Lucas 5:22 - Biblia Yanowamö

²² Bä bufi cuu lä ja̦toono wei, Jesúsnö bä daö fa showadaonö, a wa̦ fama. —¿Wedi tä tabä wamacö bufi li jö̦öjömou dicoa cube?

Lucas 5:22 Iomraidhean Croise

Mateo 12:15

Jesús a nofi lä washuaö wejei tä daö fa waiquionö, shomi jamö a aa majölayofälöma. Cama nija bluca bä nocao fa showaofälönö, bä bluca jalomama.

Mateo 12:25

Bä bufi lä cuno wei tä daö waiquioma yalo, abinaja Jesús a cuma. —Bä bälöa lä yaile bä nofi wa̦liayou däjä, bä nia bälöo dobloimi majöo. Cama bä shabonobö jamö bä lä cule bä ma cui, cama bä mashi ma cui, inaja showawä. Bä nofi wa̦liayou däjä, bä nia bälöo lojodoo majöomi.

Mateo 9:4

Bä bufi cuu lä ja̦toono wei, Jesúsnö bä daö fa showadaonö, a wa̦ fama. —¿Wedi tä tabä, wa̦lidiwä tä ja wamacö bufi li cuaablalou dicoo?

Marcos 8:17

Bä bufi lä cuno wei tä daö waiquioma yalo, abinaja Jesús a cuma. —¿Wedi tabä “Nii bäma bä tabou lä mlai, tä a̦fa li wayoaö”, wamacö nowa li tayou dicoblaa cule? ¿Bei wamacö bufi ca̦i möbloimi showawä? ¿Bei wamacö bufi jaducudaloimi? ¿Wamacö bufi jifuwä showawä dicoo daanö?

Lucas 24:38

Abinaja bä nowa taö majöoma. —Bä bufi wedinajamo dijä. ¿Wedi tabä wamacö bufi li jaducubloimi?

Lucas 5:21

Moisesi tä a̦ ja täbä lä damaö wejei bä ma cui, faliseo bä ca̦i bada ma cui, bä bufi bluca jö̦öjömoma. Abinaja bä bufi cudaliyoma. “¿Ei wedi a wa̦ bashiwä? Yai Bada a nö waiblaö lä cule. Täbä doblou lä mlai, Yai Bada tänö etä nowa shino mladamaö dao, yanowamö a bashiwänö mlai”, bä bufi cudaliyoma.

Lucas 5:23

Ei a lä cui, camiyä bei ya wa̦nö ya jalomaö lä dalenaja, inaja showawä ya etä nowa ca̦i mladamaö si ijejewä cuwä. Ya nowa tabä ya waiquiwä malä cui, a fa jocädalunö a co̦jamöö co̦obä. ¿Ö̦jö tawä?

Hechos 5:3

Ö̦jö ma cui, abinaja Pedronö a nowa tama. —Anania. ¿Wedi tä tabä fecula bada a Sadanasi nija bei wa bufi li lulumoa dicolayoma? ¿Wedi tabä Yai Bada a Bufi nija wa li jolemolayoma? Afä ficali wa täca lä nomöjöqueno wei täca nowa ja, wa bä blada lä däleno wei, wa bä mashi tabou malä showale.

Hebreos 4:12

Yai Bada tä a̦ malä cule. Tä a̦ lofote. Sibala bä ma namo wei ma cui, Yai Bada bei tä a̦ yai lucäö si ijejewä yaiwä. Bei täbä bufi yai wawäblamaö. Bä nia lä cuaaö wei tä ma cui, bä bufi cuaablalou lä ja̦too wei tä ma cui, wawädowä etä dablamaö.

Apocalipsis 2:23

Ö̦jö a suwä lä cui, bä ijilubö ya ebä nia shäö showadao, a wa̦ suwä lä juaö wejei bä lä cui, iba bä lä yododoblai bä bufi yai jaducublobä. Bä bufi lä cuaablalou wei ma cui ya tä daö. Bä bufi lä waiyou wei tä ca̦i. Bä lä cuaaö wei tä nowa lä cudalenaja ya tä nowa nia bluca co̦aö cuo.