16 Yai Bada tänö a nö ö̦jöböamanomi.
¿Ö̦jö tawä? Josénö cama bei a̦iyobö ebä nö ma ö̦jöböleno wei ma cui, cama a nö ö̦jöboanomije.
Inaja a cublou waiquilayono wei ja, shomi jamö cama ai ecöbö jufälöbä jamö, jai shomi a damoa cua majölaliyoma.
Ö̦jö tä a̦fa wayoaböfälöö däjä, cama Jesús a fa ajededalunö a juu boaafälöma ma cui,
Ö̦jö cäcöbö nija abinaja Jesús a cuma. —¿Wedi bei wafä tä a̦fa li wayoaö dodijia lä cuimadi, wafäcö jufälöbä jamö? —a cuma. Cäcöbö bufi wa̦lidiwä ca̦i fa ubladalunö,
Inaja a lä cuaale däjä, Yai Bada tänö a nö ö̦jöbömalema. A nö ö̦jöböaböö däjä, a mojodudou showalayoma.
Einaja a fa culunö, a mö fa lacödalunö, Jesús a ublaa dalalema ma cui, a nö ö̦jöböanomi.
Tä mö wacacadou däjä, modu u casö jamö Jesús a ublaa ja̦toaleyoluma. Ö̦jö ma cui, cama ebä lä nocamabono wei bä lä cuinö a nö ö̦jöböanomije.
