Lucas 3:11 - Biblia Yanowamö

¹¹ Juan abinaja a cuma. —Ja̦o. Ola jamö cäcö lä bolacabolenö, cäcö tabou lä mlai nija cäcö mashi jöböabä, ö̦jö lä. Nii bä lä tabole a ma cuinö, inaja showawä —a cuma.

Lucas 3:11 Iomraidhean Croise

Mateo 25:40

’¿Ö̦jö tawä? —Jesús a cuma—. Ö̦jö lä däjä, Bada ya yai lä cui, abinaja ya nia cudou. “Cafä wamacö nija ei ya wa̦ lä cui, bejedi lä ya wa̦. Iba ai bä wai cua lä bädale bä ma cui, ö̦jö wama bä lä bayeliblaö wei däjä, jai camiyä wamale bayeliblama, bämacö nofi tabou showadaoma”, ya nia cudou.

Lucas 11:41

Inaja wamacö cuaablalou mlai, abinaja wamacö yai cuaabä. Bä nö jo̦lili lä bleaaö wei wama bä nofi yai ojodabobä. Inaja wamacö yai cuaaö ja, “Ei bä au nö mlawä”, Yai Bada tänö wamacö nofi nia shino tabou.

Lucas 18:22

Jesúsnö a wa̦ fa ji̦lianö, abinaja a nowa tama. —Ei moli wa tä yai taö fa cunoja, wa nö dodijaö cuquebö wei. Wa bä bluca lä tabole, blada bä ja wa bä fa nomöjöacönö, ö̦jö lä bä blada ja, täbä nö jo̦lili lä bleaaö wei täbä da dobälalö. Inaja wa yai cuaaö ja, afä täbä nowa lä bluca wei wa täbä nia tabodayou. Ö̦jö däjä, camiyä nija a nocaa da showadaiquiyo —a nowa tama.

Lucas 19:8

Ö̦jö däjä, Bada a nija Saqueo a fa ubladalunö, abinaja a cuma. —Bada tä. Ya bä bluca lä tabole, bä nö jo̦lili lä bleaaö wei bä nija ai ya bä mashi nia shelelaö cuaaö. ¿Ö̦jö tawä? Ai ya ebä blada däa lä ja̦toleno wei ya bä nia co̦amaö. Ya bä co̦amaö ja, ya bä lä däleno wei ya tä co̦amaö bädao mlai, ai ya bä nia yädädamaö cuaaö majöo. Moli ya lä däleno wei a ja, 4 ya bä nia co̦amaö. Inaja showawä ya bä nia yädädamaö cuaaö—a cuma.

Juan 13:29

Judanö blada bä talö yefiboma yalo, abinaja ai bä bufi cuma. “Bämacö iyabä, nii bä luluamaö bufii”, bä bufi cuma. Abinaja ca̦i. “Bä lä jo̦li wei bä dobäbä, a shömaö lä cule”, ebä bufi ca̦i cuu yacläoma.

Hechos 10:2

Ö̦jö a lä cui, Yai Bada nija a bejedimou bufi doblaoma. Cama a ma cuinö, cama ebä ma cuinö, Yai Bada tä nö quili bluca tamaje. A bufi läo mlai ja, judio bä lä jo̦li wei showadi bä dobäma. Yai Bada nija a nö shino bayeli nacaodima.

Hechos 10:31

Ö̦jamö a fa ubladalunö, a wa̦ fama. “Conelio”, a cuma. “Showadi Yai Bada nija wa nö bayeli lä nacao wei, tä a̦ ji̦limou culadi. Bä lä jo̦li wei wa bä showadi lä dobäö wei, ö̦jö tä ca̦i dablamodayou. Yai Bada tänö wa nofi jaducubou lä culadi.

Hechos 10:4

Yai Bada tä a̦jele nija a mamo quilili showalanö, a wa̦ juoma. —¿Wedi cätä, Bada tä? Abinaja a̦jele e cuma. —Showadi Yai Bada nija wa nö bayeli lä nacao wei tä a̦ ji̦limou culadi. Bä lä jo̦li wei, wa bä showadi lä dobäö wei, ö̦jö tä ca̦i dablamodayou. Yai Bada tänö cafä wa nofi jaducubou.

Efesios 4:28

Wamacö jaba lä tomömono wei wamacö lä cui, bä tomömou co̦daa dijä. Bä yai da ojodamo. Dodijidawä wamacö fa ojodamonö, bä nö fo̦li lä bleaaö wei wama bä yai bayeliblabä.

1 Timoteo 6:17

Täbä nö lä madofibö wei bä da cadidama. Madofi bä ja täbä bufi a̦fa jole doblao tao mlaobä, bä da wasö. Madofi bä mlaö si lä ijejei bä ja bä mölaö mlaobä. Yai Bada a nofi yai mölabou dodijiobeje. Ö̦jönö bluca täbä ja bämalecö dobäö fe balojowä, bämacö bufi doblalobä.

1 Timoteo 6:18

Dodijidawä bä cuobä wa bä nia yömölaö. Ai bänö madofi bä doaö shi jalimou lä cuaaö wejeinaja, dodijidawä tä ja bä bufi mö shi̦lo blucaobä. Bufi doblalanö ai täbä bayeliblaö ojodaobeje. Bufi lämou mlai ja bä shi ö̦jödaobä.

Hebreos 6:10

Cama lija wamacö lä ojodamou wei tä lä cui, Yai Bada tänö tä nofi mojodubobä a malä mlai. A dodijaö. Yai Bada wama a nofimaö yalo, cama wama ebä lä bayeliblano wei, wama ebä bayeliblaö lä showale, tä daö.

Santiago 1:27

Yai Bada bäma a nofi lä Fö̦ömale a lä cuinö bämalecö dodijaö dablabä, abinaja bämacö nia yai cuaaö. Ijilu wajadi bä lä cui bäma bä nofi nia tabou. Suwä bä lä feiblou wei bä ca̦i. Bä nö bleaaö cudeenö bäma bä nia bayeliblaö. ¿Ö̦jö tawä? Yanowamö täbä showadi lä cuaaö wei tä ja, bämacö nia ca̦i yädäbloimi. Inaja bämacö yai cuaaö ja, Yai Bada tänö bämalecö nia shino yai dodijaö dablaö.

Santiago 2:14

Iba wamacö. “Yai Bada ya nofi mölabou”, wa ma cuu wei ma cui, wa dodijaimi ja, ¿wa nia bayeliblamou daanö? Wa wa̦ lä faö wei wa wa̦nö, ¿bei wa nia jucäamou daanö?

1 Juan 3:17

Ö̦jö ma cui täbä bayeliblabeje täbä tabou ma cujei, täbä bayeliblaö moji dicooje ja, ö̦jö bä lä cui bä bufi nofiomi. Cama ai e nö jo̦lili lä bleaaö wei a nofi ojodabou lä mlajei bä lä cuinö, Yai Bada bei tä nofimaimi waiquiweje.

1 Juan 4:20

“Yai Bada ya nofimaö”, bä cuu ma cui, cama ai ebä nofi wa̦libou dicooje ja, bä jolemou waiquiwä. Cama ai ebä ma dablou wei ma cui, ö̦jö lä ebä nofimaimi waiquiweje ja, Yai Bada tä dablamou lä mlai bei tä nofimaimi yaiweje.