Lucas 5:21 - Biblia Yanowamö

²¹ Moisesi tä a̦ ja täbä lä damaö wejei bä ma cui, faliseo bä ca̦i bada ma cui, bä bufi bluca jö̦öjömoma. Abinaja bä bufi cudaliyoma. “¿Ei wedi a wa̦ bashiwä? Yai Bada a nö waiblaö lä cule. Täbä doblou lä mlai, Yai Bada tänö etä nowa shino mladamaö dao, yanowamö a bashiwänö mlai”, bä bufi cudaliyoma.

Lucas 5:21 Iomraidhean Croise

Mateo 26:65

Ö̦jö a wa̦ ja, nofi bäyäalewä bada a lä cui, a nö wa̦lowä jushudaliyoma yalo, a camishibö cacablamolayoma. Abinaja bä nowa bluca tama. —¿Ö̦jö tawä? Yai Bada a nö waiblaö lä cufe. ¿Wedi tä tabä ai bäma bä a̦ li ji̦liaa co̦lei? Yai Bada a nö lä waiblafe, fei däjä wama a wa̦ ji̦liaa waiquilei lä cufe. Yanowamö a ma cui, ¡Yai Bada a wa̦fa jilou!

Mateo 9:3

Moisesi etä a̦ ja bä lä damaö wejei ai bä lä cui, abinaja ebä bufi cudaliyoma. “Feinö Yai Bada a nö waiblaö lä cule”, bä bufi cudaliyoma.

Lucas 3:8

Wamacö bufi lädou dablamobä, bä bejedimou da wawädoo, ö̦jö lä. “Ablaamö nodiwä yama ecö li cudeenö, yamacö doblou fe yadio weicätä”, bä nofi ca̦i tamamou dicoo dijä. Ö̦jö tä nowa cuami. Bämacö nowa malä tale. Yai Bada tänö Ablaamö ebä nodiwä tabou bufi doblao fa cunoja, fei maa mabä ma cui ja, bä nö tablamalebö wei.

Lucas 5:17

Ai däjä, Jesúsnö täbä damaö däjä, faliseo bä bada loo coyocoblamoma, Moisesi tä a̦ ja täbä lä damaö wejei bä ca̦i. Calilea jamö ma cui, Judea jamö ma cui, Jelusale jamö ma cui, ö̦jamö bä culanö bä bada waloqueyoluma. Jalili bä jalomabä, Bada tänö Jesús a nö wa̦lojomaboma.

Lucas 5:22

Bä bufi cuu lä ja̦toono wei, Jesúsnö bä daö fa showadaonö, a wa̦ fama. —¿Wedi tä tabä wamacö bufi li jö̦öjömou dicoa cube?

Lucas 7:49

Ö̦jö däjä, bä iyabä jamö bä ca̦i lä jilaono wei, abinaja bä nowa tayoma. —¿Wedinaja cama a nofi li tamamou dicoa cule? Bä doblou lä mlai, ¿camanö bei tä nowa nia mladamaö daanö?

Juan 10:33

Abinaja bä cuma. —Wa tä dodijidawä lä wawämaleno wei tä nowa ja mlai, Yai Bada wa tä nö lä waiblaö wei tä nowa ja, bäfä nia yai shäyäö. Yanowamö wa mö feduwä ma cui, cafä Yai Bada wa wa̦fa jilou nofi jushuaö cudeenö, wa nia shäyämou —bä cuma.

Romanos 8:33

Cama bäma ecö lä yaile, jai bämacö dodijidawä waiquiwä, cama Yai Bada tänö bämalecö nofi tabou waiquia ja lä, ¿wedinö bämalecö a̦fa nia li taö majöo?