9 Ö̦jö däjä maa maca jamö bä faa fa co̦lufälönö, Jesús 11 ebä ma cui nija, ai bä bluca ma cui nija, tä a̦ bluca wäyäö co̦ojolomaje.
Ö̦jö däjä, Jesúsnö bä lä nocamabono wei bä lä cui bä bluca ö̦cöö däjä, María a waloa co̦beyoluma. A waloa fa co̦boyonö tä a̦ wäyäö showadaojoloma.
¿Ö̦jö tawä? Jesúsnö bä lä shömöleno wei bä nija tä a̦ lä wäyäno wejei bä lä cui, ei bä a̦fa suwä cuoma. Madalateliyoma María a cuoma, Wana a ca̦i. Santiago bä nöö e ca̦i cuoma, María a wa̦fa cuo mö lä feduono wei. Ai bä ca̦i suwä.
Cama täcöbö a̦nö bä bufi suwä möblaliyoma. Jesús a lä cuno wei tä a̦ nofi jaducudalemaje.