Lucas 3:13 - Biblia Yanowamö

¹³ Abinaja bä nowa tama. —Blada bä däamaö bufii lä cuo wejeinaja, bä nacaö da cadidioje, ai wama bä yädäblamaö ja̦too mlai ja —bä nowa tama.

Lucas 3:13 Iomraidhean Croise

Mateo 7:12

’¿Ö̦jö tawä? —a cuma—. Ai täbä nija cafä wamacö nofimamou bufi lä doblao weinaja, inaja showawä ai wama täbä yai nofimaö cuobä. Inaja wamacö cuaaö ja, Moisesi wama etä a̦ nofi cadidibou waiquiwä. Yai Bada a wa̦no wäyälewä bä ma cui, inaja wamacö cuaaö ja, ö̦jö wama bä a̦ nofi ca̦i cadidibou mö feduwä.

Lucas 19:8

Ö̦jö däjä, Bada a nija Saqueo a fa ubladalunö, abinaja a cuma. —Bada tä. Ya bä bluca lä tabole, bä nö jo̦lili lä bleaaö wei bä nija ai ya bä mashi nia shelelaö cuaaö. ¿Ö̦jö tawä? Ai ya ebä blada däa lä ja̦toleno wei ya bä nia co̦amaö. Ya bä co̦amaö ja, ya bä lä däleno wei ya tä co̦amaö bädao mlai, ai ya bä nia yädädamaö cuaaö majöo. Moli ya lä däleno wei a ja, 4 ya bä nia co̦amaö. Inaja showawä ya bä nia yädädamaö cuaaö—a cuma.

Lucas 3:12

Lomateli bada bä befi bä blada lä doaö wejei bä ma cui, ö̦jö bä fe ca̦i ojoblamobä, bä waloquema. Abinaja Juan nija bä cuma. —Tä a̦ wäyäle. ¿Wedinaja camiyä yamacö li cuaabä?

Lucas 3:14

Sodado bä ma cuinö, Juan a ca̦i wa̦lii mö feduomaje. —¿Wedinaja camiyä yamacö li cuaaö mö feduobä? Abinaja Juannö bä nowa tama. —Ai bä nija wamacö waitelimolanö, blada bä doaö fe yadiblo dijejä. Abinaja ca̦i. “Wale dobäimi ja, bada bä nija bäfä a̦fa nia wäyäö”, bä cu dijä. Wamacö nowa ojode lä co̦amaö wejei bä nija bä ca̦i nacömo dijä —bä nowa tama.

1 Corintios 6:10

Bä lä tomömou wei bä ma cui, madofi täbä ja bä bufi lä waiyou wei bä ma cui, cama bä shi lä wa̦limamou wei bä ma cui, bä a̦fa lä lafumaö wejei bä ma cui, Yai Bada tänö dodijidawä cama ebä ca̦i cuobä jamö, ö̦jö bä ajedemabou mlaicätä.

Efesios 4:28

Wamacö jaba lä tomömono wei wamacö lä cui, bä tomömou co̦daa dijä. Bä yai da ojodamo. Dodijidawä wamacö fa ojodamonö, bä nö fo̦li lä bleaaö wei wama bä yai bayeliblabä.

Hebreos 12:1

Ö̦jö bä jaba lä cuono wei bä lä cuinö, Yai Bada a wa̦ nofi lä mölabou wejei tä wawädowä damalalemaje. ¿Ö̦jö tawä? Jai bämalecö fe fa̦yobouje bä cuwä waiquiwä yalo, bämacö ca̦i dodijaö mö da feduo, ö̦jö lä. Bämacö lä yabäcamou wei bäma tä da joya. Wa̦lidiwä bäma tä fujeblaö si ijejewä lä mlai tä ca̦i. Ö̦jö däjä Yai Bada tänö bämalecö taamaö lä bufii weinaja, bämacö cuaaö cadidou fe da yadio.