Lucas 4:22 - Biblia Yanowamö

²² A wa̦ lä ji̦liano wejei bä blucanö, a wa̦fa dodijaö tamaje. A wa̦ dodijaö ja, bä bufi möaama ma cui, abinaja bä cudou majölayoma. —¿José fei bä ijilubö emi daanö? —bä cuma.

Lucas 4:22 Iomraidhean Croise

Isaías 50:4

Yai Bada tä Bada lä ayainö wale a̦ damaö, bä lä modaö wei camiyä ya wa̦nö ya bä bufi lofotomabou fe yadiobä. Fena däjä showadi wale la̦maö fenao talei, ya wa̦ ji̦libä. Bä damamou bufi lä doblao wei bä yömöca dao lä cuo weinaja, ya yömöca dao cuobä.

Lucas 2:47

Jesús a wa̦ lä ji̦liano wejei bä bufi bluca shädayaimoma. A bufi lä jaducuono wei tä ma cui ja, a wa̦ juo lä moyawäono wei tä ma cui ja, bä bufi shädayaimou dodijioma.

Lucas 2:48

¿Ö̦jö tawä? Ö̦jamö lä a dablaböö co̦o däjä, cäcöbö bufi ca̦i shädayaimoma. Abinaja bä nöö e cuma. —U̦asi. ¿Wedi tabä wafälecö bufi nö li bleaamaö dicooma? Camiyä ya ma cui, faafä a ma cui, yafäcö bufi jalujolanö bäfä dayäö nö dedeaö waiquiwä.

Lucas 21:15

Wamacö a̦ moyawe juobä, camiyänö bämacö a̦ nia malä macocamaö wei. Bämacö a̦ lä bayeliblaö wei däjä, bä nö lä nabämou wei wama bä a̦ nö nia wa̦lojamaimi.

Lucas 4:21

Bä jaba yömölaö ja, abinaja a cuma. —Fei däjä, wamacö yömöca lä dale däjä, ei ya tä a̦ oni lä doafe tä a̦ lä cuu weinaja, tä bejedi wawäblou waiquilayou lä cufe —a cuma.

Juan 1:45

Felipe a lä cuino, Nataniel a fa dayäblalönö, abinaja e cuma. —Moisesi etä a̦ oni jamö a wa̦fa wäyämou lä balöono wei, yama a dalalei culoi. Yai Bada a wa̦no wäyälewä bä ma cuinö, a wa̦fa ca̦i onibomaje. Nasaleteli Jesús, ö̦jö a waiquiwä, José bä ijilubö e lä cui —e cuma.

Juan 6:42

Abinaja bä cuma. —José bä ijilubö Jesús a wa̦fa lä cui, ¿fei ö̦jö a mlai daanö? Bä fö̦ö e ma cui, bä nöö e ma cui, bäma cäcöbö malä dale. ¿Wedi tabä “Fedu jamö culanö ya itolayoma”, bei a li cuu dicoo? —bä cuma.

Juan 7:46

Bä lä shömöleno wejei bä bada lä cui, abinaja bä cuma. —Quiji a lä cui, a wa̦ yai walalawä fe balojowä. Ö̦jö a wa̦ yai ji̦limamou lä culenaja, yedu ja ma cui, fei däjä ma cui, ai bä a̦ ji̦limamou cuwämi waiquiwä —bä cuma.

Hechos 6:10

Ö̦jö ma cui, Yai Bada tä Bufinö a wa̦ faö fa moyawäonö, Estebannö bä a̦ nö wa̦lojamanomi.

Tito 2:8

Wa wa̦ fa cadidonö, wa wa̦fa tamou mlaicätä. Bä a̦ lä lämou wei bä a̦ lafuo bufi ma doblao wei ma cui, bämacö a̦fa tamobä tä cuami yalo, wamicai bä nia cuo.