidhean Croise

Mateo 4:18

Modu Calilea u casö jamö Jesús a diquecou cuaafälölanö, Simón a dalalema, bä fääshä Andrés e ca̦i. Ö̦jö a Simón lä cui, Pedro a wa̦fa ca̦i cua. Yuli bä lä ya̦camou wei täcö walalawä queamaböö däjä, cäcöbö dalalema. ¿Ö̦jö tawä? Yuli ya̦calewä cäcöbö cuoma.

Marcos 3:10

Bluca täbä jaloa waiquimalalema yalo, ai bä bluca jalili lä cuinö tä mashiquiblamaleyolumaje. Bä bayeliblamobä, a jubaö bufi doblaomaje.

Marcos 3:9

Täbä bluca shulilobä jamö a bacäjou mlaobä, bä lä nocamabono wei bä nija, modu u casö jamö canawä a ca̦amaö bufima, ö̦jamö culanö bä yömölabä.

Lucas 5:2

Ö̦jö däjä, mau u casö jamö, canawä bolacabö cäcöbö ca̦a dalalema. Yuli bä lä ya̦caö wejei bä fa itoblalunö, ya̦camodima täbä walalawä yaluu bayäcäomaje.

Juan 8:2

Tä mö jaluaimaö däjä, Yai Bada etä yafi jamö Jesús a jua fenaa fa co̦lunö, ö̦jö nija bluca täbä co̦camou fenao co̦oyoluma. A fa loicunö, tä a̦ wäyäö co̦oma.