Lucas 4:25 - Biblia Yanowamö

²⁵ Cafä wamacö nija ya bejedimou. Yai Bada a wa̦no wäyälewä Elia a jaba lä bälöono wei däjä, Isaeli nodiwä bä ulifibö ofäo nö quilio fe balojooma. Lasha 3 a lalou ma co̦ono wei ma cui, ai a lalou bäshäcuaaö ma co̦ono wei ma cui, maa a quenomi showawä. Ö̦jamö, suwä bä lä feiblono wei bä bluca ma bälöono wei ma cui,

Lucas 4:25 Iomraidhean Croise

1 Reyes 17:1

Dibeteli Elia a wa̦fa lä cuono wei, Jeobaa a wa̦no wäyälewä a cuoma. Calaada tä ulufi jamö Dibeteli bä li bälöoma. Ö̦jö Elia a lä cui, Acaba a bada lija abenaja a cuma. —Cafä lija ya wa̦ wawädoo da showadao. Ya jolemou mlaicätä. Jeobaa a malä cule, Isaeli yama ecö lija a lä bufiblamou wei a lä cui. Ö̦jö ya nosie fuabä ya. Ei a lasha lä cule ma cui, ai a cublou co̦o däjä ma cui, camiyä ya wa̦ faö mlao däjä, maa a nia queimi fe balojowä. Jeu jeu bä ma cui, ya wa̦ faö mlalanö tä nia ca̦i jäläblou bädaomi —a cuma.

Mateo 20:15

Iba ya bä sheleleblamaö cuo bufi lä doblao weinaja, ya bä sheleleblamaö cuobä, ¿ö̦jö yami daanö? ¿Ö̦jö tawä? Camiyä inaja ya shi ö̦jöde cuwä ja, ¿cafä bei wa bufi li jushujuablalobä, bei wa?” a bada cuma.

Lucas 10:21

Ö̦jö däjä, Yai Bada tä Bufinö Jesús a bufi doblamabou fe fa balojoonö, bä Fö̦ö nija a wa̦ fama. —Fabe. Fedu jamö ma cui, bita jamö ma cui, cafä lä wa shino Bada cua ayaa. Ei ya tä a̦ lä wäyäfe, bä bufi a̦fa moyawä lä taö wejei bä nija wa tä a̦ nofi mojodumabou. Bä bufi a̦fa dao lä taö wejei bä ma cui nija inaja showawä. Inaja ö̦jö wa bä ma taamabou däjä ma cui, jai ijilu bä lä cule bä nija wa tä a̦ yai wawäblamalema. Awei, Fabe. No mlai ja inaja wa bä taamaö bufi malä doblaono wei.

Romanos 9:15

Abenaja Moisesi lija Yai Bada tä malä cuno wei. Ya nofi asibou bufi lä doblao wei a lä cui, ya nofi asibou cuquei. Ya nofi ojodabou bufi lä doblao wei a lä cui, ya nofi ojodabou cuquei. Einaja a cuma.

Romanos 9:20

¿Cafä wedi bei wa wa̦ li bashiwä? Cafä yanowamö wa ma cui, Yai Bada lija, ¿inaja bei wa wa̦ nia fuo li cuaaö? Oshoboli a lä taö wei a lä cui lija, ¿cama oshoboli a wa̦ nia faö daanö? “Wedi tabä inaja bei wale tablaö li cua cule”, ¿oshoboli a nia cuu daanö?

Efesios 1:11

Yai Bada a lä cuinö, tä tamaö lä bufii wei showadi tä jödödöblaö. Cama yama ecö cuo mö feduobä, Cristo lija yamalecö yädämaquema. Inaja yamalecö taamaö bufii fa showadaonö, yamalecö taamama.

Efesios 1:9

Yai Bada a nia lä cuaaö wei tä a̦ jaba jo̦yaoma ma cui, Cristo a lä cuaano wei tänö bämalecö bufi jaducäblamalema. Bämalecö bufi möblamalema.

Santiago 5:17

¿Ö̦jö tawä? Yai Bada a wa̦no wäyälewä Elia a lä cuaano wei wama tä a̦ malä dale. Camiyä bämacö lä culenaja Elia a cuo mö feduoma ma cui, a wa̦ yai ji̦liodayoma. Yai Bada a nofi mölabolanö a wa̦ faö ja, maa a ja̦mabou bufima. Yai Bada tänö a wa̦ fa ji̦lilädunö, lasha 3 a lalou ma cuono wei ma cui, ai a lalou bäshäcuaaö ma co̦ono wei ma cui, maa a quenomi showawä.

Apocalipsis 11:6

Yai Bada a wa̦no wäyäböbä cäcöbö läo showao däjä, cäcöbö nö quiliaö dodijiobä cäcöbö nö wa̦lojomabou. Judu mösö wejemaboböö dao, maa a quei mlaobä. Mau ubä ca̦i i̦yäamaböö dao. Yanowamö täbä lä bälöblai, jödödöwä tä wayu shomitawänö bä nö ca̦i bleaamaböö dao. Inaja täbä taamaböö bufi doblao ja, bä taamaböö showadaobä cäcöbö.