Lucas 4:16 - Biblia Yanowamö

¹⁶ Ö̦jö däjä, Nasale jamö Jesús a co̦layoma, a oshe lä cuono wei jamö. Ö̦jamö lä judio bä yododabä yafi jamö a lucälayoma, showadi a lä cuaano weinaja showawä. Täbä nia lä yanöcöono wei tä mö jalu sábado cuoma. Ö̦jamö, wawädowä tä a̦ oni nia fa doanö, a ublalayoma.

Lucas 4:16 Iomraidhean Croise

Mateo 2:23

Nasale tä a̦fa shabono lä jilaö wejei jamö, bä yai bälöaliyoma. Inaja Yai Bada tänö bä taamama, cama a wa̦no wäyälewä bä lä cuno wei tä a̦ bejedi cublobä. Yai Bada tänö a shömabä a lä yaileno wei a lä cui, ö̦jö a wa̦fa wäyämamou ja abinaja tä a̦ cuu. Nasaleteli a wa̦fa nia jilabouje. Einaja tä a̦ cuu.

Lucas 2:39

Bada tä a̦ oni jamö, tä tamaö lä bufino weinaja tä taa fa jödödöblabölönö, Calilea jamö bä ijilubö a ca̦i co̦böa co̦layoma, cama Nasaleteli bä nijamö.

Lucas 2:42

Jesúsnö lasha 12 a faa fa waiquimalönö, fiya oshe a cuo däjä, ö̦jö sho bä bluca juu co̦ofälöma, showadi bä lä cuaano weinaja showawä.

Lucas 2:51

Ö̦jö däjä, cama ecöbö nijamö a nocaa co̦layofälöma. Nasale jamö bä co̦a fa co̦lunö, dodijidawä cäcöbö a̦ juama. Tä bluca lä cublaliyono wei, bä nöö enö tä nofi jaducubou showalanö a bufi dayäodima.

Lucas 4:15

Judio bä yododabä jamö bä damaö fa cuaanö, bluca bänö a wa̦fa dodijaö tamaje.

Lucas 4:17

Tä a̦ oni doabä, tä si jöbömoquema, Yai Bada a wa̦no wäyälewä Isaia a wa̦ oni lä cui. Ö̦jö tä si fa cushäshäblalönö, tä a̦ doaö bufi lä doblaono wei tä a̦ oni dayäblalema. Ö̦jö däjä, abinaja tä a̦ oni lä cuu wei tä a̦ wawädowä doama.

Lucas 4:21

Bä jaba yömölaö ja, abinaja a cuma. —Fei däjä, wamacö yömöca lä dale däjä, ei ya tä a̦ oni lä doafe tä a̦ lä cuu weinaja, tä bejedi wawäblou waiquilayou lä cufe —a cuma.

Lucas 4:23

Cama bä nija abinaja Jesús a cuma. —Wamale nowa nia lä taö wei, ya tä daö waiquiwä. Showadi täbä a̦. Täbä bejedimou wabaöje ja, abinaja bä cuu. “Wa bä jalomaö lä daö wei wa waiquiwä ja lä, ¡cafä a da jalomamo, ö̦jö lä! Cabenao jamö bäfä a̦fa lä ji̦libolenaja, ¡afä tä ulifi jamö a yai da cuaayo!” Inaja wamale nowa nia taö, ¿ö̦jö tawä? —Jesús a cuma.

Juan 18:20

Jesús abinaja e cuu mö feduoma. —Yanowamö täbä nijamö, wawädowä ya wa̦ shino faö talei. Judio bämacö yododabä yafi bä jamö ya tä a̦ shino wäyäö, Yai Bada etä yafi jamö ca̦i, judio bä bluca lä yododadii wei jamö. Moli ma cui, ya tä a̦ wäaö ja̦toonomi.

Hechos 17:2

Ö̦jamö lä Pablo a alayoma, showadi a lä cuaano weinaja showawä. Täbä yanöcöobä tä mö jalu ja, 3 a juu fa cublalunö, Yai Bada a wa̦no oni jömaö cuaaö ja, a wa̦ lojodoama.