Lucas 4:34 - Biblia Yanowamö

³⁴ —¡Ma! ¡Inaja mlai! Nasaleteli Jesús wa lä cuinö, ¿wedinaja yamalecö nia fa taamanö, bei wa li waloo cuboyoi? ¿Bei yamalecö nabä juu waiquio cufe? Bäfä daö. Yai Bada tänö wa lä yaileno wei wa e —a cuma.

Lucas 4:34 Iomraidhean Croise

Génesis 3:15

’Suwä sho showadi wafäcö nofi wa̦liayobä, bäfäcö tablamaö lä cule. Obi ma cui, suwä bei ijilubö e nodiwä sho, afä a nia lä nodiblou wei a sho, cäcöbö nofi nia wa̦liayou nodiablalou showao. Ya̦cumö suwä a lä cui, bei ijilubö nodiwä e nö nia shino wa̦lojaö ayao. Wa fe nia shäaö. Cafänö bei wa e mamicö shiona nia difequiaö —cäcö nowa tama.

1 Reyes 17:18

Abenaja Elia lija a bufi jalujolanö a suwä cuma. —Cafä Jeobaa wa e lä cuinö, ¿wedi tä nowa ja wale nö li bleaamaö, ijiluyä wa nomamabä? Ya doblou lä mlaono wei tä ja wale bufi nia fa jaducäblamanö, ¿bei wa li waloqueyoluma tawä? —a suwä cuma.

Salmo 16:10

Jeobaa wa lä cuinö, bä lä nomaö wei bä cuobä jamö ya fubä, wale noshi nia ö̦jödabou malä mlai. Camiyä wale lä yaileno wei ya lija ö̦jö wa tä nia dablamaimi.

Mateo 8:29

Jesús nija bä a̦ i̦cali falayoma. —Yai Bada wa Ijilubö lä cuinö, ¿wedinaja yamalecö taamabä, bei wa li waloo cuboyoi? Yamalecö nabä jubä tä cubloimi ma showai, ¿wedi tä tabä yamalecö nö nia bleaamaö dicoa cule? —bä fecula cudaliyoma.

Marcos 1:24

A wa̦ i̦cali fecula fa falönö, a wa̦ quilili läblaliyoma. —¡Ma! Nasaleteli Jesús wa lä cuinö, ¿wedinaja yamalecö nia fa taamanö, bei wa li waloo cuboyoi? ¿Bei yamalecö nabä juu waiquio cufe? Bäfä daö. Yai Bada tänö wa lä yaileno wei wa e —a cuma.

Marcos 1:34

Bluca tä wayu shomitawänö bä nö jalili lä bleaano wei bä jalomalalema. Fecula bä bluca ca̦i yashuu showadaoma. ¿Ö̦jö tawä? A nö ö̦jöböamaje yalo, bä a̦ fablamanomi.

Marcos 5:7

Ö̦jö däjä, a wa̦ i̦cali falayoma. —¡Jesús! Yai Bada a Bada lä ayai wa e Ijilubö lä cuinö, ¿wedinaja wale nia fa taamanö, wale nabä li waloo cuboyoi? ¡Wale nö bleaama dijä! ¡Wale a̦ da ji̦lilä, Yai Bada a malä cule! —a cudaliyoma.

Lucas 1:35

Ö̦jö däjä, abinaja a̦jele e cuma. —Yai Bada tä Bufinö wa fe walou däjä, Yai Bada tä Bada lä ayai tä lojodenö wa nia jo̦yablaö. Ö̦jö cudeenö ijilufä a nia yaio. Yai Bada Ijilubö e a̦fa nia jilamou.

Lucas 4:33

Ö̦jamö lä, judio bä yododabä yafi jamö, a lä feculaböono wei a ca̦i wa̦lo coyocooma. A wa̦ i̦cali fecula fa falönö, a wa̦ quilili läblaliyoma.

Lucas 4:41

Bluca bä nija, fecula bä yashuabodayoma. Bä si̦lalamolanö abinaja bä fecula cudoma. —¡Yai Bada bei Ijilubö wa e! —bä cudoma. Ö̦jö ma cui, bä a̦ wasölema. Yai Bada tänö a shömabä a lä yaileno wei a nö ö̦jöböamaje yalo, bä a̦ fablamanomi.

Lucas 8:28

Jesús a fa dalalönö, a si̦lalamoma. Ö̦jö a cotä ja a möfe boblaquema, a nofi ojode tablamobä. I̦cali a wa̦ faö ja, abinaja e cuma. —¡Jesús! Yai Bada a Bada lä ayai bä Ijilubö wa e lä cui, ¿wedinaja wale nia fa taamanö wale nabä li waloo cuboyoi? ¡Wale a̦ da ji̦lilä! ¡Wale nö bleaamaö showadao dijä! —a cuma.

