Lucas 4:1 - Biblia Yanowamö

¹ Jodana u jamö Jesús a culanö, a waloa co̦quema. Yai Bada tä Bufinö a jödödöbou ja, ulifi bloque jamö a lulubou cuaama.

Lucas 4:1 Iomraidhean Croise

1 Reyes 18:12

’¿Ö̦jö tawä? —a cuma—. Ya fulayono wei ja, Jeobaa a Bufinö wa nia shomi jamö bälaö juo ja̦too, “Quijamö daanö”, ya bufi nö cubö lä mlai jamö. Inaja tä fa cuonö, Acaba a bada lija cafä bä a̦fa wäyäö ja, eja wa nia ma dayäaö wei ma cui, wa dablaimi tä nowa ja, wale nia shäö. ¿Ö̦jö tawä? Cafä bä nosie fuamobä ya lä cuinö, ya fiyao däjä Jeobaa ya nö quili lä tano weinaja ya cua lä showale däjä ma cui, wale nia shämaö —e cuma.

1 Reyes 19:4

Ö̦jö däjä, ulufi bloque jamö a fe doleblou fa showadalonö, fii tefi cotä ja a weyade loaliyoma. A fa loalunö, a bufi mlao showadaobä, Jeobaa lija a nacoma. Abenaja a cuma. —Jeobaa wa tä. Fei däjä, inaja lä waiquiwä. Bei. Wale bufi da co̦lö. Iba bada bä jaba lä cuono wei bä doblou lä mlaono weinaja, inaja showawä ya cuwä mö malä fedui —a cuma.

Mateo 3:16

Jesús a fe fa ojoblamolunö, lobe a washölöblou co̦o däjä, judu mösö ca jolablalejelayoma. Mösö ca fa jolablalujulunö, Yai Bada a Bufi, jai joledo a cuwä, Jesúsnö a itou dalalema. Cama nija a loquema.

Lucas 2:27

Bei. Yai Bada tä Bufinö a fa shömanö, Yai Bada etä yafi jamö Simeoni a falayoma. Ö̦jamö a cuo däjä, bä ijilubö Jesús a ca̦i waloböquema, Moisesi tä a̦ oni jamö, ijilu bä taamaö lä bufino weinaja a taamaböbä.

Lucas 3:3

Ö̦jö cudeenö, Yai Bada etä a̦ ja, Jodana u jamö bä bluca lä bälöblai bä yömölaö cuaama. Wa̦lidiwä tä ja bä bufi lädamaö bufima, cama nija bä fe ojoblamobä. Bä doblou lä mlai tä ma cule ma cui, Yai Bada tänö tä nowa mladamabä.

Lucas 3:38

Cainana bä fö̦ö, Enosi e a̦fa cuoma. Enosi bä fö̦ö, Sede e a̦fa cuoma. Sede bä fö̦ö, Adana e a̦fa cuoma. Adana bä fö̦ö, Yai Bada a cuoma.

Lucas 4:14

Ö̦jö däjä, Calilea jamö Jesús a co̦a co̦layoma. Yai Bada tä Bufinö a nö wa̦lojomabou dodijioma yalo, ö̦jamö bluca bä lä bälöblai bä nija a wa̦fa ji̦limobodayoma.

Lucas 4:18

Bä lä jo̦li wei bä nija, tä a̦ lä dodijidai ya tä a̦ wäyäbä, Yai Bada tänö wale yailema. Ö̦jö cudeenö, Bada tä Bufinö wale ca̦i cua lä cule. Ya bä nia lä bayeliblaö wei ya wa̦fa wäamobä, wale shömölema. Bä shi lä wa̦limabou wejei ya bä nia jujeblamaö. Bä lä jubäbö wei ya bä mamocu nia dodijidablaö co̦o. Bä nö lä bleaamaö wejei ya bä nia bayeliblaö.

Juan 1:32

A wa̦fa wäyäö showawä ja, abinaja Juan a cuma. —Fedu jamö, jai joledo a cuwä, Yai Bada ya Bufi itou dalalema. Jesús nija a Bufi yanöcöquema.

Juan 3:34

¿Ö̦jö tawä? Yai Bada tänö a lä shömöleno wei a lä cui, ö̦jönö cama a wa̦no wäyäö. Yai Bada tänö a fa dobälönö, bei a Bufinö a malä jödödöbole.

Hechos 1:2

a ösöö showao mlao däjä, a lä cuaano wei tä a̦ lä cui. ¿Ö̦jö tawä? Fedu jamö a co̦amamou showao mlao däjä, cama ebä nosiemaö balöoma, bä lä shömöleno wei bä lä cui. Yai Bada tä Bufinö a wa̦ fa cadidonö, bä nosiemama.

Hechos 10:38

Ö̦jö Nasaleteli Jesús a lä cui, Yai Bada tänö a bayelibou ja, bei Bufinö a jödödöboma. A nö ca̦i wa̦lojomaboma. ¿Ö̦jö tawä? Täbä shino bayeliblaö cuaama. Fecula bada tänö bä nö lä bleaamano wei, bä bluca ca̦i jalomaö cuaama. Yai Bada tänö a ca̦i malä cuono wei.

Hechos 8:39

Cäcöbö washölöblou fa co̦lonö, Yai Bada tä Bufinö Felipe a däa showadalefälöma. ¿Ö̦jö tawä? Bada tänö Felipe a dablaö co̦o mlai ja, a bufi ca̦i doblao co̦a co̦layoma.