Lucas 3:7 - Biblia Yanowamö

⁷ Juan nija bä fe ojoblamobä, bä bluca co̦cablamoyoluma. A wa̦ lojodoaö ja, abinaja Juannö bä nowa tama. —¡Olu bä wayu lä culenaja, wamacö lä cui! Wamacö jolemou. Wamacö fe ojoblamou lä buo wei tänö, ¿wamacö nia nowamamou daanö? Ma. Yai Bada a ishou däjä, wamacö nia nowamamoimi.

Lucas 3:7 Iomraidhean Croise

Génesis 3:15

’Suwä sho showadi wafäcö nofi wa̦liayobä, bäfäcö tablamaö lä cule. Obi ma cui, suwä bei ijilubö e nodiwä sho, afä a nia lä nodiblou wei a sho, cäcöbö nofi nia wa̦liayou nodiablalou showao. Ya̦cumö suwä a lä cui, bei ijilubö nodiwä e nö nia shino wa̦lojaö ayao. Wa fe nia shäaö. Cafänö bei wa e mamicö shiona nia difequiaö —cäcö nowa tama.

Mateo 12:34

’Cafä ¡olu bä wayu lä culenaja, wamacö cuwä! —a cuma—. Wamacö jolemou. Wamacö wa̦lidiwä waiquiwä yalo, ¿wedinaja wamacö a̦ li dodijidawä faö cuo majöobä? Bei täbä bufi jamö tä lä didile etä a̦ shino malä wawäblou wei.

Mateo 23:33

’¡Olu bä wayu lä culenaja, wamacö lä cuwä wei wamacö! —a cuma—. Wamacö jolemou. Yai Bada tänö täbä jömaö däjä, shobali wacö jamö wamacö shömaö dodijio wä.

Mateo 3:6

Bä doblono lä mlai tä ja bä a̦ nö wäolanö, Jodana u jamö cama nija bä fe ojoblamolayoma.

Juan 8:44

’Faafä fecula bada wama ecö yai ijilubö. Ö̦jönö tä tamaö lä bufii weinaja, wamacö cuaaö bufi doblao. Jaba däjä ma cui, täbä shäö bufi doblao showaoma. A bejedimou daimi yalo, tä lä bejedi wei tä julii daimi waiquiwä. A jolemou däjä, cama a bufi lä cuaaö wei etä wawälayou. Jolemolewä a waiquiwä malä cui. Bä lä jolemou wei bä lä cui, ö̦jö nija bä li fö̦ömou.

Hechos 13:10

Ö̦jö a möö fa cadidionö, a wa̦ fama. —¡Fecula bada wa ijilubö! Tä lä dodijidai wa tä nofi bluca lä wa̦libole wa. Showadi wa täbä mölamaö. Wa̦lidiwä showadi wa tä tadii. Yai Bada etä a̦ lä bejedi wei, wa etä a̦ shomiblamabä, ¿bei wa nia shijilodoimi?

1 Tesalonicenses 1:10

Fei däjä bä Ijilubö e lä culadi wama e nö ca̦i dabou. Ö̦jö Jesús a lä cui, a ma nomalayono wei a demi jocäa co̦malema. Yai Bada a nö waiteli lä quiliaö wei däjä bämalecö noshi nia umlabou.

Hebreos 6:18

Yai Bada a wa̦ nö wäo ja a wa̦ cadidou showadao. A wa̦ nia shominajaö majöomi. Inaja showawä, cama a caficö jolemou dao lä mlai a wa̦fa wäyämou ja, a wa̦ nö shominajaaö majöobimi waiquiwä. ¿Ö̦jö tawä? A wa̦ nö lä wäono wei tä a̦ lä cui ja, bämacö mölaö lofotoo showaobä tä a̦. Yai Bada lija bämacö nofi lä yashuo wei bämacö lä cui, bämacö nia lä bayeliblou wei tä a̦ ja, bämacö mölaö showao fe yadiobä.

1 Juan 3:8

Wa̦lidiwä tä lä taö wejei, fecula bada ö̦jö ebä li. Jaba däjä ma cui, ö̦jönö tä wa̦lidiwä taö malä showadaono wei. ¿Ö̦jö tawä? Fecula badanö tä lä taö wei etä wa̦liabä, Yai Bada bei Ijilubö e wawälayoyoluma.