Lucas 8:37

Ö̦jö däjä, ö̦jamö bä lä bälöblai bä nö quilili bleaama yalo, Jesús a shömöa co̦lemaje. A shömaöje ja, canawä a jamö cama ebä ca̦i döcäcäo co̦baliyoma, bä befi ca̦i caläö co̦ofälöbä.

Hechos 16:39

Bä fa quililalunö, bä icua showadaquema. —Shädayai —bä cuma— “Lomateli bänö ei cäcöbö nofi tabouje”, yamacö bufi cuu fa mlacunö, inaja bäfäcö li taamamaö dicooma —bä cuma. Einaja bä fa cunö, cäcöbö faa fa showadamalöjenö, cäcöbö shömöa co̦lemaje.

Hechos 2:27

Bä lä nomaö wei bä cuobä jamö, wale noshi nia ö̦jödabou malä mlai. Camiyä wale lä yaileno wei ya lä cui, wale sicö nia jodemaimi.

Hechos 3:14

’Yai Bada a wa̦ yai juabä, a ma yaiono wei ma cui, ö̦jö a shino ma bejedimono wei ma cui, wama a wailema. Bilado wama a fa wa̦linö, a lä unocai wei wama a yai shino jujeblamaö bufi doblao dicooma.

Hechos 4:27

Eja, Jelusale jamö bä mada toujablei. Elode a ma cui, Bo̦sio Bilado a ma cui, judio bä lä mlai bä sho, Isaeli nodiwä ebä ca̦i bluca sho, ö̦jö bä bluca co̦cablaliyoma. Afä wa lä yaileno wei a lä cui, ö̦jö Jesús a nabä co̦camoamaje.

Hebreos 2:14

Ö̦jö ijilu bäma ecö lä cui, yanowamö bei bämacö, yai bämacömi. Bämacö ya̦ji cublawä. Bämacö i̦yäbö ca̦i cublawä. Camiyä bämacö lä culenaja a cublou mö feduobä, cama a yanowamöblaleyoluma, camiyä bämacö nomaö lä cuo weinaja a nomaö cuo mö feduoyolubä. Yanowamö a fa cublaliyonö, a lä nomaö wei tänö, fecula bada a nia wa̦liaö showadaoma, täbä yanowamö lä nomamaö wei a bada lä cui.

Santiago 2:19

“Yai Bada a lä cui, yami tä Yai Bada cua ayaa”, wa bufi jo̦wa cuu. Bejedi lä wa wa̦. Ö̦jö wa tä a̦ daö bäa ma cule, ö̦jö tä a̦nö wa nia jucäamoimi. Fecula bä jucäamou malä mlai. Yai Bada a lä cule tä daö ma cujei, bä jucäamou mlai ja, bä shino quilili blösö blösömou bädao.

1 Juan 3:8

Wa̦lidiwä tä lä taö wejei, fecula bada ö̦jö ebä li. Jaba däjä ma cui, ö̦jönö tä wa̦lidiwä taö malä showadaono wei. ¿Ö̦jö tawä? Fecula badanö tä lä taö wei etä wa̦liabä, Yai Bada bei Ijilubö e wawälayoyoluma.

Apocalipsis 20:2

Yaitawä täcö lä cui täcö bada juwäa showadaalema, täcö cuo lä balöono wei täcö lä cui. Fecula Bada täcö a̦fa cua. Sadanasi täcö a̦fa ca̦i jilamou. Täcö fa juwälönö täcö o̦caquema. Täca nö lä quilijibodi jamö täcö quea fa showadamabafälönö, yoca cofiböquema. Yoca caloblaö mlaobeje, etä ca̦i taa mö feduquema. ¿Ö̦jö tawä? Lasha 1.000 a lalou jaöo mlao däjä, täbä bälöblawä lä yaiblai bä mölamaö jaödao co̦o mlaobä, ö̦jamö täcö nia didibou balöoma. Lasha 1.000 a lalou co̦o däjä, a jujeblamobä etä nia cuo ma cui, a nö nia dedejeblamaimi.

Apocalipsis 3:7

Ya tä lä möno wei, abinaja a cuu nomöjöoma. —Filadefia jamö, iba bä lä yododaö wei bä nija a lä läle a lä cui nija, wa etä a̦ ca̦i nia oni shömaö. Camiyä yami ya lä yaile ya. Ya lä bejedimou wei ya. Bada tä David a lojode jömaö ayaobä tä caloblamodima lä cui, camiyänö ya tä tabou nomöjöa lä cule. Camiyänö ya yoca calobou waiquia ja, yoca nia laaimije. Ya yoca labou ja, yoca nia ca̦i caloblaimije. Ö̦jö ya lä cui, wale wa̦no nia oniblaö.