Lucas 23:2 - Biblia Yanowamö

² a wa̦fa dobloimi wäyämaje. Abinaja bä cuma. —Ei a lä cuinö, judio yamalecö yaclämaö bufi lä doblao wei yama a daö. Cafä Lomateli bada bämacö a̦ juaö mlaobä a wa̦ faö. Bada tä Sesa nija blada bä jöböamobä tä ma cule, yamalecö wasöö. Cama a wa̦fa bada jilou, Yai Bada tänö a shömabä a lä yaileno wei. A nia jo̦wa yai bälöo dodijio —bä cuma.

Lucas 23:2 Iomraidhean Croise

1 Reyes 18:17

Elia a yai dablaö däjä, abenaja Acaba e cuma. —¿Cafä bei wa, Isaeli nodiwä wa ebä lä yabäcale? —e cuma.

Mateo 17:27

¿Ö̦jö tawä? Camiyä bämacö nija bä blada nacabeje bämacö ma mlai ma cui, bä jushuo mlaobä, blada bäma bä nia jöböaö fe yadio. ’Modu u jamö, ufeya a da ca̦balöcölö, ö̦jö lä —a cuma—. Yuli wa jaba lä yocäblale, wa caficö fa caloblalönö, blada wa nia didia dablaö. Blada bä lä nacaö wejei bä nija, ö̦jö a blada da jöböbadu. Cafä nija a nia blada lä nacaö wejei a ma cui, camiyä nija a nia nacaö mö lä feduo wejei a ma cui, ö̦jö moli a ma cui ja, bäfäcö nowa nia cuo —Jesús a cuma.

Mateo 22:21

—Lomateli bada tä Sesa —bä cuu mö feduoma. —Ja̦o —Jesús a cuma—. Sesa cama etäbä ja, wama a li dobäbä, ö̦jö lä. Yai Bada cama etäbä mö feduwä lä cui täbä ja, cama wama a li dobäö mö feduobä —a Jesús cuma.

Mateo 27:11

Ö̦jö däjä, Bilado nija Jesús a icumaquemaje, Lomateli bänö a bada lä lämaqueno wei a lä cui nija. Bada anö a wa̦lii ja, abinaja a cuma. —Cafä ¿judio bada bei wa? —a cuma. —Awei. Wa wa̦ cadidou —Jesús a cuma.

Marcos 12:17

—Ja̦o —Jesús a cuma—. Sesa cama etäbä ja, wama a li dobäbä. Yai Bada cama etäbä mö feduwä lä cui täbä ja, cama wama a li dobäö mö feduobä —a Jesús cuma. A wa̦ shaliliablalou dodijioma cudeenö, bä bufi yai shädayaimolayoma.

Marcos 15:2

Ö̦jö däjä, Biladonö a wa̦lii ja, abinaja a cuma. —¿Cafä judio bada bei wa? —a cuma. —Awei. Wa wa̦ cadidou —Jesús a cuma.

Lucas 23:14

abinaja bä nowa tama. —Bei. Ya dobloimi jömabä fei wama a bälaqueyoluma. Wamacö jo̦wa yaclämaö bufi doblaoma, Lomateli bada yamalecö a̦ juaö mlaobä. Cafä wamacö mamo mötale ja ya ma wa̦lino wei ma cui, wamacö lä cuno wei moli ma cui ya etä dablanomi.

Lucas 23:5

Ö̦jö ma cui, bä a̦ fe blacäjoma. —Judea tä ulifi jamö bä lä bälöblai bä shi bluca jalimomaö lä cudi. Calilea jamö bä jaba fa yömölanö, etä a̦ wäyäö fa cuaaimanö, eja ma cui etä a̦ ca̦i wäyäö showawä —bä cuma.

Juan 18:29

Ö̦jö cudeenö, cama bä nija Bilado a fa sibolunö, abinaja a cuma. —Ei a lä cui, ¿wedinaja a fa cuaanö, bei wama a wa̦fa li dobloimi taö? —a cuma.

Juan 18:30

Abinaja bä cuma. —Wa̦lidiwä talewä ei a cuo mlao fa cunoja, cafä nija yama a nö jöböabö mlai.

Juan 19:12

Ö̦jö a wa̦ fa ji̦lilänö, Biladonö a cushäblabä a wa̦ ma lojodoano wei ma cui, judio bä a̦ nö wa̦yäama. —Miji a lä cui wa cushäblamaö dicoo ja, Lomateli bada tä Sesa lä cui, wa nofimaimi waiquiwä. Bä a̦fa bada lä jilou wei bänö, Sesa a nofi malä wa̦libou wejei —bä cuma.

Hechos 24:13

Yale a̦fa lä wäyälajei bä bejedimoimi waiquiwä. Ya nofi jo̦wa lä jushuaö wei, cafä nija tä nö dablamabimi waiquiweje.

Hechos 24:5

’Fei Pablo a lä cuinö, bä lä yabäcaö wei yama a daö waiquiwä. Judio bluca bä lä bälöblai bä nijamö ma cui, fei a wa̦nö bä bluca shifilimou talei. Nasaleteli Jesús ebä nija, fei a bada lä läle a.

Romanos 13:7

¿Ö̦jö tawä? Bada bä bluca lä cublai, wama bä nofi nia tabou. Bada bä befi bä blada lä nacaö wejei tä cua ja, wama bä nia jibäaö. Ai tä nowa nia lä nacaö wejei tä cua ja, inaja showawä. Dodijidawä wama bä a̦ ji̦liabä bä waiquiwä ja, wama bä a̦ nia ji̦liaö. Wawädowä wama bä nofi tabobä bä waiquiwä ja, wawädowä wama bä nofi nia tabou.