Lucas 5:13 - Biblia Yanowamö

¹³ Jesús boco fa dododalunö, a jubädalema. Abinaja e cuma. —Ya ojode lä. A da jalolu, ö̦jö lä, wa dodijidablou co̦obä —e cuma. Sicö lä jodeono wei etä wayu mladou showadalayoma.

Lucas 5:13 Iomraidhean Croise

Génesis 1:3

Ö̦jö däjä, Yai Bada a wa̦ falayoma. —Bei. Tä da wacacablalu —a fa cunö, tä wacacablaliyoma.

Génesis 1:9

Ö̦jö tä fena ja, Yai Bada a wa̦ faö co̦oma. —Bei. Bäfätä jamö wa u lä cui, ubä da co̦camolu, ulifi wejediwä tä wawäblobä —a cuma. Inaja lä tä cublou showadalayoma.

2 Reyes 5:10

Ö̦jö däjä Eliseo a wa̦no wäyäö mö baobä e shimöa mö baquema. Abenaja e nowa taö mö baoma. —Jodana u jamö wa fa dimöbalöfälönö, 7 a ya̦lömou da cublalu. Inaja wa cuaaö ja, wa ya̦jicö nia dodijidablou co̦o. Wa sicö lä jotemale tä wayu nia mlaaö —e cuma.

2 Reyes 5:14

Inaja bä cuu ja, Jodana u jamö a dimöa showabaliyofälöma. Ö̦jö u jamö, 7 a fe ojoblou cublaliyoma, Jeobaa e a̦ faö ja, a lä cuno weinaja showawä. Inaja a fa cublalunö, ijilu oshe bä sicö lä culenaja, sicö cublou showadalayoma. A dodijidablou co̦layoma.

Mateo 8:3

Jesús boco fa dododalunö, a jubädalema. Abinaja e cuma. —Ya ojode lä. A da jalolu, ö̦jö lä, wa dodijidablou co̦obä —e cuma. Täbä sicö lä jodemaö wei etä wayu mladou fa showadalonö, a dodijidablou co̦layoma.

Lucas 4:39

Ö̦jö cudeenö, a jalili blaobä ja a fa jo̦toiquiyonö, a lä yoblaono wei etä wasölema. Etä fa wasölönö, etä mladou showadalayoma. Ö̦jö däjä, a suwä jocädou fa co̦lonö, bä fama iyaa showadamalema.

Lucas 5:12

Ai täbä shabonobö jamö Jesús a cuo däjä, täbä sicö lä jodemaö wei tä wayunö a nö lä bleaano wei a jalili waloquema. Sicö bluca jodeoma. Jesús a fa dalaliyonö, mashita jamö a möfe deialiyoma. A möfe deilanö, a nofi nia ojode fa tablamonö, a wa̦ fama. —Bada tä. Wale bayeliblaö ojode ja, wale jalomaö dao, ya dodijidablou co̦obä —a cuma.

Lucas 5:14

Ö̦jö däjä, a wa̦ nö wäo wasöö showaoma. —Ei bäfä lä jalomalöfe, yanowamö täbä nija wa tä a̦fa nia wäaimi. Nofi bäyäalewä nija a yai da mömodu. Wa dodijidablou lä co̦lufe tä nowa ja, Moisesinö tä jöböamaö lä bufino wei etä da dodobodu. Inaja wa cuaaö ja, bluca täbä nija wa demi nia dablamou wawädoo —a cuma.