Lucas 3:18 - Biblia Yanowamö

¹⁸ Inaja Juannö tä a̦ bluca wäyäö lojodoaö fa cuaanö, dodijidawä tä a̦ ja bä yömölama.

Lucas 3:18 Iomraidhean Croise

Lucas 3:17

’Nii bä tamou däjä, mobä yaiblamou lä culenaja, a nia cuaaö —a cuma—. Mobä fa yaiblalönö, tä ulifi aublaö co̦obä. ¿Ö̦jö tawä? Shode walalawä fe ca̦i bada juu waiquia lä cuimi, tesibä fa joyalönö, mobä feiblamabä. Mobä nia lä cuo wei jamö, mobä taablabä. Ö̦jö ma cui, cowa wacö ludalou dao lä mlai jamö, bei tesibä nia yablaö —a cuu nö quiliama.

Lucas 3:19

Ö̦jö ma cui, bada tä Elode a wasöma yalo, etä wa̦lidiblaliyoma. Bada anö cama mashi bei suwäbö e lälema, Elodia a wa̦fa suwä lä cui. Ö̦jö cudeenö Juannö a wasöma. Ö̦jö a nowa suwä shino ja mlai, a lä cuaanö wei tä nowa ca̦i bluca ja, a wasöma.

Juan 1:15

Fe ojomalewä Juan a lä cuinö, ö̦jö a wa̦fa wäyäö ja, abinaja a wa̦ i̦cali faö ja, a cuma. —Ya wa̦fa da wäyäblei, ei a waiquiwä. Abinaja bämacö nowa da tablei. “Camiyä ya nodi jamö, a juu lä jäimi, ö̦jö a shino Bada. Camiyä ya cuo mlao däjä, a cuo showao balöoma yalo, ö̦jö ya wa̦fa Bada wäyäö lä cule”, bämacö nowa da tablei —Juan a cuma.

Juan 1:29

Ö̦jö tä fena ja, Jesús a juu fa dalalönö, Juan a wa̦ fama. —¡Ei, ei! Quiji a lä cui, Yai Bada tänö a shömölema. Oweja a wa̦fa ocalo lä jilamou wei a. Bita jamö täbä lä bälöblai täbä nowa wa̦lidiwä mladamabä, a nia lä shämou wei, ö̦jö lä a.

Juan 1:34

¿Ö̦jö tawä? Ö̦jö ya dalalema. Ya fa dalalönö, Yai Bada bei ya e a̦fa Ijilubö wäyäö malä cui. Ö̦jö a waiquiwä —Juan a cuma.

Hechos 2:40

Jesús a wa̦fa wäyäö ja, bä yömöladima. Yai Bada etä a̦ ja bä nowa talanö, abinaja a ca̦i cuablaloma. —Ei bä lä bälöblai, bä dobloimi waiquiwä. Ö̦jö bä lä cui bä nö bleaabä jamö, wamacö nö bleaaö bashio mlaobä, bä da nowamöo —a cuma.

Hechos 20:2

Masedonia jamö Jesucristo ebä bufi lojodoamaö fa cuaaimadunö, Clesia tä ulifi jamö a waloa nomöjöquema.

Romanos 12:8

Wa ebä yömölabä wa waiquiwä ja, dodijidawä ebä da yömöla. Afä täbä ja wa ebä bayeliblabä wa waiquiwä ja, bufi läablalou mlai ja, dodijidawä bä da bayelibla. Wa bada läobä wa waiquiwä ja, a nö da wa̦lojoicu, ö̦jö lä, dodijidawä wa ebä ca̦i cuobä. Jesucristo ebä nö lä bleaale wa bä nofi ojodabobä wa waiquiwä ja, bufi doblalolanö bä nofi da ojodada.