Lucas 23:5 - Biblia Yanowamö

⁵ Ö̦jö ma cui, bä a̦ fe blacäjoma. —Judea tä ulifi jamö bä lä bälöblai bä shi bluca jalimomaö lä cudi. Calilea jamö bä jaba fa yömölanö, etä a̦ wäyäö fa cuaaimanö, eja ma cui etä a̦ ca̦i wäyäö showawä —bä cuma.

Lucas 23:5 Iomraidhean Croise

Salmo 22:16

Awei. Ji̦ima bä waitelimou däjä, bä fe fa̦yoblou lä culenaja, bä doblou lä mlai bänö wale fe fa̦yobou cuaje. Wale imicö diquiamaje. Wale mamicö ca̦i diquiamaje.

Salmo 69:4

No mlai ja wale nofi lä wa̦libou wejei, bä bluca fe balojowä. Bei ya feta u̦cu lä culenaja mlai, ö̦jö bä fe yai dolewä fe balojowä. Wale mö watäblaö bufi lä doblao wejei bä lofote, jole täbä a̦nö wale waicaö bufi lä doblao wejei bä lä cui. Ya tä däanomi ja, ¿wedinaja ya tä nowa li co̦amaö cuobä?

Mateo 11:1

Cama 12 ebä lä nocamabono wei bä yömölaa fa jödödöblalönö, Jesúsnö bä ca̦i aa co̦layofälöma. Täbä bälöa lä ajedeblai täbä shabonobö jamö bä ca̦i juu cuaama, ö̦jamö lä tä a̦ ca̦i wäyäö cuaafälöbä.

Mateo 2:1

Judea tä ulifi jamö, Lomateli bänö Elode a bada lä lämabono wejei däjä, Belena jamö Jesús a oshe cublaliyoma. A oshe cublaliyono wei ja, motoca a lä faö wei jamö bä lä bälöono wei, ai bä bufi daolewä waloqueyoluma. Tä nia lä cublou wei tä daö showadaobeje, shidicali bä shino mödimaje. Jelusale jamö ö̦jö bä fa yafilionö, abinaja bä cuma.

Mateo 27:24

¿Ö̦jö tawä? Bilado a wa̦ faa doblamanomije. Tä shino yai wa̦lidiblou nomöjölayoma. Ö̦jö cudeenö, mau ubä fa nacalänö, bä lä co̦camole bä mamo mötale jamö, Bilado imicö ya̦lömolayoma. ¿Ö̦jö tawä? Jesús a shämaö bufiono lä mlai a nö yai ö̦jöböamobä, wawädowä imicö li ya̦lömoma. Abinaja e cuma. —Camiyä ya mayonö ei a nia shämoimi. Cafä wamacö cuaaö bufi lä doblao weinaja, cafä wamacö li cuaabä —e cuma.

Mateo 4:23

Calilea jamö Jesús a juu cuaalanö, judio bä yododabä yafi bä jamö, täbä yömölaö cuaama. Yai Badanö cama ebä ca̦i nia lä cuo wei tä a̦ dodijidawä wäyäö cuaafälöma. Bluca tä wayu shomitawänö täbä lä jaliliono wei, täbä bluca jalomaö cuaama. Täbä lä wa̦lidiono wei bä ca̦i.

Marcos 1:14

Bei. Bada bänö Juan a juwäa waiquimaleno wejei ja, Calilea jamö Jesús a cua co̦layoma. Yai Bada dodijidawä tä a̦ ja, bä yömölaö cuaaimalanö, a waloa co̦quema.

Lucas 11:53

Ö̦jö däjä, Jesús a aa lä co̦layofälöno wei däjä, Moisesi tä a̦ ja täbä lä damaö wejei bä ma cuinö, faliseo bä bada ma cuinö, a nofi jaba wawädowä wa̦libomaje. Bluca tä ma cui ja, showadi a wa̦lii fe blacäjomaje.

Lucas 23:23

Ö̦jö ma cui, bä a̦ shi doa dicolayoma. Fii balitama defi ja a basuamabä, bä a̦ fe blacäjoma. Bä a̦ nacläalanö, Bilado a nowa tadiimaje.

Lucas 23:6

Biladonö ö̦jö tä a̦ fa ji̦lilänö bä wa̦lima. —¿Fei Calileateli bei a? —a cuma.

Juan 1:43

Ö̦jö tä fena ja, Calilea jamö Jesús a bufi cadidioma. Felipe a fa dalalönö, a nacalema. —Jabo. Camiyä nija a da yauiquiyo —e cuma.

Juan 19:15

Bä a̦ i̦cali faö ja, abinaja bä cuma. —¡A befi ca̦i da i̦tamacö! ¡A befi ca̦i da i̦tamacö! ¡Fii balitama defi jamö a da basumacö! Bilado abinaja a cuma. —Cafä wamacö nija a bada läobä a lä cui, ¿fii balitama defi jamö, ya basuamabä a daanö? Nofi bäyäalewä blowäjäwä bä lä cui, bä a̦ juoma. —Yama a nofi badabobä, Lomateli bada Sesa a lä cui, ö̦jö a waiquiwä —bä cuma.

Juan 2:11

Inaja Jesús a cuaaö ja, tä nö lä quilijii tä jaba wawäblamalema, Yai Bada e nö ö̦jöböamobä. Inaja a doblao damoa fa culalunö, cama ebä lä nocamabono wei bä lä cuinö a wa̦ bejedi bufilemaje. Calilea tä ulifi jamö a cuo däjä, inaja a cuaama, Canaateli bä nijamö.

Juan 7:41

Ai bä lä cui, abinaja bä cuma. —Yai Bada tänö a shömabä a lä yaileno wei, fei ö̦jö a waiquiwä —ai bä cuu mö feduoma. Ö̦jö ma cui, ai bä mö feduwä lä cui, abinaja ö̦jö bä li cuma. —A shömabä a lä yaileno wei a lä cui, Calilea jamö a oshe nia wawäblono malä mlai.

Juan 7:52

Abinaja cama nija bä cuu nomöjöoma. —¿Cafä Calileateli wa mö fedua tawä? Yai Bada etä a̦ oni da mö. Calilea jamö Yai Bada a wa̦no wäyälewä a nia lä wawäblou wei, tä a̦fa wäyämoimi —bä cuma.

Hechos 10:37

’Juan nija bä fe ojoblamobä, camanö bä yömölaö balöoma. Ö̦jö däjä, Calilea jamö tä bluca lä cublaliyono wei, wama tä a̦ ji̦libou waiquile cätä. Ya̦cumö, Judea tä ulifi jödödöwä jamö, tä a̦ wäyämou cuaama.

Hechos 23:10

Ö̦jö däjä, bä a̦ nö fa quilianö, sodado bada a lä cuinö Pablo a nofi jalujuboma. “A cacalaleije daanö”, a nofi fa tabonö, cama ebä shömöquema. —Bei, bei, bei. Ö̦jö bä nija wama a jucäa fe fa yadilönö, yafi jamö a lucäa da cömalöje —bä nowa tama.

Hechos 5:33

Inaja bä cuma yalo, bä bada jushudou fe fa balojolonö, bä shäö bufi doblaomaje.

Hechos 7:54

¿Ö̦jö tawä? Esteban a wa̦ fa ji̦liläjenö, bä jushudou fe fa balojolonö, bä asi asimou showadaoma.

Hechos 7:57

Ö̦jö a wa̦nö, bä jushudou fe fa balojolonö, bä a̦ nacli faa showalayoma. Bä yömöcacö fa jumödalunö, ö̦jö lä bä bluca showadawänö, Esteban a nabä läläa showadaquemaje.