Lucas 5:18 - Biblia Yanowamö

¹⁸ Ö̦jö däjä, a lä ya̦toliböono wei a befi ca̦i cadömaboimamaje. Jesús nija a befi ca̦i blaabeje, yafi jamö a ca̦i nia fa fajenö, a ca̦i icuquema ma cujei,

Lucas 5:18 Iomraidhean Croise

Mateo 4:24

Inaja a cuaaö cudeenö, Silia jamö a wa̦fa ji̦liaö blaucou cuaamaje. A wa̦fa ji̦lilemaje yalo, bä jalili bluca ca̦i waloblaamaje. Bluca tä wayu shomitawänö täbä lä jaliliono wei bä ma cui, bä nö ninili lä bleaano wei bä ma cui, ö̦jö bä bluca jalomalalema. Bä lä feculaböono wei bä ma cui, bä ca̦i cofibö lä cashäshäoblono wei bä ma cui, bä lä ya̦toliböono wei bä ma cui, ö̦jö bä bluca ca̦i jaloa showamalalema.

Lucas 5:24

Camiyä ya lä yanowamöblaleyoluno wei ya lä cui, eja bita jamö ya lä cule däjä, bä doblou lä mlai ya etä nowa mladamabä ya waiquiwä. Wama tä möbä, ö̦jö lä —a cuma. Einaja a fa cunö, a wa̦ wawäa showaquema, a lä ya̦toliböono wei nija. —Bei. Cafä nija abinaja ya cuu. A da ubladalu. Wa lä maquele wa täcö fa jocälänö, täcö ca̦i co̦jamö da co̦o —a cuma.

Hechos 9:33

Ö̦jamö Eneasi a jalili dalalema. A ya̦toliböoma. A jalili blao showao däjä, lasha 8 a faa waiquimalema.