Lucas 5:11 - Biblia Yanowamö

¹¹ Bä befi ca̦i fa washölöicunö, mau u casö jamö, canawä ecöbö shailemaje. Ö̦jö däjä, cama etäbä bluca daa fa showadacöfälöjenö, Jesús nijamö bä yaua showadalayoma.

Lucas 5:11 Iomraidhean Croise

Mateo 10:37

’Wale jo̦wa ma bufii wejei ma cui, bä fö̦ö ebä nija bä bufi mö blucao dicoo ja, bä nöö ebä nija bä bufi mö ca̦i blucao dicoo ja, iba bä cuobä bämi waiquiwä. Bä ijilubö ebä ma cui, bä tää ebä ma cui, inaja showawä. Ö̦jö bä nija bä bufi mö blucao dicoo ja, iba bä nia cuomi.

Mateo 19:27

Ö̦jö däjä, abinaja Pedro a cudaliyoma. —Ö̦jö ma cui, camiyä yamacö lä cuinö, yama täbä bluca lä tabono wei yama täbä fa daacönö, cafä nija yamacö nocaa lä cule. ¿Ö̦jö tawä? ¿Wedi täbä ja, yamacö yai nia li dobämamou nomöjöo? —a cuma.

Mateo 19:29

’Camiyä nija wamacö bufi mö blucao yalo afä wama täbä daaö ja, wamacö nö bleaaö mlaicätä —a cuma—. Wamacö yafibö ma daamamou wei ma cui, wamacö mashi ma damoquei wei ma cui, faafä, naafä wama bä bluca ma daquei wei ma cui, ijilufä wama bä ma daaö wei ma cui, wamacö ulifibö ma daamamole ma cui, ö̦jö lä täbä bluca showawä ja, wamacö nia dobämamou mö yabao co̦o. Afä wama täbä daa lä tacöfenaja bädawä mlai, bluca täbä ja wamacö nia yai dobämamou fe biyäjäo majöo. Wamacö nia ca̦i ba̦limiblamaö.

Mateo 4:20

A wa̦ fa ji̦libölänö, täcö walalawä daböa fa showadacöfälönö, ö̦jö nijamö cäcöbö yaua showadalayoma.

Mateo 4:22

Cäcöbö fa nacalänö, canawä a jamö bä fö̦ö Sebedeo e befi ca̦i daböa fa showadacöfälönö, cäcöbö yaua showalayofälöma.

Marcos 10:21

Jesúsnö a nofimalanö a möö shalilioma. Abinaja a nowa tama. —Ei moli wa tä yai taö fa cunoja, wa nö dodijaö cuquebö wei. Wa täbä bluca lä tabole, blada bä ja wa täbä fa nomöjöacönö, ö̦jö lä bä blada ja, täbä nö jo̦lili lä bleaaö wei täbä da dobälalö. Inaja wa yai cuaaö ja, afä täbä nowa lä bluca wei wa täbä nia tabodayou. Ö̦jö däjä, camiyä nija a nocaa da showadaiquiyo —a nowa tama.

Lucas 5:28

Lewi a ubladou fa showadalonö, täbä bluca daa fa showadacöfälönö, Jesús nija a nocaa showadalayofälöma.